ຂປລ
ກຳປູເຈຍ ປະກາດສັ່ງຫ້າມຈຳໜ່າຍເຄື່ອງດື່ມຊູກຳລັງ ໃນໂຮງຮຽນ ຫລັງພົບພະຍາດ ເບົາຫວານ ໃນກຸ່ມໄວໜຸ່ມ ເພີ່ມຂຶ້ນຢ່າງ ມີໄນສຳຄັນ.ໂດຍ ທ່ານ ຮັງ ຊວນ ຢາຣອງ, ຮອງນາຍົກລັດຖະມົນຕີ ແລະ ລັດຖະມົນຕີ ກະຊວງສຶກສາ ເຍົາວະຊົນ ແລະ ກິລາ ຂອງກຳປູເຈຍ
ຂປລ.ສຳນັກຂ່າວ ຊິນຮວາຂອງ ສປຈີນ, ເມື່ອບໍ່ດົນມານີ້, ກຳປູເຈຍ ປະກາດສັ່ງຫ້າມຈຳໜ່າຍເຄື່ອງດື່ມຊູກຳລັງ ໃນໂຮງຮຽນ ຫລັງພົບພະຍາດ ເບົາຫວານ ໃນກຸ່ມໄວໜຸ່ມ ເພີ່ມຂຶ້ນຢ່າງ ມີໄນສຳຄັນ.ໂດຍ ທ່ານ ຮັງ ຊວນ ຢາຣອງ, ຮອງນາຍົກລັດຖະມົນຕີ ແລະ ລັດຖະມົນຕີ ກະຊວງສຶກສາ ເຍົາວະຊົນ ແລະ ກິລາ ຂອງກຳປູເຈຍ ກ່າວວ່າ: ຄຳສັ່ງຫ້າມເບື້ອງຕົ້ນ ແນໃສ່ປ້ອງກັນຄວາມສ່ຽງ ການເກີດພະຍາດ ບໍ່ຕິດຕໍ່ຊໍ້າເຮື້ອ, ໂດຍສະເພາະ ພະຍາດເບົາຫວານ ຊຶ່ງມີສາເຫດມາຈາກ ການບໍລິໂພກນໍ້າຕານ ແລະ ເຄື່ອງດື່ມຊູກຳລັງ , ໂດຍຫ້າມທັງການ ບໍລິໂພກ, ການແຈກຢາຍ, ການຈຳໜ່າຍ ແລະ ການໂຄສະໜາ ເຄື່ອງດື່ມຊູກຳລັງ ທຸກຊະນິດພາຍໃນ ແລະ ຮອບນອກສະຖານທີ່ສຶກສາ ຂອງລັດ ແລະ ເອກະຊົນ ແລະ ສະຖາບັນອາຊິວະສຶກສາ ທົ່ວປະເທດ.
ນອກນີ້ ຍັງເນັ້ນໜັກ ໃຫ້ທຸກໂຮງຮຽນ ແຈ້ງເຕືອນນັກຮຽນ ເຖິງຜົນກະທົບ ດັ່ງກ່າວລະຫວ່າງ ເຂົ້ແຖວເຄົາລົບທຸງຊາດ, ພ້ອມທັງສັ່ງໃຫ້ໂຮງຮຽນ ຢຶດເຄື່ອງດື່ມຊູກຳລັງ ຈາກຜູ້ຈຳໜ່າຍ ທັງໃນ ແລະ ຮອບນອກໂຮງຮຽນ ແລະ ຍົກເລິກສັນຍາເຊົ່າແຜງ ຈຳໜ່າຍສິນຄ້າ ຫາກຮ້ານຄ້າ ບໍ່ປະຕິບັດຕາມ ຄຳສັ່ງຫ້າມດັ່ງກ່າວ./.
KPL
