ຂປລ
ຂໍ້ມູນຈາກ ລັດຖະບານ ຍີ່ປຸ່ນ ຊີ້ແຈງວ່າ: ລາຄາທີ່ດິນ ສະເລ່ຍ ໃນປະເທດ ເມື່ອລວບລວມຂໍ້ມູນ ແລະ ວິເຄາະ ຈົນເຖິງວັນທີ 1 ກໍລະກົດ ຜ່ານມາ ເພີ່ມຂຶ້ນ 1,4% ເມື່ອທຽບກັບ ປີກາຍ, ຊຶ່ງເປັນການເພີ່ມຂຶ້ນ ເປັນປີທີ 3 ຕິດຕໍ່ກັນ.
ຂປລ.ສຳນັກຂ່າວ ຊິນຮວາ ຂອງ ສປຈີນ, ຂໍ້ມູນຈາກ ລັດຖະບານ ຍີ່ປຸ່ນ ຊີ້ແຈງວ່າ: ລາຄາທີ່ດິນ ສະເລ່ຍ ໃນປະເທດ ເມື່ອລວບລວມຂໍ້ມູນ ແລະ ວິເຄາະ ຈົນເຖິງວັນທີ 1 ກໍລະກົດ ຜ່ານມາ ເພີ່ມຂຶ້ນ 1,4% ເມື່ອທຽບກັບ ປີກາຍ, ຊຶ່ງເປັນການເພີ່ມຂຶ້ນ ເປັນປີທີ 3 ຕິດຕໍ່ກັນ. ໂດຍກະຊວງທີ່ດີນ ພື້ນຖານໂຄງລ່າງ ການຂົນສົ່ງ ແລະ ທ່ອງທ່ຽວຂອງ ຍີ່ປຸ່ນ ລະບຸວ່າ: ລາຄາທີ່ດິນ ເຊິງການຄ້າ ເພີ່ມຂຶ້ນ 2,4% ສ່ວນລາຄາ ທີ່ດິນ ເພື່ອການຢູ່ອາໄສ ເພີ່ມຂຶ້ນ 0,9%, ຊຶ່ງທັງສອງປະເພດນີ້ ລາຄາເພີ່ມຂຶ້ນ ເປັນປີທີສາມ ຕິດຕໍ່ກັນ ແລະ ເພີ່ມຂຶ້ນໃນອັດຕາ ທີ່ວອງໄວ ທີ່ສຸດນັບຕັ້ງແຕ່ປີ 1992.
ໃນຂະນະທີ່ ລາຄາທີ່ດິນ ເພື່ອການຢູ່ອາໄສ ເພີ່ມຂຶ້ນເປັນປີທີ 3 ຕິດຕໍ່ກັນ ໃນເຂດມະຫານະຄອນ ຂະໜາດໃຫຍ່ ທີ່ສຸດ 3 ແຫ່ງຂອງຍີ່ປຸ່ນ ໄດ້ແກ່: ນະຄອນຫລວງ ໂຕກຽວ, ເມືອງໂອຊາກາ ແລະ ເມືອງນາໂກຢາ. ສ່ວນລາຄາທີ່ດິນ ດ້ານການຄ້າ ເພີ່ມຂຶ້ນຕໍ່ເນື່ອງ ເປັນໄລຍະເວລາ 12 ປີຕິດຕໍ່ກັນ.
ສ່ວນລາຄາທີ່ດິນ ລະດັບ ພາກພື້ນ ຍັງເພີ່ມຂຶ້ນ ເປັນປີທີ 2 ຕິດຕໍ່ກັນ ໂດຍລາຄາທີ່ດິນ ເພື່ອການຢູ່ອາໄສ ເພີ່ມຂຶ້ນ 0,1% ແລະ ລາຄາທີ່ດິນ ເຊິງການຄ້າ ເພີ່ມຂຶ້ນ 0,9%.
KPL