ພາຍຫລັງສັ່ງຊື້ເຮືອບິນA330neo ຈຳນວນ 20 ລຳທີ່ງານວາງສະແດງການບິນສາກົນ 2024 (Farnborough International Airshow 2024) ແລ້ວ ສາຍການບິນຫວຽດເຈັດ (VietJet) ໄດ້ລົງນາມໃນຂໍ້ຕົກລົງສຳຄັນກັບRolls-Royce ແລະ Lufthansa Technik ຊຶ່ງຜູ້ນຳລະດັບໂລກໃນດ້ານການບິນ ແລະ ວິສະວະກຳ. ຈຸດໝາຍສຳຄັນນີ້ໄດ້ສ້າງຄວາມມຸ່ງໝັ້ນຂອງສາຍການບິນໃຫ້ມີຍືນຍົງ ລວມເຖິງຄວາມເປັນເລີດໃນການປະຕິບັດງານຜ່ານການພົວພັນຄູ່ຮ່ວມມືທາງຍຸດທະສາດແລະແຜນການຂະຫຍາຍສາຍການບິນ.

ໃນ​ນີ້ VietJet​ ໄດ້​ລົງ​ນາມ​ຂໍ້​ຕົກລົງ​ສຳຄັນກັບ Rolls-Royce​ ບໍລິສັດອຸດສາຫະກຳການບິນ​ອະວະກາດ​ຂອງອັງກິດ ​ເພື່ອ​ສັ່ງຊື້​ເຄື່ອງ​ຈັກ Trent 7.000 ຈໍານວນ 40 ເຄື່ອງ ພ້ອມກັບ​ການ​ບໍລິການບຳລຸງຮັກສາ​ເຄື່ອງ​ຈັກ Total Care ສຳລັບເຮືອບິນ A330neo ຈໍານວນ 20 ລໍາ ທີ່​ສັ່ງ​ຊື້​ມາໃໝ່ນີ້. ເຄື່ອງ​ຈັກ Trent 7000 ຂອງ Rolls-Royceເປັນເຄື່ອງຈັກທີ່ທັນສະໄໝ ທີ່ມາພ້ອມກັບຄຸນສົມບັດໃນການປົກປັກຮັກສາສິ່ງແວດລ້ອມແລະ ສະໜັບສະໜູນຄວາມຍືນຍົງດ້ວຍການຈະຊ່ວຍຫລຸດການໃຊ້ນ້ຳມັນເຊື້ອໄຟ 14% ຕໍ່ 1 ທີ່ນັ່ງ. ການຫລຸດຜ່ອນການປ່ອຍອາຍມົນລະພິດນີ້ຈະຊ່ວຍໃຫ້ສາຍການບິນສາມາດຫລີກລ່ຽງການປ່ອຍອາຍກາກບອນ (CO2) ໄດ້ຫລາຍກວ່າໜຶ່ງແສນໂຕນ ຕະຫລອດອາຍຸການໃຊ້ງານຂອງເຮືອບິນແຕ່ລະລຳ. ພາຍໃຕ້ການບໍລິການTotal Careໄດ້ຜ່ານຂັ້ນຕອນການກວດສະພາບເຄື່ອງຈັກຈາກລະບົບຕິດຕາມທີ່ທັນສະໄໝຂອງ Rolls-Royce. VietJet ມຸ່ງເນັ້ນທີ່ຈະເພີ່ມປະສິດທິພາບໃນການປະຕິບັດງານ,ຄວາມໜ້າເຊື່ອຖື ແລະ ຄວາມພ້ອມໃນການໃຊ້ງານຂອງເຄື່ອງຈັກ Trent 7.000 ໃນເຮຶອບິນ A330neo.

