ຂປລ
ຂປລ. ອົງການທ່ອງທ່ຽວມາເລເຊຍ ປະຈຳລາວ ຈັດສຳມະນາແລກປ່ຽນບົດຮຽນຫົວໜ່ວຍທຸລະກິດ ກັບ ຜູ້ປະກອບການດ້ານການທ່ອງທ່ຽວຂອງລາວ ແລະ ມາເລເຊຍ ປະຈຳປີ 2024 ໃນວັນທີ 10 ກໍລະກົດ 2024 ທີ່ນະຄອນຫລວງວຽງຈັນ ໂດຍມີ ທ່ານ ແອັດດີ້ ອີຣາວານ ມາໝຸດ ເອກອັກຄະລັດຖະທູດມາເລເຊຍ ປະຈຳລາວ, ມີຜູ້ຕາງໜ້າຈາກອົງການທ່ອງທ່ຽວມາເລເຊຍ, ຜູ້ປະກອບການສາຍການບິນ, ໂຮງແຮມ, ບໍລິສັດທ່ອງທ່ຽວ ເຂົ້າຮ່ວມ.
ຂປລ. ອົງການທ່ອງທ່ຽວມາເລເຊຍ ປະຈຳລາວ ຈັດສຳມະນາແລກປ່ຽນບົດຮຽນຫົວໜ່ວຍທຸລະກິດ ກັບ ຜູ້ປະກອບການດ້ານການທ່ອງທ່ຽວຂອງລາວ ແລະ ມາເລເຊຍ ປະຈຳປີ 2024 ໃນວັນທີ 10 ກໍລະກົດ 2024 ທີ່ນະຄອນຫລວງວຽງຈັນ ໂດຍມີ ທ່ານ ແອັດດີ້ ອີຣາວານ ມາໝຸດ ເອກອັກຄະລັດຖະທູດມາເລເຊຍ ປະຈຳລາວ, ມີຜູ້ຕາງໜ້າຈາກອົງການທ່ອງທ່ຽວມາເລເຊຍ, ຜູ້ປະກອບການສາຍການບິນ, ໂຮງແຮມ, ບໍລິສັດທ່ອງທ່ຽວ ເຂົ້າຮ່ວມ.
ການສຳມະນາໃນຄັ້ງນີ້, ຜູ້ປະກອບການດ້ານການທ່ອງທ່ຽວ ຂອງມາເລເຊຍ ໄດ້ນຳສະເໜີ ກ່ຽວກັບລາຍການທ່ອງທ່ຽວຂອງຕົນ ເປັນຕົ້ນ ສະຖານທີ່ທ່ອງທ່ຽວທີ່ມີສື່ສຽງ ແລະ ສວຍງາມ ຂອງມາເລເຊຍ ເປັນຕົ້ນ ສະຖານທີ່ທ່ອງທ່ຽວທາງທຳມະຊາດ, ວັດທະນະທຳ, ເຮືອນພັກ, ໂຮງແຮມ, ອາ ຫານ-ເຄື່ອງດື່ມ ແລະ ອື່ນໆ. ນອກນັ້ນ, ຜູ້ປະກອບການດ້ານການທ່ອງທ່ຽວ ຍັງແລກປ່ຽນບົດຮຽນເຊິ່ງກັນ ແລະ ກັນ ແນໃສ່ດຶງດູດເອົານັກທ່ອງທ່ຽວຈາກ ສປປ ລາວ ໄປທ່ຽວມາເລເຊຍ ໃຫ້ຫລາຍຂຶ້ນ, ທັງເປັນການຮັດແໜ້ນການຮ່ວມມືດ້ານການທ່ອງທ່ຽວ ລະຫວ່າງ ລາວ-ມາເລເຊຍ ໃຫ້ໄດ້ຮັບການພັດທະ ນາ ຂຶ້ນໄປເລື້ອຍໆ.
ທ່ານ ນາງ ຢູສລີຊາ ຢູ່ຊອບ ຜູ້ຊ່ວຍຜູ້ອຳນວຍການພະແນກການທ່ອງທ່ຽວສາກົນ ອົງການທ່ອງ ທ່ຽວມາເລເຊຍ ປະຈຳລາວ ກ່າວວ່າ: ປີ 2024 ມາເລເຊຍ ຕັ້ງເປົ້າຈະມີນັກທ່ອງທ່ຽວທີ່ເຂົ້າມາທ່ຽວມາເລເຊຍ 27,3 ລ້ານຄົນ ເພື່ອບັນລຸເປົ້າໝາຍ ດັ່ງກ່າວ, ອົງການທ່ອງທ່ຽວມາເລເຊຍ ຕ້ອງການເຮັດວຽກຢ່າງໃກ້ຊິດກັບບັນດາທຸລະກິດທ່ອງທ່ຽວ ເພື່ອເຮັດໃຫ້ມາເລເຊຍ ກາຍເປັນຈຸດໝາຍປາຍທາງຂອງລູກຄ້າ ຂອງບັນດາທຸລະກິດທ່ອງທ່ຽວ.
ຫ້ອງການທ່ອງທ່ຽວມາເລເຊຍ ປະຈຳນະຄອນຫລວງວຽງຈັນ ຈະໃຫ້ການຮ່ວມມື ແລະ ແນະ ນຳລາຍການທ່ອງທ່ຽວໃໝ່ ໃຫ້ບັນດາບໍລະສັດທ່ອງທ່ຽວເພື່ອເຮັດໃຫ້ນັກທ່ອງທ່ຽວຈາກ ສປປ ລາວ ໄປທ່ຽວມາເລເຊຍ ຫລາຍຂຶ້ນ.
ຂ່າວ: ກິດຕາ
KPL
