ລາວ ຍົກເວັ້ນວີຊາໃຫ້ນັກທ່ອງທ່ຽວຈີນ

03/07/2024 10:45
Email Print 1131
ຂປລ ພາກອຸດສາຫະກໍາທ່ອງທ່ຽວໃນບັນດາ 10 ປະເທດສະມາຊິກອາຊຽນ ພວມເຕີບໃຫຍ່ຂະຫຍາຍຕົວແບບກ້າວກະໂດດ ພາຍຫລັງພະຍາດ ໂຄວິດ-2019 ຈາງຫາຍໄປ ແລະ ໄດ້ເປີດປະເທດໄປມາຫາສູ່ກັນປົກກະຕິນັບແຕ່ປີ 2022 ເປັນຕ້ົນມາ.

     *ພາກອຸດສາຫະກໍາທ່ອງທ່ຽວໃນບັນດາ 10 ປະເທດສະມາຊິກອາຊຽນພວມເຕີບໃຫຍ່ຂະຫຍາຍຕົວແບບກ້າວກະໂດດ ພາຍຫລັງພະຍາດ ໂຄວິດ-2019 ຈາງຫາຍໄປ ແລະ ໄດ້ເປີດປະເທດໄປມາຫາສູ່ກັນປົກກະຕິນັບແຕ່ປີ 2022 ເປັນຕ້ົນມາ ຂະນະທີ່ ສປປ ລາວ, ໄທ, ຫວຽດນາມ, ກໍາປູເຈຍ, ສິງກະໂປ, ມາເລເຊຍ, ອິນໂດເນເຊຍກາຍເປັນຈຸດດຶງດູດນັກທ່ອງທ່ຽວຊາວຈີນ, ສ ເກົາ ຫລີ, ຍີ່ປຸ່ນ, ເອີຣົບ, ອາເມລິກາ ເພີ່ມຂຶ້ນຢ່າງຕໍ່ເນື່ອງ ຍ້ອນວ່າອາຊຽນເປັນຂົງເຂດທີ່ມີຄວາມສະຫງົບທ່ີສຸດ ແລະ ມີສະຖຽນລະພາບດ້ານການເມືອງຂ້ອນຂ້າງດີກວ່າຂົງເຂດອື່ນໆ.

     ອີງຕາມທະນາຄານໂລກ ແລະ ທະນາຄານພັດທະນາອາຊີໄດ້ລາຍງານ ເມື່ອບໍ່ດົນມານີ້ວ່າພາກອຸດສາຫະກໍາທ່ອງທ່ຽວຈະຊ່ວຍເຮັດໃຫ້ເສດຖະກິດໂລກ ຄ່ອຍໆຟື້ນຕົວຂຶ້ນຕາມລໍາດັບ ໜຶ່ງໃນນັ້ນ ສປປ ລາວ ແມ່ນໜຶ່ງໃນບັນດາ 10 ປະເທດສະມາຊິກອາຊຽນ ທີ່ບໍ່ມີຊາຍແດນດ້ານໃດຕິດຈອດກັບທະເລ ແຕ່ມີເສັ້ນທາງລົດໄຟລາວ-ຈີນ ນັ້ນຄືໂອກາດສໍາຄັນຈະປ່ຽນໃບໜ້າ ແລະ ສະຖານະຂອງລາວ ເປັນປະເທດເຊື່ອມໂຍງເຊື່ອມຈອດກັບພາກພື້ນ-ສາກົນ ແລະ ປະເທດອື່ນໆໃນໂລກ ເຊິ່ງນັ້ນໝາຍວ່າຜ່ານມາລາວໄດ້ພົບພໍ້ ແລະ ຜະເຊີນໜ້າກັບການແພ່ລະບາດພະຍາດໂຄວິດ-19 ອັນໄດ້ເຮັດໃຫ້ກະທົບຕໍ່ສະພາບລວມຂອງປະເທດຫຍຸ້ງຍາກ ມາຮອດປີ 2022 ພະຍາດດັ່ງກ່າວໄດ້ຈາຍຫາຍໄປ ແລະ ເປີດປະເທດຢ່າງທາງການຈະຊ່ວຍເຮັດໃຫ້ ສປປ ລາວ ໄດ້ຮັບໂອກາດໃໝ່ໆ ແລະ ມີສິ່ງທ້າທາຍແຕກຕ່າງກັນດີຂຶ້ນເປັນກ້າວໆໂດຍສະເພາະ ການບໍລິການທ່ອງທ່ຽວຕິດພັນກັບເສັ້ນທາງລົດໄຟລາວ-ຈີນ ຈະເຮັດຫ້ເສດຖະກິດຂອງລາວຄ່ອຍໆດີຂຶ້ນຢ່າງໜ້າສົນໃຈ.

