ຂປລ
ອົງການ ທ່ອງທ່ຽວ ແຫ່ງຊາດ ຍີ່ປຸ່ນ ລາຍງານວ່າ: ຍອດຈໍານວນ ນັກທ່ອງທ່ຽວ ຕ່າງປະເທດ ທີ່ເດີນທາງ ມາຢ້ຽມຢາມ ຍີ່ປຸ່ນ ເພີ່ມຂື້ນ ຫລາຍກວ່າ 3,08 ລ້ານເທື່ອຄົນ ໃນເດືອນມີນາ
ຂປລ. ສຳນັກຂ່າວ ຊິນຮວາ ຂອງ ສປຈີນ, ວັນທີິ 18 ເດືອນເມສາ, ອົງການ ທ່ອງທ່ຽວ ແຫ່ງຊາດ ຍີ່ປຸ່ນ ລາຍງານວ່າ: ຍອດຈໍານວນ ນັກທ່ອງທ່ຽວ ຕ່າງປະເທດ ທີ່ເດີນທາງ ມາຢ້ຽມຢາມ ຍີ່ປຸ່ນ ເພີ່ມຂື້ນ ຫລາຍກວ່າ 3,08 ລ້ານເທື່ອຄົນ ໃນເດືອນມີນາ, ເພີ່ມຂຶ້ນເມື່ອທຽບໃສ່ເດືອນຜ່ານມາ. ໃນຂະນະທີ່ ການໃຊ້ຈ່າຍ ຂອງ ນັກເດີນທາງ ຕ່າງປະເທດ ເພີ່ມສູງຂື້ນ ເປັນຄັ້ງປະຫວັດສາດ ກວມເອົາ ມູນຄ່າເຖິງ 1,75 ພັນຕື້ເຢນ ໃນເດືອນມັງກອນ-ເດືອນມີນາ, ເປັນຕົວເລກ ເພີ່ມຂຶ້ນສູງທີ່ສຸດ ໃນຮອບ 3 ເດືອນ. ຍ້ອນວ່າ ສະກຸນເງິນເຢນ ທີ່ອອ່ນຄ່າລົງ. ຍອດຈຳນວນ ນັກທ່ອງທ່ຽວ ເພີ່ມຂື້ນ ມີປັດໄຈ ມາຈາກ ລະດູການ ດອກສະກຸ ລະບານໃໝ່ ໂດຍມີ ຊື່ສຽງ ໂດງດັງຂອງ ຍີ່ປຸ່ນ ທີ່ ດຶງດູດ ເອົາຜູ້ມາຢ້ຽມຢາມ, ລວມເຖິງ ວັນພັກ ເທດສະການ ອີສເຕີຣ ເມື່ອທ້າຍເດືອນ ມີນາ ຊຶ່ງເປັນໄລຍະທີ່ມີ ນັກທ່ອງທ່ຽວ ຈາກ ກຸ່ມປະເທດ ຕາເວັນຕົກເຊັ່ນ: ອົດສະຕຣາລີ ແລະ ສາ.ອາເມລິກາ ມາທ່ຽວ ຍີ່ປຸ່ນ ຫລາຍທີ່ສຸດ./
KPL
