ຂປລ
ຂປລ. ພິທີມອບລາງວັນຜະລິດຕະພັນຫັດຖະກຳດີເດັ່ນ "ສິລະປະລາຍນາກ ແລະ ລວດລາຍດອກໄມ້ປະຈໍາທ້ອງຖິ່ນ" ຈັດຂຶ້ນໃນວັນທີ 29 ຕຸລາ 2024 ນີ້, ຢູ່ສູນການຄ້າລາວ-ໄອເຕັກ ນະຄອນ ຫລວງວຽງຈັນ ໃຫ້ກຽດມອບລາງວັນ ໂດຍ ທ່ານ ນາງ ນາລີ ສີສຸລິດ ພັນລະຍາປະທານປະເທດ, ທັງເປັນປະທານຄະນະທີ່ປືກສາສະມາຄົມຫັດຖະກຳລາວ ແລະ ທ່ານ ມະໂນທອງ ວົງໄຊ ຮອງລັດຖະມົນ ຕີກະຊວງອຸດສາຫະກຳ ແລະ ການຄ້າ, ມີປະທານກິດຕິມະສັກສະມາຄົມຫັດຖະກຳລາວ, ປະທານສະ ມາຄົມຫັດຖະກຳລາວ ພ້ອມດ້ວຍ ຂະແໜງການທີ່ກ່ຽວຂ້ອງ ເຂົ້າຮ່ວມ.
ຂປລ. ພິທີມອບລາງວັນຜະລິດຕະພັນຫັດຖະກຳດີເດັ່ນ "ສິລະປະລາຍນາກ ແລະ ລວດລາຍດອກໄມ້ປະຈໍາທ້ອງຖິ່ນ" ຈັດຂຶ້ນໃນວັນທີ 29 ຕຸລາ 2024 ນີ້, ຢູ່ສູນການຄ້າລາວ-ໄອເຕັກ ນະຄອນ ຫລວງວຽງຈັນ ໃຫ້ກຽດມອບລາງວັນ ໂດຍ ທ່ານ ນາງ ນາລີ ສີສຸລິດ ພັນລະຍາປະທານປະເທດ, ທັງເປັນປະທານຄະນະທີ່ປືກສາສະມາຄົມຫັດຖະກຳລາວ ແລະ ທ່ານ ມະໂນທອງ ວົງໄຊ ຮອງລັດຖະມົນ ຕີກະຊວງອຸດສາຫະກຳ ແລະ ການຄ້າ, ມີປະທານກິດຕິມະສັກສະມາຄົມຫັດຖະກຳລາວ, ປະທານສະ ມາຄົມຫັດຖະກຳລາວ ພ້ອມດ້ວຍ ຂະແໜງການທີ່ກ່ຽວຂ້ອງ ເຂົ້າຮ່ວມ.
ທ່ານ ພູທອງ ໄຊສະນິດ ຮອງປະທານສະມາຄົມຫັດຖະກໍາລາວ ໄດ້ກ່າວວ່າ: ງານແຂ່ງຂັນຜະ ລິດຕະພັນຫັດຖະກຳດີເດັ່ນປີ 2024 ມີ 2 ຫົວຂໍ້ຄື: "ສິລະປະລາຍນາກ" ຊິງຂັນລາງວັນ ທ່ານລັດຖະ ມົນຕີກະຊວງອຸດສາຫະກຳ ແລະ ການຄ້າ; ລາງວັນພິເສດ "ລວດລາຍດອກໄມ້ປະຈໍາທ້ອງຖິ່ນ" ຊີງຂັນລາງວັນ ທ່ານ ນາງ ນາລີ ສີສຸລິດ ເຊິ່ງມີຜະລິດຕະພັນສົ່ງເຂົ້າຄັດເລືອກ ທັງໝົດ 68 ຜະລິດຕະພັນ ແບ່ງເປັນ 2 ສາຍຄື ສິລະປະລາຍນາກ 51 ຜະລິດຕະພັນ ແລະ ລວດລາຍດອກໄມ້ປະຈໍາທ້ອງຖິ່ນ 17 ຜະລິດຕະພັນ.
ຜ່ານການຕັດສິນ ແລະ ໃຫ້ຄະແນນຂອງຄະນະກໍາມະການເຫັນວ່າ ລາງວັນຊະນະເລີດ "ສິລະປະລາຍນາກ" ແມ່ນ ທ່ານ ນາງ ອຸດສາວະດີ ໄຊສະນິດ ຫັັດຖະກໍາແພງໄໝ, ທີ 2 ແມ່ນທ່ານ ນາງ ປານີ ຄຸນວິໄລ ສູນຫັດຖະກຳ ອອກພົບຕົກ ແຂວງຫລວງພະບາງ, ທີ 3 ໄດ້ແກ່ ທ່ານນາງ ເພັດ ນອງລາວ ກຸ່ມຜະລິດຫັດຖະກຳ ຕໍ່າແຜ່ນຊົນເຜົ່າບ້ານ ໃໝ່ຫົວເມືອງ ເມືອງລະມາມ ແຂວງເຊກອງ.
ສ່ວນລາງວັນຊະນະເລີດລາງວັນພິເສດ ລວດລາຍດອກໄມ້ປະຈໍາທ້ອງຖິ່ນແມ່ນ ທ່ານ ນາງ ບົວລອຍ ແປງແສງແກ້ວ ຮ້ານຜະລິດຜ້າຝ້າຍ ຍ້ອມສີທຳມະຊາດ ບ້ານວຽງແກ້ວ ເມືອງຫົງສາ ແຂວງ ໄຊຍະບູລີ, ສຳລັບ ລາງວັນທີ 1 ໄດ້ຮັບເງິນສົດ 10 ລ້ານກີບ, ພ້ອມຂັນລາງວັນ, ທີ 2 ແມ່ນ 5 ລ້ານກີບພ້ອມຂັນລາງວັນ ແລະ ທີ 3 ແມ່ນ 3 ລ້ານກີບ ພ້ອມຂັນລາງວັນ.
KPL
