ສ້າງລາຍຮັບເຂົ້າຄອບຄົວ ດ້ວຍການປູກຝັງ-ລ້ຽງສັດ

09/07/2024 09:48
Email Print 422
ຂປລ ຄວາມມັກຮັກ ແລະ ຄວາມດໝັ່ນຂະຫຍັນພຽນໃນການປູກຝັງ- ລ້ຽງສັດ ໄດ້ສ້າງລາຍຮັບເຂົ້າຄອບຄົວ ເຮັດໃຫ້ຄອບຄົວຫລຸດພົ້ນອອກຈາກຄວາມທຸກຍາກເທື່ອລະກ້າວ.

     *ຄວາມມັກຮັກ ແລະ ຄວາມດໝັ່ນຂະຫຍັນພຽນໃນການປູກຝັງ- ລ້ຽງສັດ ໄດ້ສ້າງລາຍຮັບເຂົ້າຄອບຄົວ ເຮັດໃຫ້ຄອບຄົວຫລຸດພົ້ນອອກຈາກຄວາມທຸກຍາກເທື່ອລະກ້າວ. ທ່ານ ລາ ພຸດສະດີ ອາຍຸ 55 ປີ ປະຊາຊົນບ້ານນາຫາດ ເມືອງຄໍາເກີດ ແຂວງບໍລິຄຳໄຊ ເປັນຄອບຄົວຕົວແບບໃນການປູກຝັງ ໃຫ້ສໍາພາດຕໍ່ນັກຂ່າວເມື່ອບໍ່ດົນມານີ້ວ່າ: ຕົນເອງ ແລະ ຄອບຄົວໄດ້ເລີ່ມຕົ້ນປູກຜັກມາແຕ່ປີ 2016 ມີ 2 ແຮງງານໃນການຜະລິດ, ມີເນື້ອທີ່ການຜະລິດ 2.400 ຕາແມັດ, ມີເຮືອນຮົ່ມ 2 ຫລັງ, ເລີ່ມມີເຮືອນຮົ່ມໃນປີ 2020 ໂດຍໄດ້ນັບທຶນຈາກໂຄງການລາວ 030 ຫ້ອງ ການກະສິກໍາ ແລະ ປ່າໄມ້ເມືອງ ນໍາມາມອບໃຫ້ໃນມູນຄ່າ 5 ລ້ານກວ່າກີບ, ນັບແຕ່ນ້ັນມາຄອບຄົວຂອງຕົນ ໄດ້ຍຶດເອົາການປູກຜັກເປັນອາຊີບຕົ້ນຕໍເນື່ອງຈາກສາມາດເຮັດໄດ້ທັງ 2 ລະດູພ້ອມທັງເຮັດນາປີ ແລະ ລ້ຽງສັດເປັນສໍາຮອງ.

    ທ່ານ ລາ ພຸດສະດີ ຍັງກ່າວຕື່ມອີກວ່າ: ຕົນ ແລະ ເມຍ ແມ່ນມັກຮັກໃນການເຮັດສວນ (ປູກຜັກ) ຈົນກາຍເປັນກິດຈະວັດປະຈໍາວັນທຸກໆມື້ໄດ້ພາກັນລົງສວນ ເພື່ອບົວລະບັດສວນຜັກ ເຊັ່ນ: ຫົດຜັກ, ໃສ່ຝຸ່ນ, ພວນດິນ ເພື່ອໃຫ້ຜັກຂຽວງາມພ້ອມຈໍາໜ່າຍອອກສູ່ຕະຫລາດ. ຜັກທີ່ປູກສ່ວນໃຫຍ່ແມ່ນຜັກກາດຊອມ, ຜັກບົ່ວ ແລະ ຜັກບົ້ງ, ຜັກໃນ 1 ໜານ ໄດ້ປະມານ 144.000  ກິໂລກຣາມຂາຍລາຄາ 120.000  ກີບ ຕໍ່ 12 ກິໂລກຣາມ ສະເລ່ຍໄດ້ 1.200.000-1.400.000 ກີບ ຕໍ່ໜານ.

