ລັດຖະມົນຕີເສດຖະກິດອາຊຽນ ສືບຕໍ່ ຫາລື ການພັດທະນາເສດຖະກິດໃນພາກພື້ນ-ສາກົນ

07/10/2024 17:02

Email Print 962

ຂປລ ຂປລ. ກອງປະຊຸມ ສະພາລັດຖະມົນຕີ ເສດຖະກິດອາຊຽນ ຄັ້ງທີ 24 ຈັດຂຶ້ນໃນວັນທີ 7 ຕຸລາ 2024 ທີ່ນະຄອນຫລວງວຽງຈັນ ໂດຍການເປັນປະທານຂອງ ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ແຫ່ງ ສປປ ລາວ, ມີບັນດາລັດຖະມົນຕີສະພາປະ ຊາຄົມເສດຖະກິດອາຊຽນ, ເລຂາທິການໃຫຍ່ອາຊຽນ, ລັດຖະມົນຕີກະຊວງເສດຖະກິດ ຕີມໍແລັດສະເຕ, ພ້ອມດ້ວຍບັນດາຫົວໜ້າຄະນະຜູ້ ແທນປະເທດສະມາຊິກອາຊຽນ ເຂົ້າຮ່ວມ.

ຂປລ. ກອງປະຊຸມ ສະພາລັດຖະມົນຕີ ເສດຖະກິດອາຊຽນ ຄັ້ງທີ 24 ຈັດຂຶ້ນໃນວັນທີ 7 ຕຸລາ 2024 ທີ່ນະຄອນຫລວງວຽງຈັນ ໂດຍການເປັນປະທານຂອງ ທ່ານ ມະໄລທອງ ກົມມະສິດ ລັດຖະມົນຕີ ກະຊວງອຸດສາຫະກໍາ ແລະ ການຄ້າ ແຫ່ງ ສປປ ລາວ, ມີບັນດາລັດຖະມົນຕີສະພາປະ ຊາຄົມເສດຖະກິດອາຊຽນ, ເລຂາທິການໃຫຍ່ອາຊຽນ, ລັດຖະມົນຕີກະຊວງເສດຖະກິດ ຕີມໍແລັດສະເຕ, ພ້ອມດ້ວຍບັນດາຫົວໜ້າຄະນະຜູ້ ແທນປະເທດສະມາຊິກອາຊຽນ ເຂົ້າຮ່ວມ.

ທ່ານ ມະໄລທອງ ກົມມະສິດ ໄດ້ມີຄໍາເຫັນຕໍ່ກອງປະຊຸມວ່າ: ການພົບປະຂອງຜູ້ແທນກອງປະຊຸມຄັ້ງນີ້, ເປັນຄັ້ງທີ 3 ພາຍຫລັງການພົບປະກັນ ໃນກອງປະຊຸມລັດຖະມົນຕີ ເສດຖະກິດອາຊຽນ ຄັ້ງທີ 56 ຈັດຂຶ້ນໃນເດືອນກັນຍາ 2024 ຜ່ານມາ. ການພົບປະຄັ້ງນີ້, ສະແດງເຖິງຄວາມໝາຍໝັ້ນຂອງສະມາຊິກອາຊຽນ ທີ່ຈະສືບຕໍ່ຮ່ວມກັນຈັດຕັ້ງປະຕິບັດ ວິໄສທັດການສ້າງປະຊາຄົມເສດຖະກິດອາຊຽນ 2025 ແລະ ວິໄສທັດການສ້າງປະຊາຄົມ ເສດຖະກິດອາຊຽນ ຮອດປີ 2045. ການດຳເນີນກອງປະຊຸມຄັ້ງນີ້, ເປັນກອງປະຊຸມກະກຽມໃຫ້ແກ່ກອງປະຊຸມ ສຸດຍອດອາຊຽນ ຄັ້ງທີ 44 ແລະ 45 ທີ່ຈະຈັດຂຶ້ນ ໃນລະຫວ່າງ ວັນທີ 8-11 ຕຸລາ 2024 ທີ່ ນະຄອນຫລວງວຽງຈັນ ໂດຍຜູ້ແທນກອງປະຊຸມ ໄດ້ພ້ອມກັນສືບຕໍ່ປຶກສາຫາລືກ່ຽວກັບ ສະພາບການພັດທະນາ ເສດຖະກິດໃນພາກພື້ນ ແລະ ສາກົນ, ການຈັດຕັ້ງປະຕິບັດບັນດາ ແຜນວຽກບຸລິມະສິດເສດຖະກິດ ອາຊຽນ ປີ 2024, ການພັດທະນາ ເສດຖະກິດແບບຍືນຍົງ ແລະ ການຫັນເປັນດີຈິຕອນໃນອາຊຽນ. ພ້ອມນີ້, ກອງປະຊຸມ ໄດ້ຮັບຊາບ ແລະ ແລກປ່ຽນທັດສະນະກ່ຽວກັບ ການສ້າງແຜນຍຸດທະສາດ ປະຊາຄົມເສດຖະກິດອາຊຽນ ໄລຍະປີ 2026-2030; ໄດ້ພິຈາລະນາ ແລະ ຮັບຮອງເອົາບັນດາເອກະສານສໍາຄັນຂອງ ເສົາຄໍ້າເສດຖະກິດ ເພື່ອນໍາສະເໜີຕໍ່ກອງປະຊຸມ ສຸດຍອດອາຊຽນ ຄັ້ງທີ 44 ແລະ 45.

