ຂປລ.ສຳນັກຂ່າວ ຊິນຮວາ ຂອງສປ ຈີນ,ເມື່ອບໍ່ດົນມານີ້, ແຜນການປະຕິບັດ ທີ່ຈັດໂດຍ ຫລາຍໜ່ວຍງານ ຂອງລັດຖະບານຈີນ ລະບຸວ່າ: ສປ ຈີນ ຕັ້ງເປົ້າ ບັນລຸ ອັດຕາ ເຂົ້າເຖິງ 5ຈີ ໃນກຸ່ມຜູ້ໃຊ້ງານ ຫລາຍກວ່າ 85% ພາຍໃນ ທ້າຍປີ2027.ຂະນະທີ່ ສປ ຈີນ ເດີນໜ້າ ການນຳເຕັກໂນໂລຊີ 5 ຈີ ໄປໃຊ້ງານ ໃນວົງກວ້າງ. ປັດຈຸບັນ ສປ ຈີນ ມີສະຖານີ 5ຈີ ຈຳນວນ 38ແຫ່ງ ຕໍ່ປະຊາກອນ 10.000ຄົນ ແລະ 5 ຈີ ຈະຄິດເປັນ 75% ຂອງປະລິມານ ໃຊ້ງານ ອິນເຕີເນັດ ໃນໂທລະສັບມືຖື. ຂະນະທີ່ ຈຳນວນ ອຸປະກອນ ອິນເຕີເນັດ ແຫ່ງຄວາມທັນສະໄໝ ທີ່ເຊື່ອມຕໍ່ ດ້ວຍ 5ຈີ ຈະເກີນ 100 ລ້ານເຄື່ອງ. ສຳລັບ ອັດຕາ ເຂົ້າເຖິງ ເຕັກໂນໂລຊີ 5 ຈີ ໃນບໍລິສັດ ອຸດສາຫະກຳ ຂະໜາດໃຫຍ່ ແລະ ຂະໜາດກາງ ຈະສູງເຖິງ 45% ພາຍໃນທ້າຍປີ2027. ແຜນການດັງກ່າວ ອອກແບບມາ ເພື່ອສົ່ງເສີມ ການພັດທະນາ ການປະຍຸກໃຊ້ 5 ຈີໃນວົງກວ້າງ. ປັດຈຸບັນ ສປ ຈີນ ມີຈຳນວນ ສະຖານີ 5 ຈີ ປະມານ 4,09ລ້ານແຫ່ງ ເມື່ອນັບຮອດ ເດືອນກັນຍາ ປີ2024 ໂດຍມີ ຜູ້ລົງທະບຽນ ສະໝັກໃຊ້ ບໍລິການ ໂທລະສັບມືຖື 5 ຈີ ຈຳນວນ 981 ລ້ານຄົນ. ຂະນະທີ່ ອັດຕາ ການເຈາະ ຕະຫລາດ ຜູ້ໃຊ້ 5 ຈີຂອງ ສປ ຈີນ ປະມານ 70% ຈາກຈຳນວນ ປະຊາກອນ ປະມານ 1,4 ຕື້ຄົນ./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

KPL