ຫວຽດເຈັດ ວາງເປົ້າຈະຮັບຜູ້ໂດຍສານໃຫ້ໄດ້ 27 ລ້ານຄົນ ແລະ ຈ່າຍເງິນປັນຜົນ 25% ໃນປີ 2024 ຈະສ້າງລາຍຮັບໃຫ້ໄດ້ຫລາຍກວ່າ 701 ລ້ານໂດລາ ໃນໄຕມາດທີ 1

08/05/2024 08:48
Email Print 1092
ຂປລ ຂປລ.ວັນທີ 07 ພຶດສະພາ 2024 ບໍລິສັດຫຸ້ນສ່ວນການບິນຫວຽດເຈັດ (Vietjet) ຫລື HoSE: VJC ໄດ້ໄຂກອງປະຊຸມໃຫຍ່ຜູ້ຖືຫຸ້ນ (GMS) ປະຈຳປີ 2024 ແລະ ຮັບຮອງເອົາແຜນດໍາເນີນທຸລະກິດປະຈໍາປີ 2024. ໂດຍມີເປົ້າໝາຍຮັກສາຄວາມເປັນສາຍການບິນອັນດັບໜຶ່ງພາຍໃນປະເທດ ແລະ ຂະຫຍາຍຕາໜ່າງການບິນສາກົນຕື່ມອີກ.

ຂປລ.ວັນທີ 07 ພຶດສະພາ 2024 ບໍລິສັດຫຸ້ນສ່ວນການບິນຫວຽດເຈັດ (Vietjet) ຫລື HoSE: VJC ໄດ້ໄຂກອງປະຊຸມໃຫຍ່ຜູ້ຖືຫຸ້ນ (GMS) ປະຈຳປີ 2024 ແລະ ຮັບຮອງເອົາແຜນດໍາເນີນທຸລະກິດປະຈໍາປີ 2024. ໂດຍມີເປົ້າໝາຍຮັກສາຄວາມເປັນສາຍການບິນອັນດັບໜຶ່ງພາຍໃນປະເທດ ແລະ ຂະຫຍາຍຕາໜ່າງການບິນສາກົນຕື່ມອີກ. Vietjet ຍັງ​ໄດ້​ລາຍ​ງານ​ຜົນ​ການ​ດຳ​ເນີນ​ທຸ​ລະ​ກິດ​ທີ່​ພົ້ນ​ເດັ່ນ​ໃນ​ໄຕ​ມາດ​ທີ 1 ປະຈໍາປີ 2024, ​ເພື່ອປູ​ທາງ​ໄປສູ່​ຄວາມ​ສຳ​ເລັດ​ໃນປີຕໍ່ໆໄປ.ໃນນັ້ນ,ໄດ້ຄາດ​ຄະ​ເນ​ລາຍ​ຮັບ​ການ​ຂົນ​ສົ່ງ​ທາງ​ອາກາດ ​ແລະ ລາຍ​ຮັບ​ລວມ​ໃຫ້​ໄດ້ຫລາຍກວ່າ 59 ພັນຕື້​ດົງ (ປະມານ 2,32 ຕື້ໂດລາ ) ​ແລະ 65,5 ພັນຕື້ດົງ (ປະມານ 2,57 ຕື້ໂດລາ ) ຕາມ​ລຳດັບ, ​ເພີ່ມ​ຂຶ້ນ 10% ​ແລະ 12,4% ທຽບໃສ່ປີທີ່ຜ່ານມາ. ຄາດ​ວ່າ Vietjet ຈະ​ສາມາດໃຫ້ບໍລິການ​ໄດ້ກວ່າ 142.000 ຖ້ຽວບິນ​ ຮັບຜູ້ໂດຍສານໄດ້​ຫລາຍ​ກວ່າ 27,4 ລ້ານ​ຄົນ. ສະພາຜູ້ບໍລິຫານຂອງ Vietjet ຍັງອະນຸມັດແຜນການກະຈາຍຜົນກຳໄລປີ 2024 ໃນນັ້ນແມ່ນເງິນປັນຜົນ ແລະ ເງິນປັນຜົນລ່ວງໜ້າຈະຖືກຈ່າຍເປັນເງິນສົດ ແລະ ຫຸ້ນໃນອັດຕາສ່ວນສູງສຸດເຖິງ 25%. Vietjet ​ໃນຖານະຜູ້ນຳດ້ານການບິນໃນ​ພາກ​ພື້ນ ຈະ​ຮັກ​ສາ​ສະ​ຖຽນ​ລະ​ພາບ​ຂອງ​ຕະ​ຫລາດພາຍ​ໃນ​ປະ​ເທດ ພ້ອມ​ທັງ​ເສີມ​ຂະ​ຫຍາຍ​ເຄືອ​ຂ່າຍ​ການ​ບິນ​ໄປ​ປະ​ເທດ​ຕ່າງໆ​ຢູ່​ອາ​ຊີ​ໃຕ້, ອາ​ຊີ​ກາງ, ອົດ​ສຕຣາ​ລີ, ເອີ​ລົບ ແລະ ອື່ນໆ.

