ສປປ ລາວ ເປັນເຈົ້າພາບຈັດ ກອງປະຊຸມ ນະໂຍບາຍຄວາມໝັ້ນຄົງເວທີພາກພື້ນອາຊຽນ ຄັ້ງທີ 21

02/07/2024 17:06

Email Print 1380

ຂປລ ຂປລ. ກະຊວງປ້ອງກັນປະເທດ ແຫ່ງ ສປປ ລາວ ໄດ້ຮັບກຽດເປັນເຈົ້າພາບຈັດກອງປະຊຸມ ນະໂຍບາຍຄວາມໝັ້ນຄົງເວທີພາກພື້ນອາຊຽນ ຄັ້ງທີ 21 ຫລື ASPC ໃນລະຫວ່າງວັນທີ 1-3 ກໍລະກົດ 2024 ຢູ່ແຂວງຫລວງພະບາງ ໂດຍການເປັນປະທານຂອງ ທ່ານ ພົນຕີ ສາຍໃຈ ກົມມະສິດ ຮອງລັດຖະມົນຕີ ກະຊວງປ້ອງກັນປະເທດ, ຫົວໜ້າເຈົ້າໜ້າທີ່ອາວຸໂສ ປ້ອງກັນປະເທດອາຊຽນຂອງ ສປປ ລາວ, ມີຜູ້ແທນຈາກ 19 ປະເທດ, ສະຫະພາບເອີຣົບ ແລະ ກອງເລຂາອາຊຽນ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ຂປລ. ກະຊວງປ້ອງກັນປະເທດ ແຫ່ງ ສປປ ລາວ ໄດ້ຮັບກຽດເປັນເຈົ້າພາບຈັດກອງປະຊຸມ ນະໂຍບາຍຄວາມໝັ້ນຄົງເວທີພາກພື້ນອາຊຽນ ຄັ້ງທີ 21 ຫລື ASPC ໃນລະຫວ່າງວັນທີ 1-3 ກໍລະກົດ 2024 ຢູ່ແຂວງຫລວງພະບາງ ໂດຍການເປັນປະທານຂອງ ທ່ານ ພົນຕີ ສາຍໃຈ ກົມມະສິດ ຮອງລັດຖະມົນຕີ ກະຊວງປ້ອງກັນປະເທດ, ຫົວໜ້າເຈົ້າໜ້າທີ່ອາວຸໂສ ປ້ອງກັນປະເທດອາຊຽນຂອງ ສປປ ລາວ, ມີຜູ້ແທນຈາກ 19 ປະເທດ, ສະຫະພາບເອີຣົບ ແລະ ກອງເລຂາອາຊຽນ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ກອງປະຊຸມຄັ້ງນີ້, ບັນດາຄະນະຜູ້ແທນ ໄດ້ແລກປ່ຽນທັດສະນະກ່ຽວກັບ ບັນດາສີ່ງທ້າທາຍຕໍ່ຄວາມໝັ້ນຄົງ ໃນພາກພື້ນ ແລະ ຂົງເຂດອາຊີ-ປາຊີຟິກ ໃນປັດຈຸບັນ ແລະ ອະນາຄົດ ແລະ ປຶກສາຫາລືມາດຕະການທີ່ ເໝາະສົມ ເພື່ອແກ້ໄຂບັນຫາສີ່ງທ້າທາຍຕ່າງໆ; ການສົ່ງເສີມມາດຕະການ ສ້າງຄວາມໄວ້ເນື້ອເຊື່ອໃຈ ເພື່ອເສີມສ້າງໂຄງສ້າງ ຄວາມໝັ້ນຄົງຂອງພາກພື້ນ ແລະ ບົດບາດຂອງກອງທັບ ໃນການຮັບມືກັບຜົນກະທົບ ຈາກການປ່ຽນແປງສະພາບ ຂອງດິນຟ້າອາກາດ ໃນສະຕະວັດທີ 21.

ກອງປະຊຸມຄັ້ງນີ້, ໄດ້ດໍາເນີນໄປດ້ວຍຜົນສໍາເລັດຕາມຈຸດປະສົງ, ຄາດໝາຍທີ່ວາງໄວ້ ແລະ ປະທານກອງປະຊຸມຄັ້ງຕໍ່ໄປແມ່ນ ປະເທດມາເລເຊຍ ເຊິ່ງຈະສືບຕໍ່ເປັນເຈົ້າພາບ ຈັດກອງປະຊຸມນະໂຍບາຍ ຄວາມໝັ້ນຄົງເວທີພາກພື້ນອາຊຽນ ຄັ້ງທີ 22 ໃນປີ 2025.

