ງານພົບປະນັກທຸລະກິດ ເກົາຫລີ-ລາວ 2024 ຮັດແໜ້ນສາຍພົວພັນ ທຸລະກິດສອງຝ່າຍໃຫ້ເຂັ້ມແຂງ

16/05/2024 16:28
Email Print 473
ຂປລ ຂປລ. ງານພົບປະ​ສ້າງສາຍ​ພົວພັນ​ຮ່ວມ​ມື​ຍຸດ​ທະ​ສາດ​ ສ ​ເກົາຫລີ-ລາວ 2024 ​ຈັດຂຶ້ນໃນວັນທີ 14 ພຶດສະພາ 2024 ຢູ່ສະຖານທູດ ສ ເກົາຫລີ ປະຈຳລາວ ຈັດໂດຍອົງການ KOTRA ວຽງຈັນ ດ້ວຍການຮ່ວມມືລະຫວ່າງ ສະພາການຄ້າ ແລະ ອຸດສາຫະກຳ ແຫ່ງຊາດລາວ ເຊິ່ງງານດັ່ງກ່າວ, ເປັນບາດກ້າວສຳຄັນ ໃນການຮັດແໜ້ນ ສາຍພົວພັນທາງທຸລະກິດ ລະຫວ່າງ ສ ເກົາຫລີ ແລະ ສປປ ລາວ

ຂປລ. ງານພົບປະສ້າງສາຍພົວພັນຮ່ວມມືຍຸດທະສາດເກົາຫລີ-ລາວ 2024 ຈັດຂຶ້ນໃນວັນທີ 14 ພຶດສະພາ 2024 ຢູ່ສະຖານທູດ ສ ເກົາຫລີ ປະຈຳລາວ ຈັດໂດຍອົງການ KOTRA ວຽງຈັນ ດ້ວຍການຮ່ວມມືລະຫວ່າງ ສະພາການຄ້າ ແລະ ອຸດສາຫະກຳ ແຫ່ງຊາດລາວ ເຊິ່ງງານດັ່ງກ່າວ, ເປັນບາດກ້າວສຳຄັນ ໃນການຮັດແໜ້ນ ສາຍພົວພັນທາງທຸລະກິດ ລະຫວ່າງ ສ ເກົາຫລີ ແລະ ສປປ ລາວ ພາຍໃຕ້ການເປັນປະທານຂອງ ທ່ານ ຈອງ ຢອງຊູ ເອກອັກຄະລັດຖະທູດ ແຫ່ງ ສ ເກົາຫລີ ປະຈຳ ສປປ ລາວ ແລະ ທ່ານ ອຸເດດ ສຸວັນນະວົງ ປະທານ ສະພາການຄ້າ ແລະ ອຸດສາຫະກຳ ແຫ່ງຊາດລາວ, ມີບັນດານັກທຸລະກິດເກົາຫລີ ແລະ ບໍລິສັດຊັ້ນນໍາຂອງລາວ ຫລາຍກວ່າ 40 ບໍລິສັດ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ງານດັ່ງກ່າວ, ໄດ້ຮັບການສະໜັບສະໜຸນ ຈາກບໍລິສັດເກົາຫລີ ທີ່ດໍາເນີນທຸລະກິດ ຈາກຫລາຍຂະແໜງ   ການ ໃນປະເທດລາວ, ປະກອບສ່ວນມີ ບໍລິສັດ KOWEPO-LAO International, (KLIC), Saman, KECC, BNK, KB Kolao Leasing, DGB, Solutek, Goodbyecar, CJ Logistics, ບໍລິສັດ Lako, Jelacon, Index Living Mall Laos, BTC, ບໍລິສັດ HJ Lao, Jeongwon, ສູນ HRD Korea EPS  ປະເທດລາວ ແລະ Greengoods ໂດຍຜູ້ເຂົ້າຮ່ວມໄດ້ສົນທະນາເປີດກວ້າງ, ​ແລກປ່ຽນປະສົບການຂອງພວກເຂົາ ແລະຄົ້ນຄວ້າໂອກາດການຮ່ວມມືໃນອະນາຄົດ ເຊິ່ງການແລກປ່ຽນຄວາມຄິດເຫັນແລະ ຍຸດທະສາດຄັ້ງນີ້,ແນໃສ່ການ ສາຍພົວພັນທາງທຸລະກິດແລະ ຈຸດພົ້ນເດັ່ນແມ່ນການສ້າງການພົວພັນຄູ່ຮ່ວມມືໃໝ່ໃນ ສປປ ລາວ.​