​ໃນ​ໄຕ​ມາດ​ທຳອິດ ປີ 2024 ລາຍ​ຮັບ​ຈາກການ​ຂົນ​ສົ່ງ​ທາງ​ອາກາດ​ຂອງ Vietjet ບັນລຸ 17,76 ພັນຕື້​ດົງ (ປະມານ 701 ລ້ານໂດລາ ) ​ໃນ​ຂະນະ​ທີ່​ກຳ​ໄລ​ຫລັງ​ເສຍ​ພາສີ​ແມ່ນ 520 ຕື້​ດົງ (ປະມານ 20,5 ລ້ານໂດລາ ) ​ເພີ່ມ​ຂຶ້ນ 38% ​ແລະ 209% ​ຈາກ​ປີ​ທີ່ຜ່ານມາ. ລາຍຮັບລວມຂອງສາຍການບິນ ແລະ ກໍາໄລຫລັງເສຍພາສີແມ່ນ 17,79 ພັນຕື້ດົງ (ປະມານ 702,4 ລ້ານໂດລາ ) ແລະ 539 ຕື້ດົງ (ປະມານ 21,3 ລ້ານໂດລາ ) ຕາມລໍາດັບ, ເພີ່ມຂຶ້ນ 38% ແລະ 212% ທຽບໃສ່ປີທີ່ຜ່ານມາ ຕາມລໍາດັບ.

​ໃນ​ໄລຍະ 3 ​ເດືອນໃນ​ຕົ້ນ​ປີນີ້, Vietjet ​ໄດ້​ດຳ​ເນີນ​ຖ້ຽວ​ບິນ​ເກືອບ 34.500 ຖ້ຽວ​ຢ່າງ​ປອດ​ໄພ ດ້ວຍ​ຜູ້​ໂດຍສານ 6,3 ລ້ານ​ຄົນ​. ອັດຕາສ່ວນບັນທຸກຜູ້ໂດຍສານ ສະເລ່ຍຂອງສາຍການບິນບັນລຸ 87% ແລະ ຄວາມໜ້າເຊື່ອຖືດ້ານວິຊາການ

ສູງເຖິງ 99.6%. ສືບຕໍ່ປະຕິບັດ​ຍຸດ​ທະ​ສາດ​ເພື່ອ​ຜັນ​ຂະຫຍາຍ​ໄປ​ສູ່​ສາກົນ, ການ​ຂົນ​ສົ່ງ​ຜູ້​ໂດຍສານ​ສາກົນ​ຂອງ Vietjet ​ໃນ​ໄຕ​ມາດ​ທຳອິດໄດ້​ຮັບ​ການ​ເຕີບ​ໂຕ​ຫລາຍ​ກວ່າ 53% ​ແລະ 61% ​ເມື່ອ​ທຽບ​ໃສ່​ປີທີ່ຜ່ານມາ​ຕາມ​ລຳດັບ.

