ຂປລ
ຍອດຈຳນວນຜູ້ເສຍຊີວິດ ຈາກນໍ້າຖ້ວມ ຄັ້ງຮຸນແຮງ ໃນຮອບ 52 ປີ ຂອງ ແອັດສະປາຍ ເພີ່ມຂຶ້ນເປັນຢ່າງ ໜ້ອຍ 155 ຄົນ ຈາກ ເຫດການ ນໍ້າຖ້ວມ ຄັ້ງໃຫຍ່ ຢູ່ພາກຕາເວັນອອກ ແລະ ທາງພາກໃຕ້ ຂອງ ແອັດສະປາຍ
ຂປລ. ສຳນັກຂ່າວຕ່າງປະເທດ ລາຍງານ ຈາກ ນະຄອນຫລວງ ມາດຼິດ ປະເທດ ແອັດສະປາຍ ເມື່ອວັນທີ 1 ພະຈິກວ່າ: ຍອດຈຳນວນຜູ້ເສຍຊີວິດ ຈາກນໍ້າຖ້ວມ ຄັ້ງຮຸນແຮງ ໃນຮອບ 52 ປີ ຂອງ ແອັດສະປາຍ ເພີ່ມຂຶ້ນເປັນຢ່າງໜ້ອຍ 155 ຄົນ ຈາກ ເຫດການ ນໍ້າຖ້ວມ ຄັ້ງໃຫຍ່ ຢູ່ພາກຕາເວັນອອກ ແລະ ທາງພາກໃຕ້ ຂອງ ແອັດສະປາຍ ເນື່ອງຈາກ ອິດທິພົນ ຂອງ ພາຍຸທີ່ກໍ່ຕົວ ໃນທະເລ ເມດີເຕເຣນຽນ ເຮັດໃຫ້ເກີດຝົນຕົກໜັກ ຕັ້ງແຕ່ຕົ້ນ ອາທິດທີ່ຜ່ານມາ
ໃນຂະນະດຽວກັນ, ປະຊາຊົນ ຈຳນວນຫລາຍ ຍັງຄົງປະສົບກັບບັນຫາ ບໍ່ມີກະແສໄຟຟ້າໃຊ້, ໃນເວລາດຽວກັນ ທ່ານ ຢໍອໍສກາຣ ປູເອັນເຕ ລັດຖະມົນຕີ ກະຊວງ ຄົມມະນາຄົມ ແອັດສະປາຍ ປະກາດເຕືອນ ທຸກຝ່າຍວ່າ ອາດຈະຕ້ອງໃຊ້ ເວລາເຖິງ 3 ອາທິດ ໃນການເປີດໃຊ້ງານ ເສັ້ນທາງລົດໄຟ ຄວາມໄວສູງ ທີ່ເຊື່ອມຕໍ່ລະຫວ່າງ ນະຄອນຫລວງ ມາດຼິດ ກັບ ແຄວ້ນ ບາເລນເຊຍ. /.
KPL