ໃນພິທີ ທ່ານ ນາງ ໄກ່ຄຳ ຂຸນວິສິດ ຊ່ຽວຊານອາວຸໂສ ດ້ານການພັດທະນາເສດຖະກິດ ແລະ ໂຄງການ ຈາກອົງການ KOTRA ວຽງຈັນ ໄດ້ໃຫ້ຮູ້ວ່າ: ການລົງທຶນຂອງ ສ ເກົາຫຼີ ຢູ່ ສປປ ລາວ ໄດ້ບັນລຸເຖິງ 900 ລ້ານໂດລາສະຫະລັດ ໃນຈໍານວນ 288 ໂຄງການ ແລະ ມີບໍລິສັດຈົດທະບຽນວິສາຫະກິດ 643 ບໍລິສັດ. ພ້ອມນີ້, ຍັງໄດ້ຍົກ ໃຫ້ເຫັນ 6 ຂະແໜງການທີ່ນັກລົງທຶນ ສ ເກົາຫລີ ມີຄວາມສົນໃຈຄື: ໂຄງການທີ່ນໍາໃຊ້ເຕັກໂນໂລຊີ ທີ່ສາມາດຊື້ຂາຍຄາບອນ(ITMO Transfer); ຊັບພະຍາກອນມະນຸດ ໃນຂະແໜງໄອທີ ໂດຍສຸມໃສ່ການຝຶກອົບຮົມ ນັກສຶກສາໄອ ທີລາວ ແລະ ສ້າງໂອກາດການຈ້າງງານ ທາງດ້ານດີຈິຕອນ ແລະ ການພັດທະນາຊອບແວ; ສິນຄ້າບໍລິໂພກ ໂດຍສະເພາະຜະລິດຕະພັນຄວາມງາມ ແລະ ສິນຄ້າອຸປະໂພກ-ບໍລິໂພກຂອງເກົາຫລີ; ອຸດສາຫະກໍາທີ່ອີງໃສ່ເຕັກໂນໂລຊີ; ອຸປະກອນການແພດ ແລະ ຂະແໜງບໍ່ແຮ່, ເນັ້ນໃສ່ການຮັກສາລະບົບຕ່ອງໂສ້ ການສະໜອງໃຫ້ແກ່ ອຸດສາຫະກຳຂອງ ສ ເກົາຫລີ ໂດຍຜ່ານການລົງທຶນໃນແຮ່ທາດໃນລາວ.

ທ່ານ ນາງ ໄກ່ຄຳ ຂຸນວິສິດ ຍັງໄດ້ຍົກໃຫ້ເຫັນບົດບາດສຳຄັນຂອງ KOTRA ນັບແຕ່ປີ 2022 ​ໃນຖານະອົງການສະເພາະທີ່ກະຊວງການຄ້າ, ອຸດສາຫະກຳ, ພະລັງງານຂອງ ສ ເກົາຫລີໄດ້ຮັບການແຕ່ງຕັ້ງ ເພື່ອດຳເນີນໂຄງການລົງທຶນຢູ່ຕ່າງ ປະເທດໃນບັນດາກິດຈະກຳຫລຸດຜ່ອນອາຍແກັສເຮືອນແກ້ວ. ອົງການ KOTRA ໄດ້ຈັດສັນງົບປະມານ 5 ລ້ານໂດລາສະຫະລັດ ໃນປີ 2023 ເພື່ອສະໜັບສະໜູນບັນດາບໍລິສັດ ຂອງ ສ ເກົາຫລີ ແລະ ໃນປີ    2024 ຈໍານວນ 25 ລ້ານ ໂດລາສະຫະລັດ ເພື່ອຊຸກຍູ້ການລົງທຶນໂຄງການ GHG ໃນການລິເລີ່ມຫລຸດຜ່ອນການປ່ອຍອາຍແກັສເຮືອນແກ້ວ.

