ຂປລ
ທາງການແຄວ້ນ ປັນຈາບຂອງ ປາກິດສະຖານ ປະກາດຫ້າມເຮັດກິດຈະກຳກາງແຈ້ງ ສ່ວນໃຫຍ່ ແລະ ສັ່ງໃຫ້ ຮ້ານຄ້າ, ຕະຫລາດ ແລະ ຮ້ານຊັບພະສິນຄ້າ ໃນບາງພື້ນທີ່ ປິດໄວກວ່າປົກກະຕິ ເພື່ອຄວບຄຸມພະຍາດ ທີ່ ເກີດຈາກ ມົນລະພິດທາງອາກາດ ຢ່າງຮຸນແຮງ.
ຂປລ.ສຳນັກຂ່າວ ເອເອຟພີ, ທາງການແຄວ້ນ ປັນຈາບຂອງ ປາກິດສະຖານ ປະກາດຫ້າມເຮັດກິດຈະກຳກາງແຈ້ງ ສ່ວນໃຫຍ່ ແລະ ສັ່ງໃຫ້ຮ້ານຄ້າ, ຕະຫລາດ ແລະ ຮ້ານຊັບພະສິນຄ້າ ໃນບາງພື້ນທີ່ ປິດໄວກວ່າປົກກະຕິ ເພື່ອຄວບຄຸມພະຍາດ ທີ່ເກີດຈາກ ມົນລະພິດທາງອາກາດ ຢ່າງຮຸນແຮງ. ນອກນີ້ ຍັງມີຄຳສັ່ງປິດ ສະຖານການສຶກສາ ແລະ ສະຖານທີ່ ສາທາລະນະຕ່າງໆ ເຊັ່ນ: ສວນສາທາລະນະ ແລະ ສວນສັດ ຈົນເຖິງວັນທີ 17 ພະຈິກນີ້ ໃນຫລາຍພື້ນທີ່ ຊຶ່ງໄດ້ຮັບຜົນກະທົບ ຈາກມົນລະພິດ ທາງອາກາດ ຢ່າງຮຸນແຮງ. ຂະນະທີ່ ຫລາຍເຂດໃນເມືອງ ລາຮໍຣ, ເມືອງມຸລຕານ, ມືອງໄຟຊາລາບັດ ແລະ ເມືອງກຸຊຣັນວາລາ ພົບຈຳນວນຜູ້ຕິດເຊື້ອ ທາງເດີນຫາຍໃຈ ແລະ ພະຍາດຕາແດງ ລວມເຖິງຜູ້ທີ່ ມີອາການ ລະຄາຍເຄືອງຕາ ແລະ ລຳຄໍເພີ່ມຂຶ້ນ ແບບບໍ່ເຄີຍເກີດຂຶ້ນ ມາກ່ອນ. ກ່ນແພ່ລະບາດ ຂອງພະຍາດຕາແດງ ອັນເນື່ອງຈາກ ການຕິດເຊື້ອ ແບັກທີເຣຍ ຫລື ເຊື້ອໄວຣັສ ຫລື ການສຳພັດກັບຄວັນໄຟ,ຂີ້ຝຸ່ນ ຫລື ສານເຄມີ ກໍ່ໃຫ້ເກີດໄພ ຂົມຂູ່ຮ້າຍແຮງ ຕໍ່ສຸຂະພາບ ຂອງປະຊາຊົນ./.
KPL
