ຂປລ
ພິທີປະກາດ “ໂຄງການ ຊກຍູ້ ການພັດທະນາ ເສດຖະກິດ ດີຈີຕອນ-ຮ່ວມເດີນທາງ ພ້ອມກັນ ມີຄວາມຮັບຜິດຊອບ ຕໍ່ສັງຄົມ”, ມຸ່ງໄປເຖິງ ການພັດທະນາ ພື້ນຖານ ເສດຖະກິດ ແບບຍືນຍົງ ໄດ້ຈັດຂຶ້ນ ໃນ ວັນທີ5 ພະຈິກນີ້ ຢູ່ ນະຄອນຫລວງ ຮ່າໂນ້ຍ ຂອງ ສສ ຫວຽດນາມ.
ຂປລ.ວິທະຍຸ ກະຈາຍສຽງ ຫວຽດນາມ, ພິທີປະກາດ “ໂຄງການ ຊກຍູ້ ການພັດທະນາ ເສດຖະກິດ ດີຈີຕອນ-ຮ່ວມເດີນທາງ ພ້ອມກັນ ມີຄວາມຮັບຜິດຊອບ ຕໍ່ສັງຄົມ”, ມຸ່ງໄປເຖິງ ການພັດທະນາ ພື້ນຖານ ເສດຖະກິດ ແບບຍືນຍົງ ໄດ້ຈັດຂຶ້ນ ໃນ ວັນທີ5 ພະຈິກນີ້ ຢູ່ ນະຄອນຫລວງ ຮ່າໂນ້ຍ ຂອງ ສສ ຫວຽດນາມ. ໂດຍໂຄງການ ໄດ້ສຸມໃສ່ ບັນດາ ເນື້ອໃນລະອຽດຄື: ຜັນຂະຫຍາຍ ໂຄງການ “ຮ່ວມມື ຍົກສູງ ກຳລັງ ຄວາມສາມາດ ດຳເນີນ ທຸລະກິດ ດີຈີຕອນ ໃຫ້ແກ່ ຊາວໜຸ່ມ ຫວຽດນາມ 20.000.000 ຄົນ-ຝືກອົບຮົມ ທັກສະ ການສ້າງຊ່ອງ ສື່ສານ ສັງຄົມ ທາງດີຈີຕອນ”; ຜັນຂະຫຍາຍ “ການກໍ່ສ້າງໂຮງຮຽນ ແລະ ເຮືອນລັດຖະການ ໃຫ້ແກ່ ຄູອາຈານ”ຢູ່ 50 ໂຮງຮຽນ ແລະ ເຮືອນຄົວ ແກ່ໂຮງຮຽນ 15 ແຫ່ງໄລຍະ 2025–2030”; “ຕະຫລາດ ບຸນເຕັດ ບໍ່ເສຍເງິນ 2025”.ຈາກນັ້ນ ທ່ານ ຫງວຽນຟານຮຸຍຄອຍ, ຫົວໜ້າສູນໜູນຊ່ວຍຊາວໜຸ່ມ startup ຫວຽດນາມ, ສູນກາງ ສະຫະພັນ ຊາວໜຸ່ມ ຫວຽດນາມໃຫ້ຮູ້ວ່າ: “ພິທີປະກາດ“ໂຄງການຊຸກຍູ້ ການພັດທະນາ ເສດຖະກິດດີຈີຕອນ-ຮ່ວມເດີນທາງພ້ອມກັນຄວາມຮັບຜິດຊອບຕໍ່ສັງຄົມ” ແມ່ນການເຄື່ອນໄຫວ ນອນໃນບັນດາເປົ້າ ໝາຍ ຍົກສູງ ກຳລັງ ຄວາມສາມາດ ດຳເນີນທຸລະກິດ ໃຫ້ແກ່ ຊາວໜຸ່ມ ຫວຽດນາມ 20 ລ້ານຄົນ. ນີ້ແມ່ນເຫດການ ສຳຄັນ ທີ່ເຊື່ອມຕໍ່ ແຫລ່ງກຳລັງ ສັງຄົມ, ພ້ອມທັງ ວາງອອກເປົ້າໝາຍ ພ້ອມກັນ ຍົກສູງ ໂອກາດ ສຳລັບເສດຖະກິດ ດີຈີຕອນ, ສ້າງພື້ນຖານເສດຖະກິດ ດີຈີຕອນ ແບບຍືນຍົງ”ໃຫ້ເຂັ້ມແຂງໃນຕໍ່ໜ້າ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