ໂອກາດນີ້, ທ່ານ ຈອງ ຢອງຊູ ໄດ້ຄຳເຫັນໃນພິທີໂດຍເນັ້ນໜັກເຖິງຄວາມສຳຄັນ ຂອງການຄ້າແລະ ການລົງທຶນຂອງສອງປະເທດວ່າ: “ງານຄັ້ງນີ້ ແມ່ນເວທີປາໄສ ເພື່ອ​​ຮັດແໜ້ນສາຍພົວພັນ ດ້ານເສດຖະກິດຂອງພວກເຮົາ ໃຫ້ເລິກເຊິ່ງ, ​ເພີ່ມທະວີຄວາມເຂົ້າໃຈເຊິ່ງກັນແລະ ກັນລະຫວ່າງນັກທຸລະກິດ ສ ເກົາຫລີແລະ ສປປລາວ ທີ່ຈະ ນໍາໄປສູ່ການຮ່ວມມືທີ່ຈະເລີນຮຸ່ງເຮືອງ.” ພ້ອມນີ້, ທ່ານ ອຸເດດ ສຸວັນນະວົງກໍໄດ້ກ່າວ​​ວ່າ:ການພົວພັນຄູ່ຮ່ວມມື ຍຸດທະສາດສ ເກົາຫລີ-ລາວ 2024 ​ແມ່ນການຢືນຢັນເຖິງການເພີ່ມທະວີ ການພົວພັນລະຫວ່າງສອງປະເທດ ໂດຍ ການຮ່ວມມືກັນ ພວກເຮົາສາມາດເປີດໂອກາດໃໝ່ແລະ ຊຸກຍູ້ການເຕີບໂຕດ້ານເສດຖະກິດ ຂອງທັງສອງປະເທດ”.

ໃນຕອນທ້າຍ, ທ່ານນາງ ວາລີ ເວດສະພົງ ຮອງປະທານ ສະພາການຄ້າ ແລະ ອຸດສາຫະກໍາ ແຫ່ງຊາດລາວ ໄດ້ສະແດງຄວາມຄິດເຫັນກ່ຽວກັບ ອະນາຄົດຂອງການພົວພັນທາງທຸລະກິດ ເກົາຫລີ-ລາວ ວ່າ: ງານຄັ້ງນີ້, ໄດ້ເປີດໂອກາດອັນລ້ຳຄ່າໃຫ້ແກ່ ຊຸມຊົນນັກທຸລະກິດ ໃນການເຊື່ອມໂຍງ ແລະ ຮ່ວມມືກັນ, ພວກເຮົາຫວັງວ່າຈະໄດ້ເຫັນຜົນໃນທາງບວກ ຂອງການພົວພັນເຫລົ່ານີ້.

ພ້ອມກັນນີ້, ທ່ານ ປັກ ຈຸນກິວ ຜູ້ອໍານວຍການໃຫຍ່ KOTRA ວຽງຈັນ ຍັງໄດ້ເນັ້ນໜັກເຖິງຄວາມສໍາຄັນ ຂອງການສະໜັບສະໜູນ ແລະ ການມີສ່ວນຮ່ວມຢ່າງຕໍ່ເນື່ອງ ວ່າ: KOTRA Vientiane ອຸທິດຕົນເພື່ອອໍານວຍຄວາມສະດວກ ແລະ ຮັກສາສາຍພົວພັນທາງທຸລະກິດ ລະຫວ່າງ ປະເທດຂອງພວກເຮົາ, ພວກເຮົາມຸ່ງໝັ້ນທີ່ຈະສະໜອງຊັບພະຍາກອນທີ່ຈໍາເປັນ ແລະ ສະໜັບສະໜູນ ຮັບຮອງການຮ່ວມມືທີ່ປະສົບ ຜົນສໍາເລັດ.