ພ້ອມນີ້, ທ່ານ ມະໄລທອງ ກົມມະສິດ ໄດ້ຍົກໃຫ້ເຫັນວ່າ: ທ່າມກາງທີ່ສະພາບການຂອງໂລກ ແລະ ພາກພື້ນກໍາລັງຜັນແປໄປຢ່າງສະຫລັບສັບຊ້ອນ ໂດຍສະເພາະ ສະພາບເສດຖະກິດ ແລະ ການເງິນ ຂອງພາກພື້ນ ແລະ ສາກົນ ຍັງສືບຕໍ່ຜະເຊີນກັບຄວາມບໍ່ໝັ້ນທ່ຽງ ທີ່ໄດ້ຮັບຜົນກະທົບ ຈາກການແຜ່ລະບາດ ຂອງພະຍາດໂຄວິດ-19, ການປ່ຽນແປງຂອງສະພາບດິນຟ້າອາກາດ ແລະ ຄວາມເຄັ່ງຕຶງດ້ານພູມສາດ ການເມືອງໃນພາກພື້ນ ແລະ ສາກົນທີ່ໄດ້ສ້າງໂອກາດ ແລະ ສິ່ງທ້າທາຍຕໍ່ກັບພາກພື້ນອາຊຽນ ເຊິ່ງສະແດງອອກຕົວເລກ ການຂະຫຍາຍຕົວ ທາງດ້ານເສດຖະກິດຂອງອາຊຽນ ສະເລ່ຍ ແມ່ນ 4,1% ໃນປີ 2023 ແລະ ຄາດວ່າຈະເພີ່ມຂຶ້ນເປັນ 4,6% ໃນປີ 2024. ການລົງທຶນໃນອາຊຽນ ໄດ້ເພີ່ມຂຶ້ນ 0,3% ຈາກ 229 ຕື້ໂດລາສະຫະລັດ ໃນປີ 2022 ມາເປັນ 230 ຕື້ໂດລາສະຫະລັດ ໃນປີ 2023; ມູນຄ່າການຄ້າດ້ານສິນຄ້າຂອງອາຊຽນ ໄດ້ຫລຸດລົງ 1,2% ຈາກ 3.846 ຕື້ໂດລາສະຫະລັດ ໃນປີ 2022 ມາເປັນ 3.525 ຕື້ໂດລາສະຫະລັດ ໃນປີ 2023 ແລະ ຄາດວ່າຈະເພີ່ມຂຶ້ນມາເປັນ 3.617 ຕື້ໂດລາສະຫະລັດ ໃນປີ 2024.

