ຂປລ
ໂດຍຕອບສະໜອງ ຕາມຄຳເຊີນຂອງ ທ່ານ ໂດນັນ ທຣຳ ປະທານາທິບໍດີ ສ.ອາເມລິກາ, ທ່ານ ສີ ຈິ້ນຜິງ ປະທານປະເທດຈີນ ຈະເດີນທາງໄປຢ້ຽມຢາມ ສ.ອາເມລິກາ ທາງລັດຖະກິດ. ໃນໄລຍະການຢ້ຽມຢາມ, ທ່ານ ສີ ຈິ້ນຜິງ ກັບ ທ່ານ ໂດນັນ ທຣຳ ຈະລົງເລິກແລກປ່ຽນຄວາມເຫັນ ກ່ຽວກັບ ສາຍພົວພັນ ລະຫວ່າງ ສປ ຈີນ-ສ.ອາເມລິກາ ແລະ ບັນຫາສຳຄັນ ແຫ່ງການພັດທະນາ ໂດຍສັນຕິຂອງໂລກ.
ຂປລ.ວິທະຍຸ ໂທລະພາບສູນກາງຈີນ, ວັນທີ 21 ກັນຍານີ້, ທ່ານ ກົ່ວເຈ່ຍຄຸ່ນ ໂຄສົກກະຊວງການຕ່າງປະເທດຈີນ ຢືນຢັນວ່າ: ໂດຍຕອບສະໜອງ ຕາມຄຳເຊີນຂອງ ທ່ານ ໂດນັນ ທຣຳ ປະທານາທິບໍດີ ສ.ອາເມລິກາ, ທ່ານ ສີ ຈິ້ນຜິງ ປະທານປະເທດຈີນ ຈະເດີນທາງໄປຢ້ຽມຢາມ ສ.ອາເມລິກາ ທາງລັດຖະກິດ. ໃນໄລຍະການຢ້ຽມຢາມ, ທ່ານ ສີ ຈິ້ນຜິງ ກັບ ທ່ານ ໂດນັນ ທຣຳ ຈະລົງເລິກແລກປ່ຽນຄວາມເຫັນ ກ່ຽວກັບ ສາຍພົວພັນ ລະຫວ່າງ ສປ ຈີນ-ສ.ອາເມລິກາ ແລະ ບັນຫາສຳຄັນ ແຫ່ງການພັດທະນາ ໂດຍສັນຕິຂອງໂລກ. ທ່ານ ກົ່ວເຈ່ຍຄຸ່ນ ກ່າວຕື່ມວ່າ: ການທູດປະມຸກລັດ ມີບົດບາດນຳພາ ທາງຍຸດທະສາດ ທີ່ບໍ່ສາມາດທົດແທນ ໄດ້ສຳລັບສາຍພົວພັນ ລະຫວ່າງ ສປ ຈີນ-ສ.ອາເມລິກາ, ການຢ້ຽມຢາມ ເຊິ່ງກັນ ແລະ ກັນ ລະຫວ່າງ ປະມຸກລັດຈີນ-ອາເມລິກາ ພາຍໃນເຄິ່ງປີ ມີຄວາມໝາຍສຳຄັນ ທາງປະຫວັດສາດ. ສປ ຈີນ ຍິນດີຮ່ວມກັບ ສ.ອາເມລິກາ ເສີມຂະຫຍາຍ ເນື້ອໃນຂອງສາຍພົວພັນ ທີ່ໝັ້ນຄົງ ທາງຍຸດທະສາດ ທີ່ສ້າງສັນ ລະຫວ່າງ ສ.ຈີນ-ສ.ອາເມລິກາ ໃຫ້ອຸດົມສົມບູນຂຶ້ນ, ເພີ່ມທະວີ ການສົນທະນາ ແລະ ການຮ່ວມມື, ຄຸ້ມຄອງຄວາມຂັດແຍ້ງ ຢ່າງເໝາະສົມ, ເພີ່ມຄວາມສຸກ ໃຫ້ແກ່ ປະຊາຊົນສອງປະເທດ ແລະ ຊຸກຍູ້ສັນຕິພາບ, ສະຖຽນລະພາບ ແລະ ຄວາມຈະເລີນ ຮຸ່ງເຮືອງຂອງໂລກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