    ສ່ວນການຈໍາໜ່າຍແມ່ນ ແມ່ຄ້າ-ພໍ່ຄ້າມາຊື້ຢູ່ກັບສວນ, ສະເລ່ຍລາຍຮັບໃນການຂາຍຜັກ 2 ລະດູ, ຂາຍເຂົ້າ ແລະ ຂາຍສັດລ້ຽງໄດ້ເຖິງ 60-70 ລ້ານກີບຕໍ່ປີ ເຮັດໃຫ້ຄອບຄົວຕົນເອງມີລາຍຮັບເພີ່ມຂ້ຶນຈາກເມ່ືອກ່ອນ ແລະ ສາມາດແກ້ໄຂຊີວິດການເປັນຢູ່ຂອງຄອບຄົວດີຂຶ້ນ, ສາມາດປຸກເຮືອນວິລາໄດ້ 1 ຫລັງ, ມີລົດໄຖນາ 2 ຄັນ, ຊື້ດິນ (ຂະຫຍາຍສວນປູກຜັກ) ໄດ້ 1 ຕອນ, ມີລົດປັ່ນເຂົ້າ 1 ຄັນ ແລະ ຊື້ລົດໃຫຍ່ໄດ້ 1 ຄັນ. ນອກນີ້, ຍັງໄດ້ຊື້ ເຄື່ອງໃຊ້ໄຟຟ້າ ແລະ ເຟີນີເຈີຮັບໃຊພາຍໃນເຮືອນຕື່ມອີກ.

ໂດຍ: ທິນນະກອນ

KPL

ຂ່າວອື່ນໆ

    • ການເຂື່ອນຍ້າຍ ສັດນໍ້າ ແລະ ສັດປ່າ ຕ້ອງປະຕິບັດຕາມກົດໝາຍບົດ-ສາລະຄະດີ

      ການເຂື່ອນຍ້າຍ ສັດນໍ້າ ແລະ ສັດປ່າ ຕ້ອງປະຕິບັດຕາມກົດໝາຍ

      7/19/2024 11:08:30 AM

      ໃນມາດຕາທີ 41 ຂອງກົດໝາຍວ່າດ້ວຍສັດນໍ້າ ແລະ ສັດປ່າ ໄດ້ກຳນົດໄວ້ວ່າ: ການເຄື່ອນຍ້າຍສັດນ້ຳ ແລະ ສັດປ່າ ປະເພດຫວງຫ້າມ ແລະ ປະເພດຄຸ້ມຄອງຈາກສະຖານທີ່ໜຶ່ງໄປສະຖານທີ່ອື່ນຢູ່ພາຍໃນປະເທດ ຕ້ອງໄປຕາມເສັ້ນ ທາງທີ່ໄດ້ກຳນົດໃຫ້ ແລະ ແຈ້ງເອກະສານຕໍ່ເຈົ້າໜ້າທີ່ປະຈຳດ່ານ ກວດກາຊຶ່ງປະກອບດ້ວຍໃບອະນຸຍາດເຄື່ອນຍ້າຍຂອງຂະແໜງການກະສິກຳ ແລະ ປ່າໄມ້, ໃບຢັ້ງຢືນສຸຂະພາບ, ໃບຢັ້ງຢືນຖິ່ນກຳເນີດ, ໃບທະບຽນສັດ.

    • ປ່ອຍແລ້ວ ຕ້ອງຮ່ວມກັນປົກປັກຮັກສາບົດ-ສາລະຄະດີ

      ປ່ອຍແລ້ວ ຕ້ອງຮ່ວມກັນປົກປັກຮັກສາ

      7/19/2024 11:00:41 AM

      ໃນວັນທີ 13 ກໍລະກົດ ຜ່ານມາເຫັນວ່າ: ຫລາຍທ້ອງຖິ່ນທາງພາກ ລັດ ແລະ ເອກະຊົນໃນຂອບເຂດທົ່ວປະເທດໄດ້ພ້ອມກັນສ້າງຂະບວນການປ່ອຍປາ ແລະ ສັດນໍ້າ ເພື່ອສະເຫລີມສະຫລອງວັນດັ່ງກ່າວຢ່າງຟົດຟື້ນ ແລະ ກໍຫວັງວ່າໄດ້ບັນລຸຕາມຄາດ ໝາຍທີ່ວາງໄວ້ ໂດຍສະເພາະແມ່ນສູ້ຊົນປ່ອຍປາໃຫ້ໄດ້ 64 ບ້ານ ໂຕທີ່ກະຊວງກະສິກຳ ແລະ ປ່າໄມ້ວາງໄວ້.

