ຂປລ
ທາງການ ມາເລເຊຍ ລາຍງານວ່າ: ຍອດຈຳນວນ ຜູ້ອົບພະຍົບ ຈາກເຫດນໍ້າຖ້ວມ ເພີ່ມຂຶ້ນຫລາຍກວ່າ 21.000 ຄົນ ໃນ 10 ລັດ ທົ່ວປະເທດ
ຂປລ. ສຳນັກຂ່າວ ຊິນຮວາ, ທາງການ ມາເລເຊຍ ລາຍງານວ່າ: ຍອດຈຳນວນ ຜູ້ອົບພະຍົບ ຈາກເຫດນໍ້າຖ້ວມ ເພີ່ມຂຶ້ນຫລາຍກວ່າ 21.000 ຄົນ ໃນ 10 ລັດ ທົ່ວປະເທດ, ເນື່ອງຈາກ ລະດູມໍລະສຸມ ທາງຕາເວັນອອກສຽງ ເໜືອ. ໂດຍສະເພາະ ລັດກລັນຕັນ ເກີດນໍ້າຖ້ວມ ຢ່າງໜັກທີ່ສຸດ ມີຜູ້ອົບພະຍົບ 9.642 ຄົນ ເຊິ່ງອາໄສ ຢູ່ໃນສູນພັກຊົ່ວຄາວ 52 ແຫ່ງ. ຖັດມາແມ່ນ ລັດເປຣະ ມີຜູ້ອົບພະຍົບ 4.331 ຄົນ; ລັດສະລັງງອງ 2.909 ຄົນ ແລະ ລັດ ເກດະ 2.837 ຄົນ ສ່ວນທີ່ເຫລືອ ໄດ້ແຈກຢາຍໄປຕາມພື້ນທີ່ອື່ນໆ./
KPL