KPL

ຂ່າວອື່ນໆ

    • ສະຫລອງຄົບຮອບ 30 ປີ ວັນສ້າງຕັ້ງ ກຸ່ມບໍລິສັດດີເອັມ ຈຳກັດ ຜູ້ດຽວວັດທະນະທຳ-ສັງຄົມ

      ສະຫລອງຄົບຮອບ 30 ປີ ວັນສ້າງຕັ້ງ ກຸ່ມບໍລິສັດດີເອັມ ຈຳກັດ ຜູ້ດຽວ

      6/12/2024 2:08:56 PM

      ຂປລ. ທ້າຍອາທິດຜ່ານມາ, ບໍລິສັດ ດີເອັມ ຈຳກັດ ຜູ້ດຽວ ຈັດງານລ້ຽງສະເຫລີມສະຫລອງ ຄົບຮອບ 30 ປີ ວັນສ້າງຕັ້ງ ກຸ່ມບໍລິສັດ ດີເອັມ ຈຳກັດ ຜູ້ດຽວ ໂດຍການໃຫ້ກຽດເຂົ້າຮ່ວມ ຂອງ ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ, ທ່ານ ວັນໄຊ ຟອງສະຫວັນ ເຈົ້າແຂວງ ແຂວງຄຳມ່ວນ, ມີຄະນະຜູ້ບໍລິຫານ, ພະນັກງານ ແລະ ລູກຄ້າ ຂອງບໍລິສັດ ດີເອັມ ຈຳກັດ ຜູ້ດຽວ ເຂົ້າຮ່ວມ.

    • ໂຮງຮຽນເຫລົ່າຮົບສື່ສານ 205  ຈັດກິດຈະກຳປູກຕົ້ນໄມ້ ແລະ ປ່ອຍປາວັດທະນະທຳ-ສັງຄົມ

      ໂຮງຮຽນເຫລົ່າຮົບສື່ສານ 205 ຈັດກິດຈະກຳປູກຕົ້ນໄມ້ ແລະ ປ່ອຍປາ

      6/12/2024 2:02:47 PM

      ຂປລ. ໂຮງຮຽນເຫລົ່າຮົບສື່ສານ 205 ຮ່ວມກັບ ສູນກາງແນວລາວສ້າງຊາດ ຈັດກິດຈະກຳປູກຕົ້ນໄມ້ ແລະ ປ່ອຍປາ ເນື່ອງໃນໂອກາດວັນປູກຕົ້ນໄມ້ແຫ່ງຊາດ ຄົບຮອບ 44 ປີ (1 ມິຖຸນາ 1980-1 ມິຖຸນາ 2024) ໂດຍການເຂົ້າຮ່ວມຂອງ ທ່ານ ອ໋ອດ ພົງສະຫວັນ ຮອງປະທານສູນກາງແນວລາວສ້າງຊາດ ພ້ອມຄະນະ

