ຂປລ
ອົງການ ອະນາໄມໂລກ ອະນຸຍາດ ໃຫ້ນຳໃຊ້ ວັກຊິນ ປ້ອງກັນ ພະຍາດໝາກສຸກລີງ ກັບໄວລຸ້ນໄດ້ ຫລັງຈາກ ອະນຸ ຍາດ ໃຫ້ໃຊ້ກັບຜູ້ໃຫຍ່ ໃນເດືອນກັນຍາຜ່ານມາ ໂດຍນຳໃຊ້ ວັກຊິນ ຈີນນີໂອສ(Jynneos)ຂອງ ບາວາຣຽນ ນໍດິກ(Danish Bavarian Nordic) ທີ່ເປັນບໍລິສັດ ຜູ້ຜະລິດ ວັກຊິນ ຂອງປະເທດ ດານມາກ ກັບໄວລຸ້ນ ອາຍຸ12-17 ປີ
ຂປລ.ຕາມຂ່າວຈາກ ເຈນີວາ,ວັນທີ14ຕຸລານີ້, ອົງການ ອະນາໄມໂລກ ອະນຸຍາດ ໃຫ້ນຳໃຊ້ ວັກຊິນ ປ້ອງກັນ ພະຍາດ ໝາກສຸກລີງ ກັບໄວລຸ້ນໄດ້ ຫລັງຈາກ ອະນຸຍາດ ໃຫ້ໃຊ້ກັບຜູ້ໃຫຍ່ ໃນເດືອນກັນຍາຜ່ານມາ ໂດຍນຳໃຊ້ ວັກຊິນ ຈີນນີໂອສ(Jynneos)ຂອງ ບາວາຣຽນ ນໍດິກ(Danish Bavarian Nordic) ທີ່ເປັນບໍລິສັດ ຜູ້ຜະລິດ ວັກຊິນ ຂອງປະເທດ ດານມາກ ກັບໄວລຸ້ນ ອາຍຸ12-17 ປີ ເມື່ອວັນທີ 8 ຕຸລາຜ່ານມາ ຫລັງຈາກ ສະຫະພາບ ເອີຣົບ(ອີຢູ) ອະນຸມັດ ນຳໃຊ້ກັບ ໄວລຸ້ນ ເມື່ອເດືອນກັນຍາ ຜ່ານມາ. ຂະນະທີ່ ສ.ອາເມລິກາ ປະກາດ ນຳໃຊ້ກັບ ຜູ້ໃຫຍ່ ອາຍຸ 18ປີ ຂຶ້ນໄປເທົ່ານັ້ນ.ເຖິງຢ່າງໃດກໍ່ຕາມ ເດັກນ້ອຍ, ໄວລຸ້ນ ແລະ ຜູ້ທີ່ມີລະບົບ ພູມຄຸ້ມກັນ ອ່ອນແອ ແມ່ນມີຄວາມສ່ຽງຕໍ່ ການແພ່ລະບາດ ຂອງພະຍາດ ໝາກສຸກລີງ ທີ່ເຮັດໃຫ້ເກີດ ຄວາມກັງວົນ ໃນທົ່ວໂລກ ໂດຍຜູ້ຕິດເຊື້ອ ພະຍາດນີ້ ມີອາການຄ້າຍຄື ໄຂ້ຫວັດໃຫຍ່ແລະ ເປັນຜື່ນແດງ ທີ່ມີຕຸ່ມນ້ຳ ຢູ່ຂ້າງໃນ.ນອກນີ້ ຍັງມີການທົດລອງ ນຳໃຊ້ວັກຊິນ ຊະນິດນີ້ ກັບເດັກ ອາຍຸ 2-12ປີ ຄາດວ່າ ຈະເລີ່່ມໃຊ້ ໃນເດືອນນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
