ຂປລ
ຂປລ. ໂດຍຕອບສະໜອງຕາມການເຊື້ອເຊີນຂອງ ທ່ານ ຫລີ ສຽງ ນາຍົກລັດຖະມົນຕີ ແຫ່ງ ສປ ຈີນ, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ຈະເດີນທາງເຂົ້າຮ່ວມ ກອງປະຊຸມສຸດຍອດອະນຸພາກພື້ນແມ່ນ້ຳຂອງ (GMS) ຄັ້ງທີ 8 ແລະ ກອງປະຊຸມສຸດຍອດ ກໍາປູເຈຍ-ລາວ-ມຽນມາ-ຫວຽດນາມ (CLMV) ຄັ້ງທີ 11.
ຂປລ. ໂດຍຕອບສະໜອງຕາມການເຊື້ອເຊີນຂອງ ທ່ານ ຫລີ ສຽງ ນາຍົກລັດຖະມົນຕີ ແຫ່ງ ສປ ຈີນ, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ຈະເດີນທາງເຂົ້າຮ່ວມ ກອງປະຊຸມສຸດຍອດອະນຸພາກພື້ນແມ່ນ້ຳຂອງ (GMS) ຄັ້ງທີ 8 ແລະ ກອງປະຊຸມສຸດຍອດ ກໍາປູເຈຍ-ລາວ-ມຽນມາ-ຫວຽດນາມ (CLMV) ຄັ້ງທີ 11. ພ້ອມທັງ ເປັນປະທານກອງປະຊຸມສຸດຍອດ ຂອບຍຸດທະສາດການຮ່ວມມືດ້ານ ເສດຖະກິດ ແມ່ນໍ້າອິຣະວະດີ-ແມ່ນ້ຳເຈົ້າພະຍາ-ແມ່ນ້ຳຂອງ (ACMECS) ຄັ້ງທີ 10 ໃນລະຫວ່າງວັນທີ 6-7 ພະຈິກ 2024 ທີ່ ນະຄອນຄຸນໝິງ, ສປ ຈີນ.
ຂອບການຮ່ວມມື GMS ໄດ້ສ້າງຕັ້ງຂຶ້ນໃນປີ 1992, ປະກອບມີ 6 ປະເທດສະມາຊິກ ຄື: ສປ ຈີນ (ແຂວງຢຸນນານ ແລະ ແຂວງກວາງຊີ), ຣາຊະອານາຈັກ ກໍາປູເຈຍ, ສປປ ລາວ, ສສ ມຽນມາ, ຣາຊະອານາຈັກໄທ ແລະ ສສ ຫວຽດນາມ. ກອງປະຊຸມສຸດຍອດ GMS ຄັ້ງທີ 8 ຈະຈັດຂຶ້ນພາຍໃຕ້ການເປັນປະທານຂອງ ສປ ຈີນ ເພື່ອປຶກສາຫາລື ແລະ ວາງທິດທາງ ກົນໄກການຮ່ວມມື GMS ໃນຕໍ່ໜ້າ ໃຫ້ສອດຄ່ອງກັບການພັດທະນາ ດ້ວຍນະວັດຕະກຳໃນຍຸກໃໝ່.
ຂອບການຮ່ວມມື CLMV ໄດ້ສ້າງຕັ້ງຂຶ້ນໃນປີ 2004 ໃນໂອກາດກອງປະຊຸມສຸດຍອດອາຊຽນ ທີ່ ນະຄອນຫລວງວຽງຈັນ. ກອງປະຊຸມສຸດຍອດ CLMV ຄັ້ງທີ 11 ຈະຈັດຂຶ້ນພາຍໃຕ້ການເປັນປະທານ ຂອງ ສສ ມຽນມາ ເພື່ອທົບທວນຄວາມຄືບໜ້າ ແລະ ກໍານົດທິດທາງໃນຕໍ່ໜ້າ ເສີມສ້າງອະນຸພາກພື້ນແມ່ນໍ້າຂອງ ໃຫ້ມີຄວາມເຂັ້ມແຂງ ແລະ ສົມບູນພູນສຸກຍິ່ງຂຶ້ນ ໃນຕໍ່ໜ້າ.
ຂອບຍຸດທະສາດການຮ່ວມມື ACMECS ໄດ້ສ້າງຕັ້ງຂຶ້ນໃນປີ 2003. ກອງປະຊຸມສຸດຍອດ ACMECS ຄັ້ງທີ 10 ດັ່ງກ່າວ ຈະຈັດຂຶ້ນພາຍໃຕ້ການເປັນປະທານຂອງ ສປປ ລາວ ໂດຍມີເປົ້າໝາຍເພື່ອປຶກສາຫາລື ແລະ ຜັນຂະ ຫຍາຍວິໄສທັດຂອງບັນດາປະເທດສະມາຊິກ ກໍຄື ການເສີມສ້າງຂອບການຮ່ວມມືດັ່ງກ່າວ ໃຫ້ກາຍເປັນປະຊາຄົມທີ່ມີການ ເຊື່ອມໂຍງ ແລະ ເຊື່ອມຈອດທາງດ້ານເສດຖະກິດທີ່ໂລ່ງລ່ຽນ. ພ້ອມນີ້, ບັນດາຜູ້ນໍາປະເທດສະມາຊິກ ACMECS ຍັງຈະໄດ້ພິຈາລະນາຮັບຮອງເອົາ ເອກະສານສໍາຄັນຈໍານວນໜຶ່ງ ເພື່ອເປັນບ່ອນອີງໃຫ້ແກ່ ການຮ່ວມມືດັ່ງກ່າວໃນຕໍ່ໜ້າ.
ໃນໂອກາດເດີນທາງເຂົ້າຮ່ວມ ກອງປະຊຸມສຸດຍອດຄັ້ງນີ້, ທ່ານ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ຈະໄດ້ໄປຢ້ຽມຢາມຫົວໜ່ວຍທຸລະກິດ ຈຳນວນໜຶ່ງທີ່ມາລົງທຶນຢູ່ ສປປ ລາວ ແລະ ກໍເປັນບໍລິສັດ ຫລັກແຫລ່ງ ແລະ ມີທ່າແຮງຂັບເຄື່ອນທາງດ້ານເສດຖະກິດຂອງ ສປ ຈີນ.
KPL
