ຂປລ
ເຈົ້າໜ້າທີ່ ອິນໂດເນເຊຍ ເລັ່ງຍົກຍ້າຍ ປະຊາຊົນ ທີ່ຢູ່ອາໄສ ອ້ອມພູໄຟ ເລໂວໂຕບີ ລາກີ-ລາກີ ເທິງເກາະ ຟລໍເຣສ ທາງຕາເວັນອອກ ທີ່ເກີດລະບີດຂຶ້ນຢ່າງຕໍ່ເນື່ອງ ພົ່ນຂີ້ເຖົ່າພູ ຟ້າສູງເຖິງ 8.000 ແມັດ.
ຂປລ.ຕາມຂ່າວຈາກຈາກາຕາ,ວັນທີ8 ພະຈິກນີ້, ເຈົ້າໜ້າທີ່ ອິນໂດເນເຊຍ ເລັ່ງຍົກຍ້າຍ ປະຊາຊົນ ທີ່ຢູ່ອາໄສ ອ້ອມພູໄຟ ເລໂວໂຕບີ ລາກີ-ລາກີ ເທິງເກາະ ຟລໍເຣສ ທາງຕາເວັນອອກ ທີ່ເກີດລະບີດຂຶ້ນຢ່າງຕໍ່ເນື່ອງ ພົ່ນຂີ້ເຖົ່າພູ ຟ້າສູງເຖິງ 8.000 ແມັດ.ປັດຈຸບັນ ສາມາດ ຍົກຍ້າຍ ປະຊາຊົນ ໄດ້ປະມານ 5.816 ຄົນ ຈາກຈຳນວນ ທັງໝົດ ຫລາຍກວ່າ 16.000ຄົນ ທີ່ອາໄສຢູ່ ໃນພື້ນທີ່ ໃກ້ພູໄຟ ປະຊາຊົນ ເຫລົ່ານີ້ ຍົກຍ້າຍ ໄປຢູ່ໝູ່ບ້ານ ໃກ້ຄຽງ ຫລັງຈາກ ພູໄຟລະເບີດ ຮຸນແຮງ ເຮັດໃຫ້ຂີ້ເຖົ່າພູ ໄປປົກຄຸມ ໄປທົ່ວບໍລິເວນ ແລະມີປະກາຍໄຟໃໝ້ ລາມໄປໃສ່ ເຮືອນປະຊາຊົນ ຈົນເກີດໄຟໄໝ້ ເຮືອນປະຊາຊົນ ແລະ ມີປະຊາຊົນ ເສຍຊີວິດ ຢ່າງໜ້ອຍ 10ຄົນ.ຂະນະນີ້ ທຸກໜ່ວຍງານ ທີ່ກ່ຽວຂ້ອງ ເລັ່ງໃຫ້ການຊ່ວຍເຫລືອ ຜູ້ໄດ້ຮັບ ຜົນກະທົບ ຢ່າງຮີບດ່ວນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
