ຂປລ
ເນື່ອງໃນໂອກາດ ວັນຊາດຂອງປະເທດ ກຳປູເຈຍ(Cambodia) ຫລື ລາຊະອານາຈັກ ກຳປູເຈຍ (Kingdom of Cambodia) ຄົບຮອບ 71 ປີ(9/11/1953-9/11/2024). ກຳປູເຈຍ ມີນະຄອນ ຫລວງ ຊື່ວ່າ: ພະນົມເປັນ(Phanompenh) ຕັ້ງຢູ່ທາງພາກໃຕ້ ຂອງ ແຫລມມະຫາສະໝຸດອິນໂດຈີນ; ທິດເໜືອຕິດ ກັບໄທ ແລະ ລາວ, ທິດໃຕ້ຕິດກັບອ່າວໄທ, ທິດຕາເວັນອອກຕິດກັບ ຫວຽດນາມ ແລະ ທິດຕາເວັນຕົກ ຕິດກັບໄທ. ມີເນື້ອທີ່ປະມານ 181.035 ກິໂລຕາແມັດ, ປະຊາກອນ 16,94 ລ້ານຄົນ(ປີ2023)
ເນື່ອງໃນໂອກາດ ວັນຊາດຂອງປະເທດ ກຳປູເຈຍ(Cambodia) ຫລື ລາຊະອານາຈັກ ກຳປູເຈຍ(Kingdom of Cambodia) ຄົບຮອບ 71 ປີ(9/11/1953-9/11/2024). ກຳປູເຈຍ ມີນະຄອນຫລວງ ຊື່ວ່າ: ພະນົມເປັນ(Phanompenh) ຕັ້ງຢູ່ທາງພາກໃຕ້ ຂອງ ແຫລມມະຫາສະໝຸດອິນໂດຈີນ; ທິດເໜືອຕິດກັບໄທ ແລະ ລາວ, ທິດໃຕ້ຕິດກັບອ່າວໄທ, ທິດຕາເວັນອອກຕິດກັບ ຫວຽດນາມ ແລະ ທິດຕາເວັນຕົກຕິດກັບໄທ. ມີເນື້ອທີ່ປະມານ 181.035 ກິໂລຕາແມັດ, ປະຊາກອນ 16,94 ລ້ານຄົນ(ປີ2023); ປະຊາຊົນສ່ວນໃຫຍ່ນັບຖືສາສະ ໜາພຸດ; ໃຊ້ພາສາ ກຳປູເຈຍ ເປັນພາສາທາງການ; ຫົວໜ່ວຍສະກຸນເງິນຣຽວ( KHR).
ປະເທດ ກຳປູເຈຍ ແລະ ປະເທດ ສປປລາວ ໄດ້ສ້າງຕັ້ງ ສາຍພົວພັນ ທາງການທູດຮ່ວມກັນ ໃນວັນທີ 15.06.1956, ຊຶ່ງເປັນປະເທດ ບ້ານໃກ້ເຮືອນຄຽງ, ບ້ານພີ່ເມືອງນ້ອງທີ່ມີ ສາຍພົວພັນ ມິດຕະພາບອັນ ເປັນມູນເຊື້ອ ແລະ ມີການຮ່ວມມື ທີ່ດີງາມມາແຕ່ ດຶກດຳບັນ. ຕະຫລອດ 68 ປີຜ່ານມາ ການພົວພັນຮ່ວມມືຂອງ ສອງປະເທດ ລາວ-ກຳປູເຈຍ ໄດ້ຮັບການພັດທະນາ ແລະ ຂະຫຍາຍຕົວ ຢ່າງຕໍ່ເນື່ອງ, ຊຶ່ງ ສະແດງອອກ ໃນການແລກປ່ຽນ ການຢ້ຽມຢາມເຊິ່ງກັນ ແລະ ກັນ ຂອງຄະນະຜູ້ແທນ ທັງສອງປະເທດ. ພ້ອມທັງ ຮ່ວມກັນສ້າງ ກົນໄກຮ່ວມມືສອງຝ່າຍນໍາກັນ ເພື່ອຊ່ວຍສົ່ງເສີມ ການຮ່ວມມືດ້ານການເມືອງ, ເສດຖະກິດ-ການຄ້າ, ການຄົມມະນາຄົມ, ການລົງທຶນ, ການສຶກສາ ແລະ ອື່ນໆ ໃຫ້ມີປະສິດທິພາບ ແລະ ປະສິດທິຜົນສູງ ນໍາເອົາຜົນປະໂຫຍດມາສູ່ ປະຊາຊົນສອງ ປະເທດ ພ້ອມທັງການຊ່ວຍເຫລືອເຊິ່ງກັນ ແລະ ກັນ ໃນເວທີພາກພື້ນ ແລະ ສາກົນອີກດ້ວຍ.
ກຳປູເຈຍ ເປັນປະເທດໜຶ່ງທີ່ມີເສດຖະກິດຈະເລີນເຕີບໂຕຢ່າງວ່ອງໄວທີ່ສຸດຂອງໂລກ ໂດຍຂັບເຄື່ອນຈາກພາກອຸດສາຫະກຳ, ການບໍລິການ ແລະ ກະສິກຳ ເຮັດໃຫ້ ລວມຍອດຜະລິດຕະພັນ ພາຍໃນ (GDP) 31,77 ຕື້ໂດລາສະຫະລັດ(ປີ 2023); ສະເລ່ຍຕໍ່ຫົວຄົນ 1.875 ກວ່າໂດລາສະຫະລັດ ຕໍ່ປີ; ອັດຕາການຈະເລີນເຕີບໂຕ 5,4% ຕໍ່ປີ. ສິນຄ້າທີ່ສົ່ງອອກ ເຊັ່ນ: ເສື້ອຜ້າເຄື່ອງນຸ່ງຫົ່ມ, ເກີບ,ເຂົ້າ ແລະ ອື່ນໆ. ສິນຄ້າທີ່ນຳເຂົ້າ ວັດຖຸກໍ່ສ້າງ, ວັດຖຸດີບ ສຳລັບຜະລິດເສື້ອຜ້າ. ສ່ວນປະເທດຄູ່ການຄ້າ ທີ່ສຳຄັນ ເປັນຕົ້ນແມ່ນ ຫວຽດນາມ, ຈີນ, ໄທ, ສ.ອາເມລິກາ, ເອີຣົບ ແລະ ສິງກະໂປ. ນອກນີ້ ຍັງມີສະຖານທີ່ທ່ອງທ່ຽວ ສວຍງາມຫລາຍແຫ່ງ ເປັນຕົ້ນ ນະຄອນຫລວງພະນົມເປັນ ຄື ພະລາຊະວັງ; ນະຄອນວັດ ເປັນ1 ໃນ 7 ສິ່ງມະຫັດສະຈັນ ຂື້ນທະບຽນເປັນ ມໍລະດົກໂລກ ໃຫຍ່ສຸດ ໂດຍມີຂະໜາດ 200.000 ກິໂລຕາແມັດ, ສູງ 60 ແມັດ ແລະ ອື່ນໆ. /.
ໂດຍ: ດາວັນ
KPL
