ຂປລ
ສປຈີນ ໃຫ້ການສະໜັບສະໜູນຄອບຄົວ ທີ່ມີສະມາຊິກ ຜູ້ພິການປະມານ 1,18 ລ້ານຄົວເຮືອນ ເພື່ອປັບປຸງເຮືອນ ໃຫ້ມີສິ່ງອຳນວຍຄວາມສະດວກ ສຳລັບຜູ້ພິການ ມີອຸປະກອນຊ່ວຍເຫລືອ ແລະ ລະບົບຄວາມປອດໄພທີ່ທັນສະໄໝ
ຂປລ.ສຳນັກຂ່າວຊິນຮວາຂອງ ສປຈີນ, ສະຫະພັນຄົນພິການ ແຫ່ງປະເທດ ສປຈີນ ລາຍງານວ່າ: ສປຈີນ ໃຫ້ການສະໜັບສະໜູນ ຄອບຄົວ ທີ່ມີສະມາຊິກ ຜູ້ພິການປະມານ 1,18 ລ້ານຄົວເຮືອນ ເພື່ອປັບປຸງເຮືອນ ໃຫ້ມີສິ່ງອຳນວຍ ຄວາມສະດວກ ສຳລັບຜູ້ພິການ ມີອຸປະກອນຊ່ວຍເຫລືອ ແລະ ລະບົບຄວາມປອດໄພ ທີ່ທັນສະໄໝ, ຊ່ວຍເພີ່ມຄວາມສະດວກ ໃນການເຄື່ອນໄຫວ ແລະ ຮັບຮອງວ່າ ຫ້ອງນໍ້າ ແລະ ຫ້ອງຄົວຈະປອດໄພຍິ່ງຂຶ້ນ.
ໃນລະຫວ່າງປີ 2021-2023 ທີ່ຜ່ານມາສປຈີນ ໄດ້ຊ່ວຍໃຫ້ເດັກພິການເກືອບ 1,24 ລ້ານຄົນ ໄດ້ຮັບບໍລິການຟື້ນຟູສົມນະພາບ, ໂດຍຕັ້ງແຕ່ເດືອນ ມັງກອນ-ເດືອນຕຸລາ 2024 ມີເດັກພິການ 4,43 ແສນຄົນ ທີ່ໄດ້ຮັບການຊ່ວຍເຫລືອ ຊຶ່ງເກືອບຈະຄວບຄຸມ ຜູ້ທີ່ຕ້ອງການ ຄວາມຊ່ວຍເຫລືອ ທັງໝົດ.ໃນຂະນະທີ່ ວັນທີ 3 ທັນວາກົງກັບ ວັນຄົນພິການສາກົນ ໄດ້ເນັ້ນໜັກເຖິງຄວາມພະຍາຍາມ ຢ່າງຕໍ່ເນື່ອງ ໃນການປັບປຸງຊີວິດ ຄວາມເປັນຢູ່ຂອງຄົນພິການ ໃນສປຈີນ ແລະ ທົ່ວໂລກ./.
KPL
