ຂປລ
ຂປລ. ໃນວັນທີ 30 ເມສາ 2024 ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ໄດ້ໃຫ້ກຽດເປັນປະທານໃນພິທີເປີດຮ້ານເຊເວັ່ນອີເລຟເວັ່ນ ສາຂາທຳອິດຂອງແຂວງຈຳປາກສັກ ຕັ້ງຢູ່ໃນນະຄອນປາກເຊ ຢ່າງເປັນທາງການ
ຂປລ. ໃນວັນທີ 30 ເມສາ 2024 ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ໄດ້ໃຫ້ກຽດເປັນປະທານໃນພິທີເປີດຮ້ານເຊເວັ່ນອີເລຟເວັ່ນ ສາຂາທຳອິດຂອງແຂວງຈຳປາສັກ ຕັ້ງຢູ່ໃນນະຄອນປາກເຊ ຢ່າງເປັນທາງການ ໂດຍມີແຂກຜູ້ມີກຽດ, ຜູ້ບໍລິຫານຈາກໜ່ວຍງານຕ່າງໆ ຂອງແຂວງ ພ້ອມດ້ວຍ ທ່ານ ນາງ ມໍລະກົດ ສີສະຫວັດ ເອກອັກຄະຣາຊະທູດໄທ ປະຈຳ ສປປ ລາວ ແລະ ຄະນະຜູ້ບໍລິຫານບໍລິສັດ ຊີພີອໍລາວ ຈໍາກັດ ໃນກຸ່ມ ຊີພີອໍ ເຊິ່ງນໍາໂດຍ ທ່ານ ທາຕຣີ ຈິຣະບັນຈົງຈິດ ຜູ້ຈັດການຝ່າຍການຕະຫລາດ (Managing Director) ໃຫ້ການຕ້ອນຮັບ.
ຮ້ານເຊເວັ່ນ ອີເລຟເວັ່ນ ສາຂາບ້ານສະໜາມໄຊ ນອກຈາກຈະເປັນຮ້ານສາຂາທຳອິດຂອງແຂວງຈຳປາສັກແລ້ວ ຍັງເປັນຮ້ານສາຂາຕ່າງແຂວງແຫ່ງທຳອິດໃນ ສປປລາວ ໂດຍເປີດໃຫ້ບໍລິການຊ່ວງທົດລອງກ່ອນໜ້ານີ້ເປັນໄລຍະເວລາ 1 ເດືອນ ແລະ ໄດ້ຮັບການຕອບຮັບເປັນຢ່າງດີຈາກປະຊາຊົນໃນພື້ນທີ່ ຕະຫລອດຮອດນັກທ່ອງທ່ຽວທີ່ເດີນທາງມາຢ້ຽມຢາມນະຄອນປາກເຊ ສະແດງໃຫ້ເຫັນເຖິງສັກກະຍາພາບຂອງພື້ນທີ່ໃນຖານະສູນກາງທາງເສດຖະກິດທາງພາກໃຕ້ຂອງ ສປປ ລາວ ໂດຍສະເພາະແມ່ນດ້ານການທ່ອງທ່ຽວ ເຊິ່ງສອດຄ່ອງກັບນະໂຍບາຍສົ່ງເສີມການທ່ອງທ່ຽວໃນປີທ່ອງທ່ຽວລາວ ຫລື Visit Laos Year 2024.
KPL