ທ່ານ Dinh Viet Phuong ຫົວໜ້າຝ່າຍບໍລິຫານ VietJet ໄດ້ກ່າວວ່າ: “ການລວມກັນຂອງເຄື່ອງຈັກ Trent 7.000 ທີ່ທັນສະໄໝໃສ່ເຮືອບິນ Airbus A330neo ລຸ້ນໃໝ່ຫລ້າສຸດ ພ້ອມກັບການສະໜັບສະໜູນຈາກການບໍລິການລະດັບພຣິມຽມ Total Care ຈະຊ່ວຍໃຫ້ VietJet Air ກ້າວເຂົ້າສູ່ລະດັບເຕັກໂນໂລຊີໃໝ່ໆຍົກລະດັບຄຸນນະພາບຂອງສາຍການບິນຢ່າງຫລວງຫລາຍ, ເພີ່ມຄວາມໜ້າເຊື່ອຖື ແລະ ມີປະສິດທິພາບຂອງການດໍາເນີນງານ. ໂດຍສະເພາະຢ່າງຍິ່ງແມ່ນການເພີ່ມເຄື່ອງຈັກ Rolls-Royce ລຸ້ນໃໝ່ຫລ້າສຸດ ທີ່ມີປະສິດທິພາບສູງໃຫ້ສອດຄ່ອງກັບຍຸດທະສາດການພັດທະນາແບບຍືນຍົງຂອງ VietJet ດ້ວຍເປົ້າໝາຍ ESG ເພື່ອບັນລຸການປ່ອຍອາຍພິດໃຫ້ເປັນສູນພາຍໃນປີ 2050.”

VietJet ຍັງ​ໄດ້​ເພີ່ມ​ທະວີ​ການ​ຮ່ວມ​ມື​ກັບເພື່ອນງານລະດັບ​ໂລກ​ໃນ​ງານ Farnborough International Airshow 2024 ​ໂດຍ​ການ​ບັນລຸຂໍໍ້ຕົກລົງ Total Component Support (TCS) ​ແຕ່​ຜູ້​ດຽວ​ກັບບໍລິສັດ Lufthansa Technik ຊຶ່ງເປັນຜູ້​ໃຫ້​ບໍລິການ MRO ອັນດັບຕົ້ນຂອງ​ໂລກ ຂໍ້​ຕົກລົງ​ສະບັບ​ນີ້​ມີ​ຜົນ​ສັກສິດ​ນັບ ​ແຕ່​ເດືອນ​ຕຸລາ​ປີ 2024 ​ເປັນ​ຕົ້ນໄປ ໂດຍການ​ກຳນົດ​ມາດ​ຕະການ​ໃໝ່​ໃນ​ການ​ຮ່ວມ​ມື​ໄລຍະຍາວລະຫວ່າງ​ສອງ​ບໍລິສັດ. ພາຍໃຕ້ຂໍ້ຕົກລົງTCSບໍລິສັດ Lufthansa Technik ຈະຈັດຫາບໍລິການອາໄຫລ່ສ່ວນປະກອບສໍາລັບເຮືອບິນຂອງ VietJet ເພື່ອຮັບປະກັນການປະຕິບັດງານຂອງສາຍການບິນທີ່ດີເລີດ ແລະ ມາດຕະຖານການບຳລຸງຮັກສາສູງສຸດ. ຂໍ້ຕົກລົງນີ້ສະແດງເຖິງສັນຍາ TCS ທີ່ໃຫຍ່ທີ່ສຸດຂອງບໍລິສັດ Lufthansa Technik ທີ່ໄດ້ຮັບປະກັນໃນພາກພື້ນອາຊີຕາເວັນອອກສຽງໃຕ້. ໃນຂະນະທີ່ Rolls-Royce ເປັນບໍລິສັດການບິນອະວະກາດ ທີ່ມີຊື່ສຽງຂອງອັງກິດເຊີ່ງມີປະຫວັດອັນຍາວນານຕັ້ງແຕ່ປີ 1904 ເຊັ່ນດຽວກັນກັບບໍລິສັດ Lufthansa Technik ເປັນຜູ້ນໍາລະດັບໂລກໃນການບໍລິການດ້ານເຕັກນິກເຮືອບິນ ທີ່ໄດ້ຮັບຄວາມໄວ້ວາງໃຈຈາກສາຍການບິນຕ່າງໆ ທີ່ກຳລັງຊອກຫາ MRO ຊັ້ນນໍາ.