    • ຮັບຮູ້ນະໂຍບາຍການປະຕິຮູບຂອງຈີນໃນຍຸກໃໝ່ບົດ-ສາລະຄະດີ

      ຮັບຮູ້ນະໂຍບາຍການປະຕິຮູບຂອງຈີນໃນຍຸກໃໝ່

      7/19/2024 10:33:35 AM

      ວັນທີ 18 ກໍລະກົດ 2024, ພັກ​ກອມ​ມູ​ນິດ​ຈີນ​ໄດ້​ເຜີຍ​ແຜ່​ຖະ​ແຫລງ​ການ​ ກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກກອມມູນິດຈີນ ສະໄໝທີ XX ໂດຍ​ໄດ້​ວາງ​ແຜນ​ຍຸດ​ທະ​ສາດ​ກ່ຽວ​ກັບ​ການ​ລົງ​ເລິກ​ການ​ປະ​ຕິ​ຮູບ​ຢ່າງ​ຮອບ​ດ້ານ​ຕື່ມ​ອີກ ​ແລະ​ ຊຸກ​ຍູ້​ຄວາມ​ທັນ​ສະ​ໄໝ​ແບບ​ຈີນ ພ້ອມ​ທັງ​ວາງ​ມາດ​ຕະ​ການ​ລະ​ອຽດ.

    • ເກມພະນັນອອຍລາຍ ຜິດກົດໝາຍ ພ້ອມກັນຕ້ານບົດ-ສາລະຄະດີ

      ເກມພະນັນອອຍລາຍ ຜິດກົດໝາຍ ພ້ອມກັນຕ້ານ

      7/19/2024 10:02:21 AM

      ການພະນັນອອນລາຍ ຫລື ເກມອອນລາຍ ແມ່ນການຫລິ້ນເກມໃນຮູບແບບການສ່ຽງໂຊກທາງອອນລາຍ ກຳລັງມີທ່າອ່ຽງຂະຫຍາຍຕົວເພີ່ມຂຶ້ນໃນທົ່ວໂລກ ແລະ ມີຫລາຍປະເທດໄດ້ຫັນມາຄຸ້ມຄອງ ແລະ ຄວບຄຸມບັນຫາດັ່ງກ່າວຢ່າງເປັນລະບົບ, ຮອດປັດຈຸບັນນີ້ການພະນັນອອນລາຍຢູ່ປະເທດເຮົາ ຍັງສືບຕໍ່ເຄື່ອນໄຫວຢ່າງເສລີ ແລະ ມີແຫລ່ງເງິນຕາເຂົ້າ-ອອກປະເທດ ໂດຍບ່ໍໄດ້ຮັບການຄຸ້ມຄອງເປັນຈຳນວນຫລາຍ.

    • ສາຍພົວພັນລາວ-ຫວຽດນາມ ຄືສາຍພົວພັນພິເສດ ທີ່ເປັນເອກະລັກສະເພາະໃນໂລກບົດ-ສາລະຄະດີ

      ສາຍພົວພັນລາວ-ຫວຽດນາມ ຄືສາຍພົວພັນພິເສດ ທີ່ເປັນເອກະລັກສະເພາະໃນໂລກ

      7/19/2024 9:54:44 AM

      ໃນປະຫວັດສາດຂອງການພົວພັນສາກົນ ສາຍພົວພັນມິດຕະພາບທີ່ ເປັນມູນເຊ້ືອຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ ໄດ້ເປັນແວ່ນແຍງແບບຢ່າງອັນພົ້ນເດັ່ນ ທີ່ບໍ່ເຄີຍມີມາກ່ອນ ໂດຍໄດ້ເອົາຜົນປະໂຫຍດມາສູ່ປະຊາຊົນສອງປະເທດ ທັງໃນຂະບວນການຕໍ່ສູ້ເພື່ອເອກະລາດເສລີພາບ ແລະ ຄວາມຮຸ່ງເຮືອງສີວິໄລໃນໄລຍະສ້າງສາ ແລະ ພັດທະນາປະເທດຊາດ.

ads
ads

Top