*ຜະລິດຕະພັນໜັງເຄັມ ໂບນິຕາ  ແມ່ນອີກຜະລິດຕະພັນໜັງເຄັມຂອງຄົນລາວ ທີ່ໄດ້ຮັບຄວາມນິຍົມທັງພາຍໃນ ແລະ ຕ່າງປະເທດ ດ້ວຍຄຸນນະພາບທີ່ແຊບນົວ, ອ່ອນຈີ່ຕອນເຊົ້າປະໄວ້ກິນຕອນແລງກ່ໍບ່ໍແຂງ  ແຕ່ບ່ໍໃຫ້ຖືກລົມ ສະນັ້ນ, ຈຶ່ງເຮັດໃຫ້ ໜັງເຄັມໂບນິຕາ ຄອງໃຈລູກຄ້າມາຍາວນານ ແນວໃດກໍດີເພື່ອດຶງດູດລູກຄ້າໃຫ້ຫລາຍຂຶ້ນ ແລະ ເພື່ອຍົກລະດັບໜັງເຄັມທໍາມະດາ ໃຫ້ເປັນໜັງສໍາເລັດຮູບພ້ອມກິນ ຈຶ່ງໄດ້ອອກຜະລິດຕະພັນໃໝ່ ຄື: ໜັງເຄັມຈືນ, ເຄັມຕົ້ມ, ເຄັມຈີ່ແລ້ວ ນອກນີ້ ຍັງມີສົ້ມໜັງ, ແຈ່ວຊີຟູດ, ນໍ້າຍໍາໄວ້ກິນກັບໜັງເຄັມບອກໄດ້ເລີຍວ່າແຊບ ອັນທີ່ເວົ້າມາຢ່າຟ້າວເຊື້ອເດີ ຕ້ອງໄດ້ລອງສໍາຜັດດ້ວຍໂຕເອງ ແຕ່ສໍາລັບຜູ້ຂຽນໄດ້ລອງດ້ວຍໂຕເອງແລ້ວບອກໄດ້ເລີຍວ່າແຊບ ແລະ ສະດວກສະບາຍຫລາຍພຽງເປີດຖົງກໍສາມາດກິນໄດ້ເລີຍ.

   ນາງ ໂບນິຕາ ວົງມີໄຊ  ເຈົ້າຂອງຜະລິດ ຕະພັນໜັງໂບນິຕາໜັງເຄັມ ໃຫ້ສໍາພາດວ່າ: ກ່ອນຈະມາເຮັດອາຊີບນີ້ ແມ່ນຂາຍເຄື່ອງອອນລາຍທົ່ວ ໄປມາກ່ອນແຕ່ຍ້ອນການລະບາດຂອງພະຍາດ ໂຄວິດ-19 ເຮັດໃຫ້ຂາຍເຄື່ອງບໍ່ໄດ້ຈຶ່ງເປັນຈຸດເລີ່ມຕົ້ນໃນການຫາອາຊີບໃໝ່ ແລະ ໄດ້ມາເຮັດໜັງເຄັມຂາຍ. ເລີ່ມມາ ແຕ່ປີ 2020 ຈົນຮອດປັດຈຸບັນຍິ່ງໄດ້ຮັບຄວາມນິຍົມຂຶ້ນເລື້ອຍໆ ສະນັ້ນ,  ເພື່ອເພີ່ມຄວາມສະດວກສະບາຍໃຫ້ລູກຄ້າ  ແລະ ເພື່ອຍົກລະດັບຜະລິດຕະພັນໜັງເຄັມທີ່ເປັນຂອງຄົນລາວ ໃຫ້ມີຫລາຍຮູບແບບ ເປັນຕົ້ນ: ໜັງເຄັມຈີ່ສໍາເລັດຮູບ, ເຄັມທອດ, ເຄັມຕົ້ມ ພ້ອມຮັບປະທານໄດ້ (ໝາຍຄວາມວ່າເປີດຊອງອອກມາແລ້ວ ສາມາດຮັບປະທານໄດ້ເລີຍ). ນອກນີ້ແລ້ວ,  ຍັງມີນໍ້າແຈ່ວຊີຟູດ ກິນກັບໜັງເຄັມເພື່ອເພີ່ມຄວາມແຊບ ແລະ ຄວາມຫລາກຫລາຍ ໃນການກິນໜັງເຄັມຂຶ້ນຕື່ມ.

    ສໍາລັບລາຄາຂາຍໜັງເຄັມ 1 ກິໂລ (ໜັງດິບ) ລາຄາ 85.000 ຫາ 190.000 ກີບ, ແຈ່ວຊີຟູດ, ນໍ້າຍໍາລາຄາຂາຍເລີ່ມຕ້ົນ 25.000ກີບ/ຕຸກ-45.000 ກີບ/ຕຸກ. ນາງ ໂບນິຕາ  ເວົ້າຕື່ມວ່າ: ມາເຖິງປັດຈຸບັນ, ຜະລິດຕະພັນມີການຕອບຮັບຈາກສັງຄົມເປັນຢ່າງດີ ຊຶ່ງສະແດງໃຫ້ເຫັນວ່າລູກຄ້າເກົ່າໄດ້ກັບຄືນມາຊື້ຄືນຢ່າງສະໝໍ່າ ສະເໝີນັບທັງພາຍໃນ ແລະ ຕ່າງປະເທດ ທັງເປັນຕົວແທນຈໍາໜ່າຍໄດ້ແກ່: ປະເທດມຽນມາ, ສ ເກົາ ຫລີ, ໄທ, ຈີນ, ຫວຽດນາມ ແລະ ອົດສະຕຣາລີ. ໂອກາດນີ້ ທ່ານນາງ ໂບ ນິຕາ ສະແດງຄວາມຂອບໃຈມາຍັງລູກຄ້າທຸກໆທ່ານ ທີ່ໄດ້ໃຫ້ການສະໜັບສະໜູນ, ຊົມໃຊ້ຜະລິດຕະພັນໜັງເຄັມມາໂດຍຕະຫລອດ, ຖ້າຫາກວ່າບໍ່ມີລູກຄ້າໃຫ້ການສະໜັບສະໜູນກໍຈະບໍ່ມີຜະລິດຕະພັນ ໂບນິຕາ ໜັງເຄັມເຖິງທຸກວັນນີ້.

    ສຳລັບທ່ານໃດທີ່ຕ້ອງການກິນໜັງເຄັມແຊບໆ ຫລື ຢາກເປັນຕົວແທນຈໍາໜ່າຍກໍສາມາດຕິດຕໍ່ສອບຖາມ ໄດ້ຜ່ານເບີໂທ 020 2323 9290 ຫລື ເຟສບຸກ Bonita ໂບນິຕາ ຂາຍ ງານແບນລິຂະສິດ.

ໂດຍ: ມາລິດາ

KPL