ຂປລ
ທ່ານ ຢຸນ ຊອກ ຢອນ(Yoon Suk Yeol),ປະທານາທິບໍດີ ສ. ເກົາຫລີ ໄດ້ປະກາດ ຈະເພີ່ມ ກອງທຶນຮ່ວມມື ກັບ ອາຊຽນ ຂຶ້ນເປັນ ສອງເທົ່າ ຈຳນວນ 48 ຕື້ໂດລາສະຫະລັດ ພາຍໃນປີ 2027
ຂປລ.ວິທະຍຸ ກະຈາຍສຽງ ຫວຽດນາມ, ວັນທີ 10 ຕຸລາ, ທ່ານ ຢຸນ ຊອກ ຢອນ(Yoon Suk Yeol),ປະທານາທິບໍດີ ສ. ເກົາຫລີ ໄດ້ປະກາດ ຈະເພີ່ມ ກອງທຶນຮ່ວມມື ກັບ ອາຊຽນ ຂຶ້ນເປັນ ສອງເທົ່າ ຈຳນວນ 48 ຕື້ໂດລາສະຫະລັດ ພາຍໃນປີ 2027 ເພື່ອໜູນຊ່ວຍ ບັນດາໂຄງການສຳຄັນ ໃນພາກພື້ນ. ຄຳໝັ້ນ ສັນຍາ ດັ່ງກ່າວ ໄດ້ຍົກອອກມາ ໃນກອງປະຊຸມ ສຸດຍອດ ອາຊຽນ - ສ. ເກົາຫລີ ຢູ່ ສປປ ລາວ ພາຍຫລັງ ສອງຝ່າຍ ຍົກການພົວພັນ ຂຶ້ນເປັນ “ການພົວພັນ ຄູ່ຮ່ວມມື ຍຸດທະສາດ ຮອບດ້ານ”ນອກນີ້ ຍັງໄດ້ເຫັນດີ ນຳກັນ ສ້າງຕັ້ງ ກອງປະຊຸມ ຂັ້ນກະຊວງ ປ້ອງກັນ ປະເທດ ສ. ເກົາຫລີ - ອາຊຽນ ແລະ ເປີດກວ້າງ ການຮ່ວມມື ໃນຄວາມໝັ້ນຄົງ ການເດີນທະເລ ແລະ ຂະແໜງ ອຸດສາຫະກຳ ດ້ານປ້ອງກັນຊາດ. ໂດຍສອງຝ່າຍ ກໍ່ໃຫ້ຄຳໝັ້ນສັນຍາ ຊຸກຍູ້ ການຮ່ວມມື ໃນຂົງເຂດ ຕົ້ນຕໍ. ສ.ເກົາຫລີ ແລະ ອາຊຽນ ກໍ່ຈະເລີ່ມ ປະຕິບັດ ໂຄງການປ່ຽນໃໝ່ ດິຈີຕອນ ແຖວໜ້າ ໃນທ້າຍປີນີ້ ດ້ວຍບ້ວງເງິນລົງທຶນ ລວມມູນຄ່າ 30 ລ້ານໂດລາ ສະຫະລັດ ຊື່ງໄດ້ຂຶ້ນແຜນ ຈົນຮອດປີ 2028./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
