ຂປລ
ຂປລ. ໃນວັນທີ 10 ພະຈິກ 2024, ຄະນະກຳມະການ ພົວພັນຄົນເຊື້ອຊາດລາວຢູ່ຕ່າງປະເທດ ຮ່ວມກັບສູນກາງແນວລາວສ້າງຊາດ ໄດ້ນຳພາພີ່ນ້ອງເຊື້ອຊາດລາວ ເດີນທາງໄປຢ້ຽມຊົມ ເຂດເສດ ຖະກິດກວດລວມໄຊເສດຖາ ເມືອງໄຊເສດຖາ ນະຄອນຫລວງວຽງຈັນ ໃນໂອກາດທີ່ເດີນທາງມາຮ່ວມ ກອງປະຊຸມພົບປະພີ່ນ້ອງເຊື້ອຊາດລາວ ຢູ່ຕ່າງປະເທດຄັ້ງປະຖົມມະລຶກ.
ຂປລ. ໃນວັນທີ 10 ພະຈິກ 2024, ຄະນະກຳມະການ ພົວພັນຄົນເຊື້ອຊາດລາວ ຢູ່ຕ່າງປະເທດ ຮ່ວມກັບສູນກາງແນວລາວສ້າງຊາດ ໄດ້ນຳພາພີ່ນ້ອງເຊື້ອຊາດລາວ ເດີນທາງໄປຢ້ຽມຊົມ ເຂດເສດ ຖະກິດກວດລວມໄຊເສດຖາ ເມືອງໄຊເສດຖາ ນະຄອນຫລວງວຽງຈັນ ໃນໂອກາດທີ່ເດີນທາງມາຮ່ວມ ກອງປະຊຸມພົບປະພີ່ນ້ອງເຊື້ອຊາດລາວ ຢູ່ຕ່າງປະເທດ ຄັ້ງປະຖົມ ມະລຶກ.
ໂອກາດນີ້, ຄະນະພີ່ນ້ອງເຊື້ອຊາດລາວ ກໍໄດ້ຟັງການນຳສະເໜີກ່ຽວກັບ ຄວາມເປັນມາໃນການພັດທະນາ ເຂດເສດຖະກິດດັ່ງກ່າວ ເຊິ່ງເຫັນວ່າ ຄະນະພີ່ນ້ອງເຊື້ອຊາດລາວ ໄດ້ໃຫ້ຄວາມສົນໃຈ ແລະ ຕັ້ງຄຳຖາມຢ່າງກົງໄປກົງມາ ກ່ຽວກັບສະພາບການພັດທະນາ, ການລົງທຶນ ແລະ ແນວທາງການຈັດການ ບໍລິຫານເຂດເສດຖະກິດດັ່ງກ່າວ ໃນອະນາຄົດ ເຊິ່ງຄະນະຮັບຜິດຊອບ ກໍໄດ້ອະທິບາຍ ບັນດາຂໍ້ຂ້ອງໃຈຕ່າງໆ ໄດ້ຢ່າງຈະແຈ້ງ ເຮັດໃຫ້ພີ່ນ້ອງເຊື້ອຊາດລາວ ໄດ້ຮັບຊາບຢ່າງລະອຽດ.
ຕອນແລງວັນດຽວກັນ, ຄະນະພີ່ນ້ອງເຊື້ອຊາດລາວ ກໍໄດ້ທ່ຽວຊົມເມືອງວຽງຈັນ ໃນຍາມກາງຄືນ ແລະ ຢ້ຽມຊົມບາງສະຖານທີ່ສຳຄັນເຊັ່ນ: ຢ້ຽມຊົມໂຮງແຮມລາດຊະວົງ ເພື່ອຊົມ ທິວທັດອັນສວຍສົດງົດງາມ ຂອງຕົວເມືອງວຽງຈັນ, ໄຫວ້ຮູບປັ້ນເຈົ້າອະນຸວົງ ແລະ ຢ້ຽມຊົມປະຕູໄຊ ແລະ ຮ່ວມງານລ້ຽງຕ້ອນຮັບ ເຊິ່ງຈັດໂດຍທ່ານເຈົ້າຄອງ ນະຄອນຫລວງວຽງຈັນ.
ໃນວັນທີ 11 ພະຈິກ 2024, ຄະນະກຳມະການພົວພັນ ຄົນເຊື້ອຊາດລາວຢູ່ຕ່າງປະເທດ ແລະ ສູນກາງແນວລາວສ້າງຊາດ ໄດ້ສືບຕໍ່ນຳພາພີ່ນ້ອງເຊື້ອຊາດລາວ ໄປຢ້ຽມຊົມສວນພຶກສາ ເມືອງນາຊາຍທອງ ນະຄອນຫລວງວຽງຈັນ ເພື່ອຢ້ຽມຊົມພິພິທະພັນຊົນເຜົ່າ, ສວນພືດເປັນຢາ, ຊົມການສະແດງສິລະະບັນດາເຜົ່າ ແລະ ຮ່ວມພິທີບາສີສູ່ຂວັນ ຕ້ອນຮັບພີ່ນ້ອງ ເຊື້ອຊາດລາວ ຕື່ມອີກ.
ພາບ: ອ່າຍຄຳ
KPL
