ຂປລ
ຂປລ. ໃນໄລຍະຜ່ານມາ, ເກີດມີຝົນຕົກໜັກຢ່າງຕໍ່ເນື່ອງ ເຮັດໃຫ້ນ້ຳຂອງລົ້ນຝັ່ງເຂົ້າຖ້ວມນາ, ສວນ ແລະ ເຮືອນຊານບ້ານຊ່ອງ ເຂດເມືອງຫາດຊານຟອງ ຈຳນວນ 12 ບ້ານໄດ້ຮັບຜົນກະທົບໜັກ. ປັດຈຸບັນ, ກອງບັນຊາການທະຫານເມືອງຫາດຊາຍຟອງ ໄດ້ສົມທົບກັບ ປກສ ເມືອງ, ກຳລັງຊາວໜຸ່ມເມືອງ ນຳກຳລັງເຂົ້າຊ່ວຍເຫລືອປະຊາຊົນເຂດບ້ານດັ່ງກ່າວ.
ຂປລ. ໃນໄລຍະຜ່ານມາ, ເກີດມີຝົນຕົກໜັກຢ່າງຕໍ່ເນື່ອງ ເຮັດໃຫ້ນ້ຳຂອງລົ້ນຝັ່ງເຂົ້າຖ້ວມນາ, ສວນ ແລະ ເຮືອນຊານບ້ານຊ່ອງ ເຂດເມືອງຫາດຊານຟອງ ຈຳນວນ 12 ບ້ານໄດ້ຮັບຜົນກະທົບໜັກ. ປັດຈຸບັນ, ກອງບັນຊາການທະຫານເມືອງຫາດຊາຍຟອງ ໄດ້ສົມທົບກັບ ປກສ ເມືອງ, ກຳລັງຊາວໜຸ່ມເມືອງ ນຳກຳລັງເຂົ້າຊ່ວຍເຫລືອປະຊາຊົນເຂດບ້ານດັ່ງກ່າວ.
ສະຫາຍ ພັນໂທ ວຽງວິໄລ ແກ້ວບຸນມີ ຫົວໜ້າການທະຫານ ຜູ້ຊີ້ນໍາໄພນໍ້າຖ້ວມ ໄດ້ໃຫ້ຮູ້ວ່າ: ປັດຈຸບັນກຳລັງພວກເຮົາໄດ້ຊ່ວຍປະຊາຊົນ ຈຳນວນ 12 ບ້ານ ຄື: ບ້ານທ່າພະ, ສິມມະໂນໃຕ້, ສິມມະໂນເໜືອ, ນາລ້ອງ, ຄວຍແດງ, ຫາດກັນຊາ, ດອນເກີດ, ຊຽງຄວນ, ສະຫວ່າງ, ທ່າເດື່ອ, ດອນເກີດ ແລະ ບ້ານທ່າພະ ເຊິ່ງການຊ່ວຍໃນຄັ້ງນີ້, ແມ່ນຊ່ວຍຂົົນເຄື່ອງ ແລະ ເອົາເປົາຊາຍສ້າງຄູກັນນ້ຳ. ສຳລັບຜົນເສຍຫາຍຍັງບໍ່ສາມາດປະເມີນໄດ້ ເພາະວ່ານ້ຳກຳລັງໄຫລເຂົ້າສວນບ່ອນທຳມາຫາກິນ ແລະ ເຮືອນຊານຂອງປະຊາຊົນ. ພ້ອມກັນນີ້, ປະຊາຊົນບ້ານຖິ່ນຕົມ ຍັງປະສານຂໍກຳລັງ ສ່ວນໜຶ່ງເພື່ອຊ່ວຍເຂົາເຈົ້າ ຕື່ມອີກ.
ຂ່າວ: ພັນຕີ ວີຊຽນ ສຸວັນນະສານ
KPL
