ຂປລ
ໃນປັດຈຸບັນ ທຸກມື້ນີ້ການເຮັດວຽກງານຕ່າງໆ, ການຮ່ຳຮຽນ ຫລື ໃນເວລາວ່າງກໍຕາມບໍ່ວ່າ ຜູ້ໃຫຍ່, ໄວໜຸ່ມ, ເດັກນ້ອຍສ່ວນຫລາຍແມ່ນຈະນັ່ງຈ່ອງຢູ່ກັບຈໍຄອມພິວເຕີ, ຈໍແທັບເລັດ, ໂທລະສັບຢູ່ຕະຫລອດ...ເຊິ່ງເປັນສາເຫດເຮັດໃຫ້ສາຍຕາຂອງຄົນເຮົານັ້ນ ພົບກັບອາການປວດຕາ, ຕາມົວ, ຕາແຫ້ງ, ປວດຫົວ, ປວດຫລັງ ຫລື ບາງຄົນຈົນເຖິງຂັ້ນສາຍຕາສັ້ນກໍເປັນໄດ້.
*ໃນປັດຈຸບັນ ທຸກມື້ນີ້ການເຮັດວຽກງານຕ່າງໆ, ການຮ່ຳຮຽນ ຫລື ໃນເວລາວ່າງກໍຕາມບໍ່ວ່າ ຜູ້ໃຫຍ່, ໄວໜຸ່ມ, ເດັກນ້ອຍສ່ວນຫລາຍແມ່ນຈະນັ່ງຈ່ອງຢູ່ກັບຈໍຄອມພິວເຕີ, ຈໍແທັບເລັດ, ໂທລະສັບຢູ່ຕະຫລອດ...ເຊິ່ງເປັນສາເຫດເຮັດໃຫ້ສາຍຕາຂອງຄົນເຮົານັ້ນ ພົບກັບອາການປວດຕາ, ຕາມົວ, ຕາແຫ້ງ, ປວດຫົວ, ປວດຫລັງ ຫລື ບາງຄົນຈົນເຖິງຂັ້ນສາຍຕາສັ້ນກໍເປັນໄດ້. ດັ່ງນັ້ນເພື່ອຫລີກລ່ຽງບັນຫາດັ່ງ ມື້ນີ້ຄໍລຳສຶກສາຫາຄວາມຮູ້ຂໍນຳສະເໜີວິທີຖະໜອມສາຍຕາມາແລກປ່ຽນກັບທ່ານຜູ້ອ່ານ ດັ່ງນີ້:
1.ພິບຕາໃຫ້ຖ່ີຂຶ້ນ: ອັດຕາການພິບຕາຂອງຄົນເຮົາຈະຫລຸດລົງ ຈາກ 20-22 ເທ່ືອຕໍ່ນາທີ ຈະເຫລືອຢູ່ພຽງແຕ່ 6-8 ເທື່ອຕໍ່ນາທີເທົ່ານັ້ນອັນເຮັດໃຫ້ຕາແຫ້ງ ດັ່ງນັ້ນ ຄວນພິບຕາໃຫ້ຫລາຍຂຶ້ນ ຫລື ອາດໃຊ້ນຳ້ຕາທຽມຍອດເພື່ອໃຫ້ດວງຕາຊຸ່ມ.
2.ຈັດວາງຄອມພິວເຕີໃຫ້ເໝາະສົມໃນລະດັບສາຍຕາ, ໃຫ້ໜ້າຈໍກັບໂຕເຮົາຫ່າງກັນປະມານ 50-70 ຊັງຕີແມັດ, ສາຍຕາຢູ່ໃນລະດັບປະມານ 4-9 ນີ້ວ ບໍ່ໃຫ້ຢູ່ສູງ ຫລື ຕ່ຳຈົນເກີນໄປ.
3.ປັບຫ້ອງໃຫ້ມີແສງສະຫວ່າງເພື່ອຫລຸດແສງສະທ້ອນຈາກໜ້າຈໍ ແລະ ຫລີກລ່ຽງການໃຊ້ເຟີນິເຈີທີ່ມີສີສະທ້ອນ ເຊັ່ນ ໂຕະສີຂາວ, ຄວນວາງອຸປະກອນໃກ້ກັບປະຕູປ໋ອງຢຽມ ທີ່ມີຜ້າມ້ານຕິດນຳ.
4.ປັບເລື່ອງຂະໜາດໂຕໜັງສືຂອງຈໍພາບ ໃຫ້ລາຍລະອຽດຂອງຈໍພາບ ແລະ ໂຕອັກສອນນັ້ນມີຄວາມກະທັດຫັດກັບຜູ້ໃຊ້.
5.ເລືອກໃຊ້ແວ່ນຕາທີ່ເໝາະສົມຄວນເລືອກໃສ່ແວ່ນ ທີ່ສາມາດກັນແສງຈາກໜ້າຈໍໄດ້. ແວ່ນກອງແສງສີຟ້າຈະຊ່ວຍຖະໜອມສາຍຕາຂອງຜູ້ໃຊ້ໃນຂະນະທີ່ເຮັດວຽກກັບຈໍຄອມ, ຈໍແທັບເລດ...
6. ພັກຜ່ອນສາຍຕາ ໃນຂະນະທີ່ກຳລັງເຮັດວຽກກັບຈໍຄອມພິວເຕີເປັນເວລາດົນ, ຄວນມີການພັກສາຍຕາ ເພື່ອຄາຍອາການອ່ອນລ້າ ບໍລິເວນກ້າມເນື້ອດວງຕາເປັນບາງຄັ້ງຢ່າງສະໝ່ຳສະເໝີ ແລະ ທຸກໆຊົ່ວໂມງ ຄວນລຸກຂຶ້ນຍືດເສັ້ນຍືດສາຍ ປະມານ 10-20 ນາທີ ກໍໄດ້ ເພື່ອຜ່ອນຄາຍສາຍຕາທີ່ອ່ອນຫລ້າ ຫລື ຈະພັກສາຍຕາດ້ວຍການເລ່ືອນໜ່ວຍຕາຂຶ້ນ-ລົງ ເຮັດຊ້າໆປະມານ 6 ຄັ້ງ, ເລື່ອນຊ້າຍຫາຂວາເຮັດຊ້ຳກັນປະມານ 2-3 ຄັ້ງ ແລະ ໝຸນເປັນວົງມົນປະມານ 10 ຄັ້ງເຮັດແບບນີ້ປະມານ 2-3 ຮອບ ກໍ່ຊ່ວຍຜ່ອນຄາຍໄດ້ຄືກັນ.
ຮຽບຮຽງໂດຍ: ແສງສະຫວັນ
KPL