VietJet ສືບຕໍ່ລົງທຶນໃນການຈັດການ ແລະ ການບໍລິການດ້ານເຕັກໂນໂລຊີການບິນຂັ້ນສູງຮ່ວມມືກັບ Rolls-Royce ກຸ່ມບໍລິສັດLufthansa Technik ແລະ ບັນດາຄູ່ຮ່ວມມືດ້ານການບິນຊັ້ນນໍາຂອງໂລກເພື່ອຍົກລະດັບມາດຕະຖານຄວາມປອດໄພ ແລະ ຄຸນນະພາບສູງສຸດສາຍ​ການ​ບິນ​ໄດ້ມຸ່ງໝັ້ນ​ຂະ​ຫຍາຍ​ເຮືອ​ບິນ​ຢ່າງ​ສະໝ່ຳສະ​ເໝີ​​ດ້ວຍ​ເຮືອ​ບິນທີ່ມີປະສິດທິພາບປະຢັດ​ນ້ຳ​ມັນ​ເຊື້ອ​ໄຟ​ທີ່ມີ​ອັດ​ຕາ​ຄວາມ​ໜ້າ​ເຊື່ອ​ຖື​ດ້ານ​ເຕັກນິກ 99,6% ສົ່ງຜົນໃຫ້ VietJetເປັນ​ສາຍ​ການ​ບິນ​ແນວໜ້າ​​ໃນ​ພາກ​ພື້ນ ແລະ​ ທົ່ວ​ໂລກ VietJet ໄດ້​ຮັບ​ລາງວັນ​ຄວາມ​ປອດ​ໄພ​ລະດັບ 7/7 ດາວ​ຈາກAirline Ratings ແລະ​ ໄດ້​ຮັບ​ການຍົກຍ້ອງໃຫ້​ເປັນ​ໜຶ່ງ​ໃນ​ສາຍ​ການ​ບິນ​ລາຄາ​ປະຢັດ​​ທີ່​ປອດ​ໄພ​ທີ່​ສຸດ​ໃນ​ໂລກ​ນັບ​ແຕ່​ປີ 2018 ເປັນຕົ້ນມາ.

ສິ່ງດັ່ງກ່າວສ້າງຄວາມໝັ້ນໃຈ ແລະ ຄວາມເຊື່ອໝັ້ນໃຫ້ແກ່ນັກທ່ອງທ່ຽວລາວ ທີ່ມີແຜນທີ່ຈະເດີນທາງໄປຈຸດໝາຍປາຍທາງທີ່ສຳຄັນອື່ນໆເຊັ່ນ: ອາຊີຕາເວັນອອກສຽງໃຕ້ ແລະ ຕາເວັນອອກສຽງເໜືອ, ອົດສະຕຣາລີ, ອິນເດຍແລະ ອື່ນໆໂດຍຜ່ານເສັ້ນທາງໃໝ່ຂອງຖ້ຽວບິນ VietJet ໃນຕົ້ນປີນີ້ ທີ່ເຊື່ອມຕໍ່ລະຫວ່າງນະຄອນຫລວງວຽງຈັນຫານະຄອນໂຮ່ຈີ່ມິນ ດ້ວຍຖ້ຽວບິນໄປກັບ 4 ຖ້ຽວຕໍ່ອາທິດໃນວັນຈັນ, ວັນພຸດ, ວັນສຸກ ແລະ ວັນອາທິດ ໂດຍໃຊ້ເວລາບິນພຽງແຕ່ 1 ຊົ່ວໂມງ 45 ນາທີເທົ່ານັ້ນ.

KPL