ຂ່າວ-ພາບ: ວຽງສະຫວັນ

KPL

ອາຊຽນ ASEAN
ນະໂຍບາຍພາສີຂອງສ.ອາເມລິກາ ສ້າງຜົນກະທົບຕໍ່ການຄ້າໃນພາກພື້ນ-ສາກົນ
4/10/2025 4:34:33 PM
ອາຊຽນ ໄດ້ຈັດກອງປະຊຸມ ລັດຖະມົນຕີ ເສດຖະກິດ ອາຊຽນ ຜ່ານທາງວິດີໂອ, ເພື່ອປຶກສາ ຫາລືວ່າ ຈະເຮັດແນວໃດ ເພື່ອຮັບມືກັບ ນະໂຍບາຍ ພາສີ ຫລ້າສຸດ ຂອງ ສ.ອາເມລິກາ ແລະ ໄດ້ອອກຖະແຫລງການຮ່ວມ ຫລັງກອງປະຊຸມ.
ອາຊຽນ ASEAN
ສປປ ລາວ ຮ່ວມສະເຫລີມສະຫລອງ ວັນສັງຄົມສົງເຄາະອາຊຽນ
3/27/2025 5:01:34 PM
ຂປລ. ສປປ ລາວ ໄດ້ຮ່ວມກັບບັນດາປະເທດສະມາຊິກອາຊຽນ ສະເຫລີມສະຫລອງວັນສັງຄົມສົງເຄາະອາຊຽນ (15 ມີນາ) ເພື່ອຍົກສູງບົດບາດອັນສໍາຄັນ ຂອງນັກສັງຄົມສົງເຄາະ ແລະ ບຸກຄະລາກອນສັງຄົມສົງເຄາະ ໃນການຫລຸດຜ່ອນຄວາມສ່ຽງ ຈາກໄພພິບັດ ແລະ ການສ້າງຄວາມທົນທານຕໍ່ ການປ່ຽນແປງສະພາບ ດິນຟ້າອາກາດ ໃນວັນທີ 25 ມີນາ 2025 ທີ່ນະຄອນຫລວງວຽງຈັນ ໂດຍມີພະນັກງານຈາກພາກລັດ, ສະຖາບັນການສຶກສາ, ຄູ່ຮ່ວມພັດທະນາ ແລະ ນັກສຶກສາທີ່ໜຸ່ມນ້ອຍ ຈາກພາກວິຊາສັງຄົມສົງເຄາະ ແລະ ການພັດທະນາ ຄະນະວິທະຍາສາດສັງຄົມ ເຂົ້າຮ່ວມ.
ອາຊຽນ ASEAN
ປະເທດ ບັງກລາເທດ
3/24/2025 6:23:08 PM
ເນື່ອງໃນໂອກາດ ວັນຊາດຂອງປະເທດ ບັງກລາເທດ(Bangladesh) ຫລື ຊື່ທາງການຄື ສາທາລະນະລັດປະຊາຊົນ ບັງກລາເທດ (People’s Republic Of Bangladesh) ໃນວັນທີ 24 ມີນາ, ຊຶ່ງເປັນ ປະເທດ ໃນອາຊີໃຕ້, ມີຊາຍແດນທິດເໜືອ, ທິດຕາເວັນຕົກ ແລະ ທິດຕາເວັນອອກ ຕິດກັບ ອິນເດຍ ສ່ວນທິດໃຕ້ຕິດກັບ ອ່າວເບງກອນ ແລະ ຕາເວັນອອກສ່ຽງໃຕ້ ຕິດກັບ ມຽນມາ.
ອາຊຽນ ASEAN
ປະເທດ ແອັດສະປາຍ
3/20/2025 12:40:06 PM
ປະເທດ ແອັດສະປາຍ(Spain) ຫລື ຊື່ທາງການຄື ລາຊະອານາຈັກ ແອັດສະປາຍ(Kingdom of Spain), ນະຄອນຫລວງ ຊື່ວ່າ ມາດຣິດ (Madrid). ແອັດສະປາຍ ເປັນປະເທດໜຶ່ງ ຕັ້ງຢູ່ທິດຕາເວັນຕົກສ່ຽງໃຕ້ ຂອງທະວີບ ເອີຣົບ, ຢູ່ເທິງແຫລມມະຫາສະໝຸດ ໄອບີເຣຍ ຮ່ວມກັບ ປອກຕຸຍການ ແລະ ອັງໂດຣາ, ມີຊາຍແດນ ຕິດກັບ ຝຣັ່ງ ທາງທິດຕາເວັນອອກ ສ່ຽງເໜືອລຽບຕາມພູ ພິເຣນີສ.
ອາຊຽນ ASEAN
ຫາລືການນຳໃຊ້ປັນຍາປະດິດ ເຂົ້າໃນວຽກງານລັດທະສະພາ
3/12/2025 2:45:54 PM
ຂປລ. ກອງປະຊຸມກໍາມາທິການວຽກງານສະມາຊິກລັດຖະສະພາ ຂອງສະມັດຊາລັດຖະສະພາ ຝຣັ່ງໂກໂຟນີ (APF) ຈັດຂຶ້ຍລະຫວ່າງວັນທີ 12-14 ມີນາ 2025 ຢູ່ນະຄອນຫລວງວຽງຈັນ ພາຍໃຕ້ການເປັນປະທານຮ່ວມ ລະຫວ່າງ ສະພາແຫ່ງຊາດ ແຫ່ງ ສປປ ລາວ ແລະ ສະມັດຊາລັດຖະສະພາ ຝຣັ່ງໂກໂຟນີ (APF) ເຊິ່ງມີຄະນະຜູ້ແທນລັດຖະສະພາ 11 ປະເທດ ແລະ ເຂດແຄວ້ນ, ກອງເລຂາ APF ແລະ ສູນລັດຖະສະພາອາຊີ (PCAsia) ເຂົ້າຮ່ວມ.