     ດັ່ງທີ່ຮູ້ນໍາກັນ, ເສັ້ນທາງລົດໄຟລາວ- ຈີນ ເປັນສ່ວນໜຶ່ງຂອງເສັ້ນທາງສາກົນ ແລະ ເປັນປະຕູອາຊຽນທີ່ມີປະຊາກອນລວມກັນທັງໝົດ 600 ລ້ານຄົນ ເຊິ່ງຈະກາຍເປັນໂອກາດປະກອບສ່ວນເຂົ້າໃນການພັດທະນາເສດຖະກິດສັງຄົມ, ການແກ້ໄຂ ຄວາມທຸກຍາກ, ການສ້າງວຽກເຮັດງານທໍາ, ການຍົກລະດັບຊີວິດການເປັນຢູ່ດີຂຶ້ນລະຫວ່າງອາຊຽນ, ສປ ຈີນ ແລະ ບັນດາຂົງເຂດອື່ນໆ. ຫລ້າສຸດໃນ ວັນທີ 26 ມິຖຸນານີ້, ກະຊວງ ຖວທ ແຫ່ງ ສປປ ລາວ ໄດ້ເຊັນເອກະສານເລກທີ 29 ກ່ຽວກັບ “ລາຍລະອຽດໃນການປະຕິບັດນະໂຍບາຍວີຊາຕໍ່ນັກທ່ອງທ່ຽວຈີນ ສະເພາະໃນປີທ່ອງທ່ຽວລາວ 2024” ໂດຍລະບຸວ່າ: ນັກທ່ອງທ່ຽວຈີນ ຜູ້ຖືພາສປອດທຳມະດາສາມາດເຂົ້າໄປທ່ຽວປະເທດລາວ 15 ວັນ ແບບຍົກເວັ້ນວີຊາ ໂດຍຜ່ານການຈັດຕັ້ງຂອງບໍລິສັດທ່ອງທ່ຽວ ເຊິ່ງຈະປະ ຕິບັດແຕ່ວັນທີ 1 ກໍລະກົດຫາວັນທີ 31 ທັນວາປີ 2024. ການປະກາດ ຍົກເວັ້ນວີຊາໃຫ້ນັກທ່ອງທ່ຽວຈີນ ຄັ້ງນີ້ບໍ່ພຽງເອື້ອອໍານວຍຄວາມສະ ດວກສະບາຍໃຫ້ນັກທ່ອງທ່ຽວເທົ່າ ນັ້ນ ຫາກຍັງເປັນການຊຸກຍູ້ສົ່ງເສີມ ການພັດທະນາເສດຖະກິດ-ສັງຄົມ, ການສ້າງວຽກເຮັດງານທໍາ, ດຶງດູດເງິນຕາຕ່າງປະເທດ, ການສ້າງຄວາມເຊື່ອໝັ້ນຢ່າງໜັກແໜ້ນລະຫວ່າງສອງປະເທດ.

