ຂປລ
ກະຊວງການຄ້າ ກຳປູເຈຍ ລາຍງານວ່າ: ມູນຄ່າການຄ້າ ກຳປູເຈຍ ກັບ ປະເທດ ສະມາຊິກ ອາຊຽນ (ASEAN) ບັນລຸ ມູນຄ່າ ເຖິງ 5,63 ຕື້ໂດລາ ສະຫະລັດ ໃນໄລຍະ 4 ເດືອນທຳອິດ (ເດືອນມັງກອນ-ເດືອນເມສາ) ຂອງ ປີນີ້
ຂປລ. ສຳນັກຂ່າວ ຊິນຮວາ ຂອງ ສປຈີນ,ເມື່ອບໍ່ດົນມານີ້, ກະຊວງການຄ້າ ກຳປູເຈຍ ລາຍງານວ່າ: ມູນຄ່າການຄ້າ ກຳປູເຈຍ ກັບ ປະເທດ ສະມາຊິກ ອາຊຽນ (ASEAN) ບັນລຸ ມູນຄ່າ ເຖິງ 5,63 ຕື້ໂດລາ ສະຫະລັດ ໃນໄລຍະ 4 ເດືອນທຳອິດ (ເດືອນມັງກອນ-ເດືອນເມສາ) ຂອງ ປີນີ້, ເພີ່ມຂຶ້ນ 14,2% ຈາກ 4,93 ຕື້ໂດລາ ສະຫະລັດ ໃນໄລຍະເວລາ ດຽວກັນ ຂອງ ປີ 2023.
ໃນຂະນະດຽວກັນ, ກຳປູເຈຍ ສົ່ງອອກ ຜະລິດຕະພັນ ດ້ວຍມູນຄ່າ 2,18 ຕື້ໂດລາ ສະຫະລັດ ໄປຍັງປະເທດ ສະມາຊິກ ອາຊຽນ ,ເພີ່ມຂຶ້ນ 17,2% ຈາກ 1,86 ຕື້ໂດລາ ສະຫະລັດ ເມື່ອທຽບໃສ່ ໃນໄລຍະດຽວກັນ ຂອງ ປີ 2023. ສ່ວນການ ນໍາເຂົ້າ ລວມມີ 3,45 ຕື້ໂດລາ ສະຫະລັດ, ເພີ່ມຂຶ້ນ 12,3% ໂດຍປະລິມານ ການຄ້າ ຂອງ ກຳປູເຈຍ ກັບ ປະເທດ ສະມາຊິກ ອາຊຽນ ກວມເອົາ 33,3% ຂອງ ປະລິມານ ການຄ້າລວມ 1,69 ໝື່ນລ້ານໂດລາ ສະຫະລັດ ຂອງ ປະເທດ. ນອກນັ້ນ ຄູ່ການຄ້າ ຂະໜາດໃຫຍ່ສຸດ ຂອງ ກຳປູເຈຍໃນອາຊຽນ ໄດ້ແກ່: ຫວຽດນາມ, ໄທ ແລະ ສິງກະໂປ./.
KPL