    • ສຽງຈາກໄວໜຸ່ມເພື່ອຢຸດຕິຄວາມບໍ່ສະເໝີພາບທາງເພດວັດທະນະທຳ-ສັງຄົມ

      ສຽງຈາກໄວໜຸ່ມເພື່ອຢຸດຕິຄວາມບໍ່ສະເໝີພາບທາງເພດ

      6/11/2024 1:20:19 PM

      ຂປລ. ​ເມື່ອ​ບໍ່​ດົນ​ມາ​ນີ້, ອົງແພລນສາກົນ ປະຈຳ ສປປ ລາວ ແລະ ບໍລິສັດລາວນິວເວບຊິເນມາ ຮ່ວມມືກັນ​ເພື່ອຢຸດຕິພຶດຕິກຳ ທີ່ສົ່ງຜົນຮ້າຍຕໍ່ສັງຄົມ ແລະ ຄວາມບໍ່ສະເໝີພາບທາງເພດ ໃນ ສປປ ລາວ ​ໂດຍ​ເລິ່ມມາແຕ່ປີ 2021. ຜ່ານການແຂ່ງຂັນວິດີໂອສົ່ງເສີມສັງຄົມ ຫລື PSA ໄດ້ເສີມສ້າງຄວາມເຂັ້ມແຂງ ແລະ ທັກສະການຜະລິດວີດີໂອໃຫ້ແກ່ໄວໜຸ່ມ ແລະ ນັກສ້າງຮູບເງົາທີ່ໜຸ່ມນ້ອຍ ເພື່ອຂັບເຄື່ອນປ່ຽນແປງທາງສັງຄົມ ແລະ ສ້າງຄວາມຮັບຮູ້ກ່ຽວກັບບັນຫາຄວາມບໍ່ສະເໝີພາບທາງເພດ.

    • ສະພາປະຊາຊົນຂັ້ນແຂວງໄດ້ຮັບ ອຸປະກອນໄອທີ ແລະ ຮັບໃຊ້ວຽກງານວັດທະນະທຳ-ສັງຄົມ

      ສະພາປະຊາຊົນຂັ້ນແຂວງໄດ້ຮັບ ອຸປະກອນໄອທີ ແລະ ຮັບໃຊ້ວຽກງານ

      6/10/2024 3:22:32 PM

      ຂປລ. ພິທີມອບ-ຮັບອຸປະກອນໄອຊີທີ ແລະ ພາຫະນະ ໃຫ້ແກ່ສະພາປະຊາຊົນຂັ້ນແຂວງ (ສພຂ) ທົ່ວປະເທດ ລວມມູນຄ່າ 702.696 ໂດລາສະຫະລັດ ຈັດຂຶ້ນໃນວັນທີ 7 ມິຖຸນາ ຜ່ານມາ ຢູ່ສະພາແຫ່ງຊາດ ໂດຍການສະໜັບສະໜູນຈາກ ອົງການພັດທະນາສາກົນ ຂອງສະຫະລັດອາເມລິກາ (USAID) ແລະ ອົງການສະຫະປະຊາຊາດ ເພື່ອການພັດທະນາ (UNDP) ປະຈຳ ສປປ ລາວ

    • ລາຍນາກ ໃນຜືນຜ້າລາວ ເປັນສັນຍາລັກຄວາມອົດທົນຂອງແມ່ຍິງລາວວັດທະນະທຳ-ສັງຄົມ

      ລາຍນາກ ໃນຜືນຜ້າລາວ ເປັນສັນຍາລັກຄວາມອົດທົນຂອງແມ່ຍິງລາວ

      6/10/2024 1:36:51 PM

      ດັ່ງທີ່ເຮົາຮູ້ນໍາກັນແລ້ວວ່າຫັດຖະກໍາຕໍ່າແຜ່ນ ແມ່ນສິລະປະວັດທະນາທໍາທີ່ສວຍງາມ ທີ່ຄຽງຄູ່ກັບແມ່ຍິງລາວມາແຕ່ດົນນານ ເຊິ່ງມັນສະແດງເຖິງຄວາມອົດທົນພະຍາຍາມ ເພາະກ່ອນຈະອອກມາເປັນແພຜືນໜຶ່ງບໍ່ແມ່ນເລື່ອງງ່າຍ ຕ້ອງໄດ້ຜ່ານຫລາຍຂັ້ນຕອນຕ້ອງໃຊ້ສີໄມ້ລາຍມື ແລະ ຫົວຄິດປະດິດສ້າງໃນການຖັກທໍ ແລະ ການອອກແບບລວດລາຍທີ່ສ່ອງແສງເຖິງສິລະປະວັດທະນະທໍາ ແລະ ການດໍາລົງຊິວິດຂອງປະຊາຊົນລາວ.

ads
ads

Top