    ອີງຕາມແຫລ່ງຂ່າວຂອງຈີນ ໄດ້ລາຍງານວ່າ: ນັບແຕ່ໄທໄດ້ປະຕິບັດນະໂຍບາຍຍົກເວັ້ນວີຊາໃຫ້ນັກທ່ອງທ່ຽວຈີນ ໃນວັນທີ 25 ກັນຍາ ປີ 2023 ແລະ ໄດ້ປະຕິບັດນະໂຍບາຍຍົກເວັ້ນວີຊາຖາວອນຕໍ່ພົນລະເມືອງຈີນ ແຕ່ວັນ ທີ 1 ມີນາປີນີ້ເປັນຕົ້ນມາ, ນັກທ່ອງທ່ຽວຈີນ ທີ່ໄປທ່ຽວໄທ ໄດ້ເພີ່ມຂຶ້ນຢ່າງວ່ອງໄວ. ນັບແຕ່ວັນທີ 1 ມັງກອນ ຫາ ວັນທີ 9 ມິຖຸນາປີ 2024, ໄທໄດ້ຕ້ອນຮັບນັກທ່ອງທ່ຽວຕ່າງປະເທດ ທັງໝົດ 15,54 ລ້ານຄົນ ໃນນັ້ນ, ນັກທ່ອງທ່ຽວຈີນ ມີຫລາຍກວ່າ 3 ລ້ານຄົນ ແລະ ເປັນອັນດັບ ໜຶ່ງໃນນັກທ່ອງທ່ຽວຕ່າງປະເທດທີ່ໄປທ່ຽວໄທ. ນັບແຕ່ມາເລເຊຍ ໄດ້ປະຕິບັດນະໂຍບາຍຍົກເວັ້ນວີຊາຕໍ່ພົນລະເມືອງຈີນແຕ່ວັນທີ 1 ທັນວາປີ 2023 ເປັນຕົ້ນມາ, ລະຫວ່າງ ເດືອນທັນວາປີກາຍ ຫາ ເດືອນເມສາປີນີ້, ນັກທ່ອງທ່ຽວຈີນທີ່ໄປທ່ຽວມາເລເຊຍ ໄດ້ບັນລຸເຖິງ 1,124 ລ້ານເທ່ືອຄົນ, ເພີ່ມຂຶ້ນເກືອບ 2,4 ເທົ່າ ເມື່ອທຽບໃສ່ເດືອນທັນວາ ປີ 2022 ຫາ ເດືອນເມສາ ປີ 2023. ເຖິງຢ່າງໃດກໍດີກະຊວງ ຖວທ ຂອງ ສປປ ລາວ ໄດ້ລາຍງານວ່າ: ພັກ-ລັດຖະບານລາວ ຖືເອົາວຽກງານທ່ອງທ່ຽວເປັນໜຶ່ງໃນຍຸດທະສາດສໍາຄັນປະກອບສ່ວນເຂົ້າໃນການພັດທະນາເສດຖະກິດ-ສັງຄົມ, ແກ້ໄຂຄວາມທຸກຍາກ, ສ້າງວຽກເຮັດງານທໍານອກຈາກນັ້ນທ່ອງທ່ຽວຍັງເປັນແຫລ່ງລາຍຮັບອັນດັບຕົ້ນໆຂອງປະເທດ, ໃນປີ 2018- 2019 ມີນັກທ່ອງທ່ຽວເຂົ້າມາຢ້ຽມຢາມລາວ ເກືອບ 5 ລ້ານຄົນ ໃນນັ້ນ ມີນັກທ່ອງທ່ຽວຈີນ ເຖິງ 1  ລ້ານຄົນ, ສ້າງໄດ້ຮັບລວມເກືອບ 700 ລ້ານໂດລາ. ສະເພາະປີ 2024 ນີ້ ສປປ ລາວ ໄດ້ເປີດປີທ່ອງທ່ຽວຄາດວ່າຈະມີນັກທ່ອງທ່ຽວເຂົ້າມາຢ້ຽມຢາມ ລາວຢ່າງໜ້ອຍ 3 ລ້ານຄົນ ແລະ ສ້າງລາຍຮັບເຂົ້າປະເທດປະມານ 3-4 ລ້ານໂດລາ.

