ຂປລ
ດັດສະນີຜູ້ບໍລິໂພກ ຂອງສີລັງກາ ຫລຸດລົງ 2,1% ເມື່ອຕົ້ນເດືອນພະຈິກ ທີ່ຜ່ານມາຊຶ່ງຖືເປັນ ອັດຕາສູງສຸດ ນັບແຕ່ເລີ່ມບັນທຶກ ໃນປີ 1961.
ຂປລ.ສຳນັກຂ່າວ ເອເອຟພີ, ດັດສະນີຜູ້ບໍລິໂພກ ຂອງສີລັງກາ ຫລຸດລົງ 2,1% ເມື່ອຕົ້ນເດືອນພະຈິກ ທີ່ຜ່ານມາຊຶ່ງຖືເປັນ ອັດຕາສູງສຸດ ນັບແຕ່ເລີ່ມບັນທຶກ ໃນປີ 1961. ໂດຍວິກິດການ ທາງການເງິນ ທີ່ບໍ່ເຄີຍເກີດຂຶ້ນມາກ່ອນໃນສີລັງກາ ເມື່ອປີ 2022 ສົ່ງຜົນໃຫ້ສິນຄ້າ ອຸປະໂພກ ບໍລິໂພກ ຂາດແຄນຫລາຍເດືອນ, ຂະນະທີ່ ອັດຕາ ເງິນເຟີ້ເພີ່ມຂຶ້ນສູງສຸດເກືອບ 70%. ເງິນກູ້ຢືມ ຊ່ວຍເຫລືອມູນຄ່າ 2,9 ຕື້ໂດລາ ສະຫະລັດ ຈາກກອງທຶນການເງິນສາກົນ (IMF) ,ການຂຶ້ນພາສີ ແລະ ມາດຕະການອື່ນໆ ຊ່ວຍໃຫ້ການຟື້ນຟູ ທາງເສດຖະກິດ ສີລັງກາກ້າວໜ້າ ແຕ່ເປັນໄປຢ່າງຊັກຊ້າ.
ທະນາຄານກາງ ສີລັງກາ ລະບຸວ່າ: ອັດຕາເງິນເຟີ້ ມີທ່າອຽງ ທີ່ຈະກັບສູ່ລະດັບ ເປົ້າໝາຍ 5% ພາຍໃນອີກ ບໍ່ເທົ່າໃດເດືອນຕໍ່ໜ້າ. ຂະນະດຽວ ກັນສີລັງກາ ຜະເຊີນກັບພາວະເງີນຝຶດ 0,8% ໃນເດືອນຕຸລາ ແລະ 0,5% ເມື່ອເດືອນກັນຍາທີ່ຜ່ານມາ./.
KPL
