ຂປລ
ຍອດຜູ້ເສຍຊີວິດ ຈາກເຫດການໄຟໄໝ້ ອາຄານ ທີ່ພັກອາໄສສູງ ຫລາຍຊັ້ນ ໃນເຂດຮົງກົງຂອງຈີນ ເພີ່ມຂຶ້ນເປັນ 55 ຄົນ, ບາດເຈັບ 72 ຄົນ ແລະ ສູນຫາຍ ຫລາຍກວ່າ 200 ຄົນ.
ຂປລ. ສຳນັກງານ ດັບເພິງ ຂອງ ເຂດຮົງກົງ (ຈີນ) ລາຍງານວ່າ: ວັນທີ 27 ພະຈິກ, ຍອດຜູ້ເສຍຊີວິດ ຈາກເຫດການໄຟໄໝ້ ອາຄານ ທີ່ພັກອາໄສສູງ ຫລາຍຊັ້ນ ໃນເຂດຮົງກົງຂອງຈີນ ເພີ່ມຂຶ້ນເປັນ 55 ຄົນ, ບາດເຈັບ 72 ຄົນ ແລະ ສູນຫາຍ ຫລາຍກວ່າ 200 ຄົນ.
ໂດຍສຳນັກງານ ໄດ້ສົ່ງລົດດັບເພິງ ແລະ ລົດກູ້ໄພລວມ 304 ຄັນ ເພື່ອຮັບມືກັບ ເຫດໄຟໄໝ້ ໃນຄັ້ງໃຫຍ່ ທີ່ເກີດຂື້ນ ຕັ້ງແຕ່ວັນທີ 26 ພະຈິກ ແລະ ໃຊ້ໂດຣນກວດກາ ລະດັບຄວາມຮ້ອນ ເພື່ອປ້ອງກັນ ການເກີດໄຟໄໝ້ຊໍ້າ
ໂດຍຂະນະນີ້ ເຈົ້າໜ້າທີ່ ສາມາດມອດໄຟ ໃນອາຄານ 4 ຫລັງ ແລະ ຄວບຄຸມໄຟ ໃນອາຄານອີກ 3 ຫລັັງໄດ້ແລ້ວ, ສ່ວນອາຄານ ທີ່ເຫລືອອີກ 1 ຫລັງ ສາມາດລອດ ຈາກແປວໄຟ. ໂຄງການທີ່ພັກອາໄສ ຫວັງຟົກຄໍຣ (Wang Fuk Court) ປະກອບດ້ວຍອາຄານ 8 ຫລັງ, ຊຶ່ງທັງໝົດ ຄວບຄຸມ ດ້ວຍຕາຂ່າຍ ປ້ອງກັນສີຂຽວ ແລະ ຮ້ານ ເນື່ອງຈາກຢູ່ລະຫວ່າງ ການປັບປຸງຄັ້ງໃຫຍ່. ຂະນະນີ້ ໄດ້ຄວບຄຸມຕົວຜູ້ຊາຍ 3 ຄົນ ທີ່ຮັບຜິດຊອບ ການປັບປຸງ ອາຄານ ໃນຂໍ້ຫາເຮັດໃຫ້ມີຄົນເສຍຊີວິດ ໂດຍປະໝາດ./
KPL