ໂດຍ: ເກີດຂວັນໃຈ ມາລີຈັນສີ

KPL

ຂ່າວອື່ນໆ

    • ລາວ-ໄທ ຕັ້ງເປົ້າດຶງດູດນັກທ່ອງທ່ຽວເພີ່ມຂຶ້ນຜ່ານຂະບວນລົດໄຟຂ້າມຊາຍແດນອາຊຽນ ASEAN

      ລາວ-ໄທ ຕັ້ງເປົ້າດຶງດູດນັກທ່ອງທ່ຽວເພີ່ມຂຶ້ນຜ່ານຂະບວນລົດໄຟຂ້າມຊາຍແດນ

      7/19/2024 11:20:47 AM

      ລາວ-ໄທ ຕັ້ງເປົ້າໝາຍໄວວ່າການເປີດໃຫ້ບໍລິການແລ່ນລົດ ໄຟຂ້າມແດນລະຫວ່າງສອງເທດບໍ່ພຽງຊຸກຍູ້ການຄ້າ, ການລົງທຶນ, ບໍລິການຂົນສົ່ງເຕີບໃຫຍ່ຂະຫຍາຍ ຕົວແບບກ້າວກະໂດດເທົ່ານັ້ນຫາກ ຍັງຈະເຮັດໃຫ້ພາກອຸດສາຫະກໍາ ທ່ອງທ່ຽວລະຫວ່າງລາວ-ໄທ, ອາຊຽນ, ພາກພື້ນ ແລະ ສາກົນມີຄວາມຄຶກຄັກເປັນພິເສດ.

    • ນັບຖອຍຫລັງຕ້ອນຮັບການເປັນປະທານອາຊຽນອາຊຽນ ASEAN

      ນັບຖອຍຫລັງຕ້ອນຮັບການເປັນປະທານອາຊຽນ

      7/17/2024 9:49:28 AM

      3,ການຫັນປ່ຽນເພື່ອກ້າວໄປສູ່ດີຈິຕອນໃນອະນາຄົດ: ບູລິມະສິດນີ້ ແມ່ນເພື່ອສົ່ງເສີມໃຫ້ອາຊຽນ ເປັນເຂດເສດຖະກິດດີຈິຕອນທີ່ນຳໜ້າ, ດ້ວຍການສ້າງໃຫ້ອາຊຽນມີການເຊື່ອມຈອດກັນພາຍໃນ ແລະ ເຊື່ອມຈອດກັບທົ່ວໂລກ ໂດຍການນໍາໃຊ້ເຄື່ອງ ມືທີ່ທັນສະໄໝ ຊຶ່ງເຄື່ອງມືທັນສະໄໝດັ່ງກາວຈະສ້າງກາລະໂອກາດອັນໃໝ່ ແລະ ສ້າງຄວາມເຂັ້ມແຂງ ເພື່ອຮັບມືກັບສິ່ງທ້າທາຍຕ່າງໆຈາກເສດຖະກິດໂລກທີ່ທັນສະໄໝ.

    • ການເພີ່ມທະວີຄວາມເຂັ້ມແຂງ ເຮັດໃຫ້ອາຊຽນ ຮັບມືກັບສິ່ງທ້າທາຍ ຢ່າງມີປະສິດທິພາບ ແລະ ຍືນຍົງອາຊຽນ ASEAN

      ການເພີ່ມທະວີຄວາມເຂັ້ມແຂງ ເຮັດໃຫ້ອາຊຽນ ຮັບມືກັບສິ່ງທ້າທາຍ ຢ່າງມີປະສິດທິພາບ ແລະ ຍືນຍົງ

