ຂປລ
ນາຍົກລັດຖະມົນຕີ ຍີ່ປຸ່ນ ຈັດສັນເງິນທຶນຫລາຍກວ່າ 10 ພັນຕື້ເຢນ ເພື່ອສົ່ງເສີມອຸດສາຫະກຳ ປັນຍາປະດິດ (ເອໄອ) ແລະ ເຊມິຄອນດັກເຕີ ຈົນເຖິງປີ 2030. ແຜນການດັ່ງກ່າວ ກະຕຸ້ນການລົງທຶນຂອງພາກເອກະຊົນ
ຂປລ.ສຳນັກຂ່າວຊິນຮວາຂອງ ສປຈີນ, ທ່ານ ຊີເງຣຸ ອີຊີບະ, ນາຍົກລັດຖະມົນຕີ ຍີ່ປຸ່ນ ຈັດສັນເງິນທຶນຫລາຍກວ່າ 10 ພັນຕື້ເຢນ ເພື່ອສົ່ງເສີມອຸດສາຫະກຳ ປັນຍາປະດິດ(ເອໄອ) ແລະ ເຊມິຄອນດັກເຕີ ຈົນເຖິງປີ 2030. ແຜນການດັ່ງກ່າວ ກະຕຸ້ນການລົງທຶນ ຂອງພາກເອກະຊົນ ໂດຍມີເປົ້າໝາຍ ສົ່ງເສີມການລົງທຶນຂອງພາກລັດ ແລະ ເອກະຊົນ ລວມກັນ ຫລາຍກວ່າ 50 ພັນຕື້ເຢນ ຕະຫລອດໄລຍະ 1 ທົດສະວັດໜ້າ.
ຂະນະທີ່ ລັດຖະບານ ຍີ່ປຸ່ນ ພວມພິຈາລະນາ ການອອກພັນທະບັດ ທີ່ຄໍ້າປະກັນ ດ້ວຍຫຸ້ນເອັນທີທີ (ເອັນທີທີ) ແລະ ຊັບສິນອື່ນໆ ຂອງລັດຖະບານ ເພື່ອສະໜັບສະໜູນແຜນການນີ້.
ໜຶ່ງອຸດສາຫະກຳ ເຊມິຄອນດັກເຕີ ຂອງຍີ່ປຸ່ນ ໄດ້ຮັບເງິນທຶນ ຈາກລັດຖະບານເກືອບ 4 ພັນຕື້ເຢນ ໃນໄລຍະ ຫລາຍປີຜ່ານມາ ແຕ່ຍັງຕ້ອງການ ແຮງສະໜັບສະໜູນ ເພີ່ມເຕີມ ໂດຍບໍລິສັດຕ່າງໆ ເຊັ່ນ ຣາພິດັສ(Rapidus) ທີ່ແນໃສ່ຜະລິດ ເຊມິຄອນດັກເຕີຂັ້ນສູງ ພາຍໃນປະເທດ ຕ້ອງການເງິນທຶນ ເພີ່ມເຕີມ 4 ພັນຕື້ເຢນ. ຍຸດທະສາດດັ່ງກ່າວ ເນັ້ນໃສ່ຄວາມ ໝັ້ນຄົງ ໄລຍະຍາວ ຂອງລັດຖະບານຍີ່ປຸ່ນ ທີ່ຈະເສີມຂະຫຍາຍພາກອຸດສາຫະກຳ ປັນຍາປະດິດ ແລະ ເຊມິຄອນດັກເຕີ ຢ່າງເຂັ້ມແຂງໃນຕໍ່ໜ້າ./.
KPL
