ຂປລ
ຂປລ. ງານວາງສະແດງວຽງຈັນມໍເຕີເຊວ ເອັກສໂປ 2024 ຈະຈັດຂຶ້ນເປັນເວລາ 8 ວັນ ເລີ່ມແຕ່ວັນທີ 30 ພະຈິກ ຫາ 8 ທັນວາ 2024 ທີ່ສູນການຄ້າລາວ-ໄອເຕັກ, ຄາດວ່າຈະມີຜູ້ເຂົ້າຊົມງານປະມານ 40.000 ຄົນຕໍ່ວັນ, ມີການສັງຈອງລົດພາຍໃນງານ 50 ຄັນຕໍ່ວັນ, ມີການຊື້-ຂາຍສິນຄ້າ ແລະ ບໍລິການເພີ່ມຂຶ້ນກວ່າປີທີ່ຜ່ານມາ.
ຂປລ. ງານວາງສະແດງວຽງຈັນມໍເຕີເຊວ ເອັກສໂປ 2024 ຈະຈັດຂຶ້ນເປັນເວລາ 8 ວັນ ເລີ່ມແຕ່ວັນທີ 30 ພະຈິກ ຫາ 8 ທັນວາ 2024 ທີ່ສູນການຄ້າລາວ-ໄອເຕັກ, ຄາດວ່າຈະມີຜູ້ເຂົ້າຊົມງານປະມານ 40.000 ຄົນຕໍ່ວັນ, ມີການສັງຈອງລົດພາຍໃນງານ 50 ຄັນຕໍ່ວັນ, ມີການຊື້-ຂາຍສິນຄ້າ ແລະ ບໍລິການເພີ່ມຂຶ້ນກວ່າປີທີ່ຜ່ານມາ.
ທ່ານ ພານະລິນ ສຸວັນນະວົງ ຜູ້ອໍານວຍການບໍລິສັດ ອີລີເເກ້ນ ອີເວັ້ນ ຈໍາກັດຜູ້ດຽວ ໄດ້ກ່າວໃນງານຖະແຫລງຂ່າວ ກ່ຽວກັບງານວາງສະແດງວຽງຈັນມໍເຕີເຊວ ເອັກສໂປ 2024 ໃນວັນທີ 6 ພະຈິກ 2024 ນີ້ວ່າ: ປັດຈຸບັນ ໄດ້ກະກຽມຄວາມພ້ອມດ້ານຕ່າງໆ ເປັນຕົ້ນ ການກະກຽມພື້ນທີ່ການ ວາງສະແດງສິນຄ້າ ເຊິ່ງໄດ້ຈັດສັນຫ້ອງວາງສະແດງຫລາຍກວ່າ 55 ຫ້ອງ, ມີລົດ 18 ຍີ່ຫໍ້ ເຂົ້າຮ່ວມວາງສະແດງ. ໃນນັ້ນ, ມີລົດໄຟຟ້າ, ລົດທີ່ປະຢັດພະລັງງານນໍ້າມັນ, ອຸປະກອນປະດັບລົດ, ບັນດາເຄື່ອງ ຮັບໃຊ້ທີ່ຕິດພັນກັບພາຫະນະ, ສະຖາບັນການເງິນ ແລະ ທະນາຄານທຸລະກິດ. ມາຮອດປັດຈຸບັນ ໄດ້ລະດົມຫົວໜ່ວຍທຸລະກິດກ່ຽວກັບລົດ ເຂົ້າຮ່ວມຫລາຍກວ່າ 45 ຫ້ອງ, ກວມ 80%. ນອກຈາກນີ້, ພື້ນທີ່ດ້ານນອກຍັງມີ ການວາງສະແດງຜະລິດຕະພັນໂອດັອບ ແລະ ສິນຄ້າທ່າແຮງຂອງລາວ ຫລາຍກວ່າ 20 ຫ້ອງ. ທັງນີ້, ກໍເພື່ອເປັນການໂຄສະນາ ແລະ ສົ່ງເສີມການຊົມໃຊ້ສິນຄ້າຂອງລາວ.
ພາຍໃນງານ ຍັງຈະມີກິດຈະກຳຫລາຍຢ່າງເຊັ່ນ: ແຂ່ງຂັນເຕັ້ນ, ເດີນແບບ, ຄອນເສີດຈາກສິ ລະປິນທັງພາຍໃນ ແລະ ປະເທດເພື່ອນບ້ານມາສ້າງສີສັນ, ຫລິ້ນເກມແຈກລາງວັນ ໃຫ້ແຂກທີ່ເຂົ້າມາຮ່ວມໃນງານ.
ສໍາລັບ ລູກຄ້າທີ່ຈອງລົດພາຍໃນງານ ຈະມີສິດລົງທະບຽບ ເພື່ອຮັບຄູປ່ອງລຸ້ນໂຊກ, ແຈກລາງ ວັນ ເປັນຕົ້ນ ເຄືອບແກ້ວບໍ່ເສຍຄ່າ 30 ຄັນ, ແຈກລົດໄຟຟ້າ 3 ຄັນ, ແຈກ Smart TV 5 ໜ່ວຍ, ແຈກຕູ້ເຢັນ 9 ໜ່ວຍ ແລະ ອື່ນໆອີກຫລາຍລາຍການ. ນອກຈາກນີ້, ຍັງຈະມີການລະດົມທຶນຊ່ວຍ ເຫລືອຕ້ານໄພໜາວຢູ່ຊົນນະບົດ ຕື່ມອີກ.
ຂ່າວ: ກິດຕາ
KPL