      7/15/2024 4:16:46 PM

      ຂປລ. ການເປັນປະທານອາຊຽນຂອງ ສປປ ລາວ ແມ່ນດໍາເນີນໃນປີທີ່ ສະພາບພູມສາດການ ເມືອງ ແລະ ພູມສາດເສດຖະກິດ ມີການປ່ຽນແປງຢ່າງສະຫລັບສັບຊ້ອນ ແລະ ມີສິ່ງທ້າທາຍຫລາຍດ້ານ. ການເພີ່ມທະວີຄວາມເຂັ້ມແຂງ ຈຶ່ງມີຄວາມສຳຄັນເປັນຢ່າງຍິ່ງ ເພື່ອເຮັດໃຫ້ອາຊຽນ ສາມາດຜ່ານຜ່າ ແລະ ຮັບມືກັບສິ່ງທ້າທາຍ ຢ່າງມີປະສິດທິພາບ ແລະ ຍືນຍົງ ເພື່ອພາລະກິດຍລວມແຫ່ງ ສັນຕິ ພາບ, ສະຖຽນລະພາບ ແລະ ການຮ່ວມມືເພື່ອພັດທະນາ ເຊິ່ງບັນດາກິດຈະກໍາ ແລະ ຂົງເຂດບູລິມະສິດຕ່າງ ແມ່ນແນໃສ່ສະໜັບສະໜູນການ “ເພີມທະວີຄວາມເຂັ້ມແຂງ”.

    • ລາວ-ຢີ່ປຸ່ນ ກຽມສະຫລອງສາຍພົວພັນການທູດ 70 ປີອາຊຽນ ASEAN

      ລາວ-ຢີ່ປຸ່ນ ກຽມສະຫລອງສາຍພົວພັນການທູດ 70 ປີ

      7/15/2024 10:51:49 AM

      ສປປ ລາວ ແມ່ນໜຶ່ງໃນບັນດາ 10 ປະເທດສະມາຊິກອາຊຽນ ທີ່ໄດ້ຮັບການຊ່ວຍເຫລືອລ້າຈາກປະເທດຍ່ີປຸ່ນຫລາຍທ່ີສຸດໂດຍສະເພາະດ້ານການສຶກສາ, ສາທາລະນະສຸກ, ກະສິກໍາ, ການພັດທະນາພື້ນຖານໂຄງລ່າງ ແລະ ອື່ນໆ;

    • ປະເທດກູເວດອາຊຽນ ASEAN

      ປະເທດກູເວດ

      7/14/2024 8:53:27 AM

      ປະເທດສາທາ ລະນະລັດ ກູເວດ (Republic of Kuwait) ຫລື ເອີ້ນວ່າ ກູເວດ(Kuwait), ມີນະ ຄອນຫລວງຊື່ວ່າ: ກູເວດ(Kuwait) ແລະ ປະເທດສປປລາວ ໄດ້ສ້າງຕັ້ງສາຍພົວພັນ ທາງການທູດຮ່ວມກັນ ໃນວັນທີ 14.7.2008. ເຖິງແມ່ນວ່າ ບໍ່ຍາວນານ ແຕ່ການຮ່ວມມື ຂອງສອງປະເທດ ໄດ້ຮັບພັດທະນາຂື້ນ ຢ່າງບໍ່ຢຸດຢັ້ງ. ກູເວດ ເປັນປະເທດຕັ້ງຢູ່ ໃນທະວີບອາຊີຕາເວັນຕົກ ສ່ຽງໃຕ້ ທີ່ ເອີ້ນກັນວ່າ “ຕາເວັນອອກກາງ” ຕັ້ງຢູ່ແຄມຝັ່ງ ອ່າວເປີເຊຍ ມີຊາຍແດນ ທາງໃຕ້ຕິດກັບ ອາຣັບບີ ຊາອຸດິດ ແລະ ທາງເໜືອຕິດກັບປະເທດ ອີຣັກ.

ads
ads

Top