ຂປລ
ຂປລ. ກອງປະຊຸມຄົບຄະນະ ຂອງກຳມາທິການປ້ອງກັນຊາດ-ປ້ອງກັນຄວາມສະຫງົບ ປະຈຳປີ 2024 ຈັດຂຶ້ນໃນວັນທີ 4 ພະຈິກ 2024 ຜ່ານມາ ໂດຍການເປັນປະທານຂອງ ທ່ານ ພົຕ ວົງສັກ ພັນທະວົງ ຄະນະປະຈຳສະພາແຫ່ງຊາດ, ປະທານກໍາມາທິການ ປ້ອງກັນຊາດ-ປ້ອງກັນຄວາມສະຫງົບ
ຂປລ. ກອງປະຊຸມຄົບຄະນະ ຂອງກຳມາທິການປ້ອງກັນຊາດ-ປ້ອງກັນຄວາມສະຫງົບ ປະຈຳປີ 2024 ຈັດຂຶ້ນໃນວັນທີ 4 ພະຈິກ 2024 ຜ່ານມາ ໂດຍການເປັນປະທານຂອງ ທ່ານ ພົຕ ວົງສັກ ພັນທະວົງ ຄະນະປະຈຳສະພາແຫ່ງຊາດ, ປະທານກໍາມາທິການ ປ້ອງກັນຊາດ-ປ້ອງກັນຄວາມສະຫງົບ; ມີບັນດາປະທານ-ຮອງປະທານ ກໍາມາທິການພາຍໃນ ສພຊ, ຮອງລັດຖະມົນຕີ ກະຊວງປ້ອງກັນປະເທດ, ຮອງລັດຖະມົນຕີ ກະຊວງປ້ອງກັນຄວາມສະຫງົບ, ຮອງປະທານສະຫະພັນນັກຮົບເກົ່າແຫ່ງຊາດ, ຫົວໜ້າຫ້ອງການຄະນະກຳມະການ ປ້ອງກັນຊາດ-ປ້ອງກັນ ຄວາມສະຫງົບ (ປກຊ-ປກສ) ສູນກາງ, 2 ກອງບັນຊາການທະຫານ ແລະ ປກສ ນະຄອນຫລວງ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ກອງປະຊຸມ ໄດ້ຮັບຟັງບົດສະຫລຸບ, ຕີລາຄາການເຄື່ອນໄຫວວຽກງານປະຈໍາປີ 2024 ແລະ ທິດທາງແຜນການເຄື່ອນໄຫວ ວຽກງານປະຈໍາປີ 2025 ຂອງກໍາມາທິການ ປ້ອງກັນຊາດ- ປ້ອງກັນຄວາມສະຫງົບ, ບົດລາຍງານຂອງ ກະຊວງປ້ອງກັນປະເທດ ພາຍໃຕ້ຫົວຂໍ້ “ສະພາບ ແລະ ການປົກປັກຮັກ ສາຄວາມສະຫງົບຮຽບຮ້ອຍ ຕາມຊາຍແດນ”, ບົດລາຍງານຂອງ ກະຊວງປ້ອງກັນຄວາມສະຫງົບ ພາຍໃຕ້ຫົວຂໍ້ “ການແກ້ໄຂບັນຫາຢາເສບຕິດ ແລະ ປາກົດການຫຍໍ້ ທໍ້ເກີດຂຶ້ນໃນສັງຄົມປັດຈຸບັນ”, ບົດລາຍງານ ຂອງສະຫະພັນນັກຮົບເກົ່າແຫ່ງຊາດ ພາຍໃຕ້ຫົວຂໍ້ “ການສຶກສາອົບຮົມຄົນຮຸ່ນໃໝ່ ແລະ ການປະຕິບັດນະໂຍບາຍ ຕໍ່ສາມະຊິກນັກຮົບເກົ່າ”, ບົດລາຍງານຂອງຫ້ອງການ ຄະນະກຳມະການ ປ້ອງກັນຊາດ-ປ້ອງກັນຄວາມ ສະຫງົບສູນກາງ ພາຍໃຕ້ຫົວຂໍ້ “ສະພາບການພົ້ນເດັ່ນຂອງໂລກ ແລະ ພາກພຶ້ນໃນປັດຈຸ ບັນ ແລະ ກົນອຸບາຍຂອງອິດທິກຳລັງປໍລະປັກ ຕໍ່ ສປປ ລາວ”.
ຈາກນັ້ນ, ຜູ້ເຂົ້າຮ່ວມກອງປະຊຸມ ກໍໄດ້ຄົ້ນຄວ້າ, ປະກອບຄຳຄິດຄຳເຫັນຕໍ່ບົດສະຫລຸບ ແລະ ແຜນການຂອງກຳມາທິການ ປ້ອງກັນຊາດ-ປ້ອງກັນຄວາມສະຫງົບ, ຕໍ່ບັນດາບົດລາຍງານ ຂອງ 4 ພາກ ສ່ວນ ແລະ ບັນຫາທີ່ພົວພັນເຖິງຄວາມໝັ້ນຄົງ ໃນສະເພາະໜ້າ ແລະ ຍາວນານ ເພື່ອນຳສະເໜີລາຍງານ ຕໍ່ຄະນະປະຈຳສະພາແຫ່ງຊາດ ໃຫ້ທິດຊີ້ນຳໃນການແກ້ໄຂ, ພ້ອມທັງຮັບຮອງເອົາ ຮ່າງມະຕິກອງປະຊຸມ ຄົບຄະນະປະຈໍາປີ 2024 ຂອງກໍາມາທິການປ້ອງກັນຊາດ-ປ້ອງກັນຄວາມສະຫງົບ ຕື່ມອີກ.
KPL
