ຂປລ
ທ່ານ ແອນໂທນີ ແອລບານີສ ນາຍົກລັດຖະມົນຕີ ອົດສະຕຣາລີ ແລະ ທ່ານ ເຄີຍຣ ສຕຣາເມີຣ ນາຍົດລັດ ຖະມົນຕີ ອັງກິດ ເຫັນດີ ຍົກລະດັບຄວາມຮ່ວມມື ເພື່ອບັນລຸ ເປົ້າໝາຍ ການປ່ອຍອາຍແກັສ ເຮືອນແກ້ວ ສຸດທິເປັນສູນ
ຂປລ.ສຳນັກຂ່າວ ຊິນຮວາຂອງ ສປຈີນ, ເມື່ອບໍ່ດົນມານີ້, ທ່ານ ແອນໂທນີ ແອລບານີສ ນາຍົກລັດຖະມົນຕີ ອົດສະຕຣາລີ ແລະ ທ່ານ ເຄີຍຣ ສຕຣາເມີຣ ນາຍົດລັດຖະມົນຕີ ອັງກິດ ເຫັນດີ ຍົກລະດັບຄວາມຮ່ວມມື ເພື່ອບັນລຸ ເປົ້າໝາຍ ການປ່ອຍອາຍແກັສ ເຮືອນແກ້ວ ສຸດທິເປັນສູນ(net zero emissions) ພາຍໃນປີ 2050 ໂດຍປະກາດ ການເປັນຫຸ້ນສ່ວນ ດ້ານສະພາບພູມອາກາດ ແລະ ພະລັງງານທະວີພາຄີ , ຫລັງຈາກ ການປຶກສາຫາລື ນອກກອບກອງປະຊຸມ ຫົວໜ້າລັດຖະບານ ເຄື່ອຈັກກະພາບໃນນະຄອນຫລວງ ອາເປ(Apia) ຂອງປະເທດ ຊາມົວ.
ຖະແຫລງການຮ່ວມ ຈາກທັງສອງປະເທດ ລະບຸວ່າ: ຄວາມເປັນຫຸ້ນສ່ວນ ເບື້ອງຕົ້ນ ຈະແນໃສ່ການພັດທະນາ ແລະ ເລັ່ງການປັບໃຊ້ ເຕັກໂນໂລຊີ ພະລັງງານໝູນວຽນ ເຊັ່ນ: ໄຮໂດຣເຈນ ທີ່ເປັນມິດ ຕໍ່ສິ່ງແວດລ້ອມ ແລະ ລົມນອກແຄມຝັ່ງ , ລວມເຖິງ ການສະໜັບສະໜູນ ທາງເສດຖະກິດ ແລະ ເປົ້າໝາຍ ການຫລຸດກາກບອນ ຂອງທັງສອງປະເທດອີກດ້ວຍ.
KPL
