ຂປລ
ປະທານປະເທດ ສປຈີນ ເປີດເຜີຍວ່າ ຈະໃຊ້ວິທີຫລຸດຜ່ອນ ຫລາຍຂຶ້ນ ໃນການດຳເນີນ ນະໂຍບາຍ ພາກການເງິນ, ຂະນະທີ່ ພວມປຶກສາຫາລື ເຖິງແຜນການກະຕຸ້ນ ເສດຖະກິດ ສຳລັບປີໜ້າ.
ຂປລ.ສຳນັກຂ່າວ ເອເອຟພີ ລາຍງານວ່າ: ທ່ານ ສິຈິ້ນຜິງ, ປະທານປະເທດ ສປຈີນ ເປີດເຜີຍວ່າ ຈະໃຊ້ວິທີຫລຸດຜ່ອນ ຫລາຍຂຶ້ນ ໃນການດຳເນີນ ນະໂຍບາຍ ພາກການເງິນ, ຂະນະທີ່ ພວມປຶກສາຫາລື ເຖິງແຜນການກະຕຸ້ນ ເສດຖະກິດ ສຳລັບປີໜ້າ. ໂດຍຄະນະ ກຳມະການກາງ ພັກກອມມູນິດ ຫລື ໂປລິດບູໂຣ ໄດ້ຈັດກອງປະຊຸມເພື່ອວິເຄາະ ແລະ ສຶກສາ ການເຮັດວຽກ ດ້ານເສດຖະກິດ ໃນປີ 2025 ເພື່ອກະຕຸ້ນ ການບໍລິໂພກປັບປຸງ ປະສິດທິພາບ ການລົງທຶນ ແລະ ຂະຫຍາຍຄວາມຕ້ອງການ ໃນປະເທດ.
ນອກຈາກນັ້ນ ການປະກາດ ຄວາມພະຍາຍາມ ໃນການກະຕຸ້ນ ບໍລິໂພກໃນປີ 2025 ຖືເປັນສັນຍານເຊິງບວກອີກຄັ້ງ, ໂດຍລັດຖະບານ ສປຈີນ ໄດ້ເປັນເປີດ ມາດຕະການຕ່າງໆ ຕັ້ງແຕ່ເດືອນ ກັນຍາທີ່ຜ່ານມາ ຊຶ່ງແນໃສ່ການກະຕຸ້ນ ການເຕີບໂຕ ລວມເຖິງການຫລຸດ ອັດຕາດອກເບ້ຍ, ການຍົກເລິກຂໍ້ຈຳກັດ ໃນການຊື້ເຮືອນ ແລະ ການຫລຸດພາລະ ໜີ້ສິນ ຂອງລັດຖະບານ ທ້ອງຖິ່ນ.
KPL
