*ສປປ ລາວ ບັນລຸຕົວເລກນັກທ່ອງທ່ຽວເກີນແຜນວາງໄວ້ກ່ອນໜ້ານີ້ຈາກເຄີຍຕັ້ງເປົ້າໝາຍສູ້ຊົນດຶງດູດນັກທ່ອງທ່ຽວໃຫ້ໄດ້ 3 ລ້ານກວ່າຄົນໝົດປີ 2024 ແຕ່ໃນຕົວຈິງປັດຈຸບັນນີ້ພຽງ 10 ເດືອນ ຂອງປີ 2024 ມີນັກທ່ອງທ່ຽວ ເຂົ້າມາຢ້ຽມຢາມລາວແລ້ວ 5 ລ້ານກວ່າຄົນ ໃນນັ້ນ ມີນັກທ່ອງທ່ຽວຕ່າງປະເທດ 3 ລ້ານກວ່າຄົນ, ສ່ວນທີ່ເຫລືອແມ່ນຊາວລາວເຊິ່ງສະທ້ອນໃຫ້ເຫັນແນວທາງນະໂຍບາຍອັນຖືກຕ້ອງໂດຍການນໍາພາ-ຊີ້ນໍາຂອງພັກ-ລັດ ຕິດພັນກັບການເປີດກວ້າງ ແລະ ເສັ້ນທາງລົດໄຟລາວ-ຈີນ ພາຍໃຕ້ການຮ່ວມມືລະຫວ່າງສອງພັກສອງລັດ ລາວ- ຈີນ ໄດ້ເກີດດອກອອກຜົນຕົວຈິງ ອັນໄດ້ປະກອບສ່ວນສໍາຄັນເຂົ້າໃນການພັດທະນາເສດຖະກິດ-ສັງຄົມ, ສ້າງວຽກເຮັດງານທໍາ ແລະ ແກ້ໄຂຄວາມທຸກຍາກຂອງປະຊາຊົນລາວບັນດາເຜົ່າຢ່າງຮອບດ້ານ.

   ຫວ່າງບໍ່ດົນມານີ້ບໍລິສັດທາງລົດໄຟ ລາວ-ຈີນ ຈໍາກັດ ໄດ້ລາຍ ງານ ວ່າພຽງ 10 ເດືອນຂອງປີນີ້ນັບ ແຕ່ວັນທີ 1 ມັງກອນ ຫາ 4 ພະຈິກ 2024 ທາງລົດໄຟ ຈີນ-ລາວ ໄດ້ຂົນສົ່ງຜູ້ໂດຍສານທັງໝົດຈໍານວນ 3 ລ້ານຄົນ ທີ່ມາຈາກ 101 ປະ ເທດທົ່ວໂລກ, ສະເລ່ຍປະມານ 10.000 ຄົນ/ມ້ື, ເພີ່ມຂ້ຶນ 44,4% ເມື່ອທຽບໃສ່ໄລຍະດຽວກັນຂອງປີ 2023. ໃນນັ້ນຜູ້ໂດຍສານພາຍໃນມີຈຳນວນ 2.8 ລ້ານກວ່າຄົນ, ລວມທັງຂົນສົ່ງເຈົ້າໜ້າທີ່ພາກລັດ ແລະ ອາສາສະໝັກກູ້ໄພຟຣີ ໃນໄລ ຍະນ້ຳຖ້ວມ 11,36 ເທື່ອຄົນ, ອຳ ນວຍຄວາມສະດວກໃຫ້ແຂກນັ່ງ ລົດໄຟຟຣີໃນໄລຍະກອງປະຊຸມ   ອາຊຽນ 368 ຄົນ ແລະ ຜູ້ໂດຍສານ ຂ້າມແດນມີຈໍານວນ 107.000 ເທື່ອຄົນ ເພື່ອເປັນການຮັບມື ແລະ ອໍານວຍຄວາມສະດວກໃຫ້ຜູ້ ໂດຍສານທີ່ນັບມື້ນັບຫລາຍຂຶ້ນ, ທີ່ຜ່ານມາທາງລົດໄຟ ລາວ-ຈີນ ໄດ້ມີມາດຕະການຫລາຍຢ່າງບໍ່ວ່າຈະເປັນການເພີ່ມຖ້ຽວລົດ, ຕໍ່ຂະບວນລົດ ແລະ ອື່ນໆ, ທັງໝົດເຫລົ່ານີ້ ກໍເພື່ອອຳນວຍຄວາມສະດວກໃຫ້ແກ່ການໄປມາຫາສູ່ກັນຂອງພໍ່ແມ່ປະຊາຊົນໃຫ້ມີຄວາມສະດວກສະບາຍຂຶ້ນ ແລະ ອຳນວຍຄວາມສະດວກໃຫ້ແກ່ການເປັນເຈົ້າພາບຈັດກອງປະຊຸມອາຊຽນຂອງ ສປປ ລາວ ພ້ອມທັງເປັນການສົ່ງເສີມການທ່ອງທ່ຽວໃນປີທ່ອງທ່ຽວລາວ 2024 ນີ້.

  ໃນອະນາຄົດບໍລິສັດທາງລົດ ໄຟ ລາວ-ຈີນ ຈໍາກັດ ໄດ້ວາງແຜນນໍາເຂົ້າລົດໄຟ EMU ຂະບວນທີ 5 ເພື່ອຮອງຮັບນັກທ່ອງທ່ຽວ ແລະ ຊຸກຍູ້ການທ່ອງທ່ຽວລາວໃຫ້ກ້າວສູ່ອີກລະດັບໜຶ່ງໃນປີ 2025 ທີ່ໃກ້ຈະມາເຖິງນີ້.

*** ອ່ານຕໍ່ສະບັບໜ້າ ***

 ຂຽນ: ເກີດຂວັນໃຈ ມາລີຈັນສີ

KPL