ຂປລ
ອົງການອາວະກາດ ທີ່ມີມະນຸດຄວບຄຸມ ແຫ່ງປະເທດ ສປຈີນ (CMSA) ປະກາດໃນງານ ຖະແຫລງຂ່າວວ່າ ສປຈີນ ພວມສືບຕໍ່ ພາລະກິດ ການສົ່ງນັກບິນ ອາວະກາດ ໄປຢຽບດວງຈັນ ພາຍໃນປີ 2030
ຂປລ.ສຳນັກຂ່າວ ຊິນຮວາຂອງ ສປຈີນ, ອົງການອາວະກາດ ທີ່ມີມະນຸດຄວບຄຸມ ແຫ່ງປະເທດ ສປຈີນ (CMSA) ປະກາດໃນງານ ຖະແຫລງຂ່າວວ່າ ສປຈີນ ພວມສືບຕໍ່ ພາລະກິດ ການສົ່ງນັກບິນ ອາວະກາດ ໄປຢຽບດວງຈັນ ພາຍໃນປີ 2030 , ໂດຍຢູ່ລະຫວ່າງ ການເລັ່ງເຮັດວຽກ ທັງດ້ານການພັດທະນາ ແລະ ດ້ານການກໍ່ສ້າງ ເພື່ອເຮັດໃຫ້ເປົ້າໝາຍດັ່ງກ່າວ ເປັນຄວາມຈິງ.
ໂດຍການຜະລິດ ແລະ ການທົດລອງ ພາກພື້ນດິນ ຂອງຕົ້ນແບບ ຈະຫລວດຂົນສົ່ງ ລອງມາຣຊ-10 ຍານອາວະກາດ ທີ່ມີມະນຸດຄວບຄຸມ ເມິງໂຈວ (Mengzhou) ຍານລົງຈອດ ເທິງດວງຈັນ ຫລ່ານເຢ່ວ(Lanyue) ຊຸດນັກບິນອາວະກາດ ແລະ ຍານສຳຫລວດ ດວງຈັນທີ່ມີ ມະນຸດຄວບຄຸມ ນັ້ນພວມຢູ່ລະຫວ່າງ ການດຳເນີນຕາມແຜນ.
ຂະນະທີ່ ການທົດລອງຫລາຍລາຍການ ສຳເລັດລົງແລ້ວເຊັ່ນ: ການທົດລອງ ແອຣຄຣອບ(airdrop test) ແບບບູລະນະການຂອງ ຍານອາວະກາດ , ການທົດລອງ ການແຍກສ່ວນສຳລັບ ໂມດູລສອງ ໂມດູລຂອງຍານລົງຈອດ, ການທົດລອງຍິງເຄື່ອງຈັກ ຂອງລະບົບພະລັງງານ ສາມເຄື່ອງຈັກຂອງຈະຫລວດ ທ່ອນທຳອິດ ແລະ ການທົດລອງ ເຄື່ອງ ຈັກໄຮໂດຣເຈນ-ອົກຊີເຈນ ແບບຈຳລອງ ສະພາບແວດລ້ອມ ໃນພື້ນທີ່ສູງ.
KPL