ຂ່າວ: ໄພນາລິນ ອິນທະແສງ

KPL

ອາຊຽນ ASEAN
ປະເທດ ສປຈີນ
4/25/2025 11:59:37 AM
ປະເທດຈີນ(China) ມີຊື່ຢ່າງເປັນທາງການວ່າ: ສາທາລະນະລັດ ປະຊາຊົນຈີນ(People’s Republic of China), ມີນະຄອນ ຫລວງ ຊື່ວ່າ: ປັກກິ່ງ, ຈີນ ເປັນລັດເອກະລາດ ໃນອາຊີຕາເວັນອອກ, ຕັ້ງຢູ່ລະຫວ່າງ ສປປ ເກົາຫລີ ກັບ ຫວຽດນາມ ຕິດກັບທະເລຈີນໃຕ້, ອ່າວເກົາຫລີ, ທະເລເຫລືອງ ແລະ ທະເລຈີນຕາເວັນອອກ; ເປັນປະເທດທີ່ມີ ປະຊາກອນ ຫລາຍທີ່ ສຸດໃນໂລກ 1,411 ຕື້ກວ່າຄົນ(ໃນປີ 2023)
ອາຊຽນ ASEAN
ນະໂຍບາຍພາສີຂອງສ.ອາເມລິກາ ສ້າງຜົນກະທົບຕໍ່ການຄ້າໃນພາກພື້ນ-ສາກົນ
4/10/2025 4:34:33 PM
ອາຊຽນ ໄດ້ຈັດກອງປະຊຸມ ລັດຖະມົນຕີ ເສດຖະກິດ ອາຊຽນ ຜ່ານທາງວິດີໂອ, ເພື່ອປຶກສາ ຫາລືວ່າ ຈະເຮັດແນວໃດ ເພື່ອຮັບມືກັບ ນະໂຍບາຍ ພາສີ ຫລ້າສຸດ ຂອງ ສ.ອາເມລິກາ ແລະ ໄດ້ອອກຖະແຫລງການຮ່ວມ ຫລັງກອງປະຊຸມ.
ອາຊຽນ ASEAN
ສປປ ລາວ ຮ່ວມສະເຫລີມສະຫລອງ ວັນສັງຄົມສົງເຄາະອາຊຽນ
3/27/2025 5:01:34 PM
ຂປລ. ສປປ ລາວ ໄດ້ຮ່ວມກັບບັນດາປະເທດສະມາຊິກອາຊຽນ ສະເຫລີມສະຫລອງວັນສັງຄົມສົງເຄາະອາຊຽນ (15 ມີນາ) ເພື່ອຍົກສູງບົດບາດອັນສໍາຄັນ ຂອງນັກສັງຄົມສົງເຄາະ ແລະ ບຸກຄະລາກອນສັງຄົມສົງເຄາະ ໃນການຫລຸດຜ່ອນຄວາມສ່ຽງ ຈາກໄພພິບັດ ແລະ ການສ້າງຄວາມທົນທານຕໍ່ ການປ່ຽນແປງສະພາບ ດິນຟ້າອາກາດ ໃນວັນທີ 25 ມີນາ 2025 ທີ່ນະຄອນຫລວງວຽງຈັນ ໂດຍມີພະນັກງານຈາກພາກລັດ, ສະຖາບັນການສຶກສາ, ຄູ່ຮ່ວມພັດທະນາ ແລະ ນັກສຶກສາທີ່ໜຸ່ມນ້ອຍ ຈາກພາກວິຊາສັງຄົມສົງເຄາະ ແລະ ການພັດທະນາ ຄະນະວິທະຍາສາດສັງຄົມ ເຂົ້າຮ່ວມ.
ອາຊຽນ ASEAN
ປະເທດ ບັງກລາເທດ
3/24/2025 6:23:08 PM
ເນື່ອງໃນໂອກາດ ວັນຊາດຂອງປະເທດ ບັງກລາເທດ(Bangladesh) ຫລື ຊື່ທາງການຄື ສາທາລະນະລັດປະຊາຊົນ ບັງກລາເທດ (People’s Republic Of Bangladesh) ໃນວັນທີ 24 ມີນາ, ຊຶ່ງເປັນ ປະເທດ ໃນອາຊີໃຕ້, ມີຊາຍແດນທິດເໜືອ, ທິດຕາເວັນຕົກ ແລະ ທິດຕາເວັນອອກ ຕິດກັບ ອິນເດຍ ສ່ວນທິດໃຕ້ຕິດກັບ ອ່າວເບງກອນ ແລະ ຕາເວັນອອກສ່ຽງໃຕ້ ຕິດກັບ ມຽນມາ.
ອາຊຽນ ASEAN
ປະເທດ ແອັດສະປາຍ
3/20/2025 12:40:06 PM
ປະເທດ ແອັດສະປາຍ(Spain) ຫລື ຊື່ທາງການຄື ລາຊະອານາຈັກ ແອັດສະປາຍ(Kingdom of Spain), ນະຄອນຫລວງ ຊື່ວ່າ ມາດຣິດ (Madrid). ແອັດສະປາຍ ເປັນປະເທດໜຶ່ງ ຕັ້ງຢູ່ທິດຕາເວັນຕົກສ່ຽງໃຕ້ ຂອງທະວີບ ເອີຣົບ, ຢູ່ເທິງແຫລມມະຫາສະໝຸດ ໄອບີເຣຍ ຮ່ວມກັບ ປອກຕຸຍການ ແລະ ອັງໂດຣາ, ມີຊາຍແດນ ຕິດກັບ ຝຣັ່ງ ທາງທິດຕາເວັນອອກ ສ່ຽງເໜືອລຽບຕາມພູ ພິເຣນີສ.