ສາຍ​ການ​ບິນ​ໄດ້​ເປີດ​ຖ້ຽວບິນ​ທັງ​ພາຍ​ໃນ ແລະ ຕ່າງ​ປະ​ເທດ​ໃໝ່ 15 ເສັ້ນ​ທາງ​ໃນ​ໄລ​ຍະເວລາ 3 ເດືອນ, ເຮັດໃຫ້​ເສັ້ນ​ທາງ​ການ​ບິນ​ທັງ​ໝົດ​ຂຶ້ນ​ເປັນ 140 ເສັ້ນ​ທາງ. ໃນ​ບັນ​ດາ​ສາຍ​ການ​ບິນ​ສາ​ກົນ​​ທີ່​ໄດ້​​ເລີ່ມໃຫ້ບໍລິການແມ່ນ Phu Quoc – Taipei, Ho Chi Minh City – Chengdu/Xi’an ແລະ ນະຄອນຫລວງວຽງຈັນ. ນອກນີ້ຍັງມີ Hanoi-Hiroshima ແລະ Sydney/Melbourne. ໂດຍສະເພາະການຂະຫຍາຍເສັ້ນທາງໃໝ່ໃນປີນີ້ ທີ່ເຊື່ອມຕໍ່ ນະຄອນຫລວງວຽງຈັນ ຫາ ນະຄອນໂຮ່ຈີມິນ ດ້ວຍຖ້ຽວບິນໄປກັບ 4 ຖ້ຽວຕໍ່ອາທິດ ໃນວັນຈັນ, ວັນພຸດ, ວັນສຸກ ແລະ ວັນອາທິດ ດ້ວຍເວລາບິນພຽງແຕ່ 1 ຊົ່ວໂມງ 45 ນາທີ. ມອບທາງເລືອກໃນລາຄາທີ່ເໝາະສົມທີ່ສຸດ ດ້ວຍການບໍລິການທີ່ທ່ານຕ້ອງປະທັບໃຈ. ​ເຮັດ​ໃຫ້​ທຸກໆ​ຈຸດໝາຍ​ປາຍທາງ​ໃກ້ຊິດ​ກັບນັກ​ທ່ອງ​ທ່ຽວ​ ດ້ວຍ​​ເສັ້ນທາງການບິນ​ຂອງ Vietjet.

ມາຮອດວັນທີ 31 ມີນາ 2024, ມູນຄ່າຊັບສິນທັງໝົດຂອງ Vietjet ບັນລຸ ກວ່າ 85,82 ພັນຕື້ດົງ (ປະມານ 3.38 ຕື້ໂດລາ ). ອັດຕາສ່ວນໜີ້ສິນຕໍ່ຫຸ້ນຂອງບໍລິສັດຢູ່ທີ່ 1,9 ໃນຂະນະທີ່ອັດຕາສ່ວນສະພາບຄ່ອງຢູ່ທີ່ 1,3ເຊິ່ງທັງສອງແມ່ນຢູ່ໃນຂອບເຂດທີ່ດີຂອງອຸດສາຫະກໍາການບິນ.

.ນອກຈາກ​​ເຊື່ອມ​ຕໍ່​ຫວຽດ​ນາມ​ກັບ​ໂລກ​ຜ່ານ​ເຄືອ​ຂ່າຍ​ການ​ບິນ​ຂອງ​ຕົນ, ຍັງ​ໄດ້​ນຳ​ຕົນ​ເອງ​ເຂົ້າ​ໃກ້​ເວ​ທີ​ໂລກ​ຜ່ານ​ບັນ​ດາ​ໂຄງ​ການ​ຄົ້ນ​ຄ້​ວາ ​ແລະ ​ການ​ລົງ​ທຶນ​ເຕັກ​ໂນ​ໂລ​ຊີ​ສາ​ກົນອີກດ້ວຍ.

 

KPL

ຂ່າວອື່ນໆ

ads
ads

Top