ຂປລ
ອົງການອາວະກາດ ທີ່ມີມະນຸດຄວບຄຸມ ແຫ່ງປະເທດ ສປຈີນ (CMSA) ລາຍງານວ່າ: ການປ່ອຍຍານອາວະກາດ ທີ່ມີມະນຸດຄວບຄຸມ ເສີນໂຈວ-19 (Shenzhou-19 ) ຂຶ້ນສູ່ຫ້ວງອາວະກາດ ປະສົບຜົນສຳເລັດຢ່າງດີ
ຂປລ.ສຳນັກຂ່າວ ຊິນຮວາຂອງ ສປຈີນ, ອົງການອາວະກາດ ທີ່ມີມະນຸດ ຄວບຄຸມ ແຫ່ງປະເທດ ສປຈີນ (CMSA) ລາຍງານວ່າ: ການປ່ອຍຍານອາວະກາດ ທີ່ມີມະນຸດ ຄວບ ຄຸມເສີນໂຈວ-19(Shenzhou-19 ) ຂຶ້ນສູ່ຫ້ວງອາວະກາດ ປະສົບຜົນສຳເລັດຢ່າງດີ, ໂດຍສົ່ງນັກບິນ ອາວະກາດ 3 ຄົນຊຶ່ງລວມເຖິງ ວິສາວະກອນຍິງ ດ້ານອາວະ ກາດ ຄົນທຳອິດຂອງ ສປຈີນ ໄປຍັງສະຖານີອາວະກາດ ໃນວົງໂຄຈອນ ເພື່ອປະຕິບັດ ພາລະກິດ ໃນໄລຍະ 6 ເດືອນ.
ຈະຫລວດຂົນສົ່ງ ລອງມາຣຊ-2ເອຟ(Long March-2F) ທີ່ບັນທຸກ ຍານອາວະກາດ ທີ່ມີມະນຸດຄວບຄຸມ ເສີນໂຈວ-19 ທະຍານອອກຈາກ ສູນປ່ອຍດາວທຽມ ຈີ່ວສວຽນ ທາງຕາເວັນຕົກ ສຽງເໜືອຂອງ ສປຈີນ , ໂດຍຫລັງຈາກປ່ອຍປະມານ 10 ນາທີ ຍານອາວະກາດ ໄດ້ແຍກຕົວອອກຈາກຈະຫລວດ ແລະ ເຂົ້າສູ່ວົງໂຄຈອນທີ່ກຳນົດ.
ຍານອາວະກາດນເສີນໂຈວ-19 ຈະດຳເນີນການທຽບທ່າ ແລະ ເຊື່ອມຕໍ່ກັບດ້ານໜ້າໂມດຸລ ຫລັກທຽນເຫີ ຂອງສະຖານີອາວະກາດ ໂດຍອັດຕາໂນມັດ ຫລັງຈາກເຂົ້າສູ່ງວົງໂຄຈອນ ທີ່ກຳນົດແລ້ວ . ໂດຍການທຽບທ່າ ແລະ ເຊື່ອມຕໍ່ດັ່ງກ່າວ ຈະໃຊ້ເວລາປະມານ 6,5 ຊົ່ວໂມງ ເຮັດໃຫ້ເກີດການ ປະກອບໂມດຸລ 3 ໂຕ ແລະ ຍານອາວະກາດ 3 ລຳ.
KPL
