ຂປລ
ກຳປູເຈຍ ຮອງຮັບຜູ້ໂດຍສານ ເຮືອບິນ ຫລາຍກວ່າ 4,5 ລ້ານເທື່ອຄົນ ໃນໄລຍະເດືອນມັງ ກອນ-ເດືອນກັນຍາປີ 2024, ຊຶ່ງເພີ່ມຂຶ້ນ 22% ຈາກ 3,7 ລ້ານເທື່ອຄົນ ໃນໄລຍະເວລາດຽວກັນຂອງປີ 2023.
ຂປລ.ສຳນັກຂ່າວ ຊິນຮວາຂອງ ສປຈີນ, ທ່ານ ເຫມົາ ຮາວານນໍລ ລັດຖະມົນຕີ ປະຈຳສຳນັກງານ ເລຂາ ທິການ ການບິນ ພົນລະເມືອງ ແຫ່ງລັດ ລາຍງານວ່າ: ກຳປູເຈຍ ຮອງຮັບຜູ້ໂດຍສານ ເຮືອບິນ ຫລາຍກວ່າ 4,5 ລ້ານເທື່ອຄົນ ໃນໄລຍະເດືອນມັງກອນ-ເດືອນກັນຍາປີ 2024, ຊຶ່ງເພີ່ມຂຶ້ນ 22% ຈາກ 3,7 ລ້ານເທື່ອຄົນ ໃນໄລຍະເວລາດຽວກັນຂອງປີ 2023. ໂດຍສາຍການບິນ ພາຍໃນປະເທດ ແລະ ຕ່າງປະເທດ 31 ແຫ່ງ ໄດ້ໃຫ້ບໍລິການ ຖ້ຽວບິນ ຊຶ່ງເຊື່ອມຕໍ່ ກຳປູເຈຍ ກັບ 8 ປະເທດໃນອາຊຽນ ລວມເຖິງ ສປຈີນ, ສ.ເກົາຫລີ, ອິນເດຍ, ກາຕາ, ສະຫະນະຄອນ ເອເມເຣັດ ອາຣັບ ແລະ ປະເທດອື່ນໆອີກ.
ການເປີດເຜີຍ ຕົວເລກດັ່ງກ່າວ ໃນໄລຍະເວລາ ການເປີດຕົວເຮືອບິນ ລະຫວ່າງ ນະຄອນຫລວງ ພະນົມເປັນຂອງກຳປູເຈຍ ແລະ ນະຄອນຫລວງ ຮ່າໂນ້ຍຂອງ ສສ ຫວຽດນາມ ຊຶ່ງໃຫ້ບໍລິການໂດຍ ຫວຽດນາມ ແອຣລາຍ(Vietnam Airlines) .
KPL
