*ຫລາຍທ່ານຍັງຄິດບໍ່ອອກບອກບໍ່ຖືກວ່າປີໃໝ່ລາວ 2024 ນີ້ ຈະ ໄປຊອກຜັກຜ່ອນຢ່ອນອາລົມ ແລະ ຢາກຢູ່ໃກ້ໆກັບທໍາມະຊາດຄວນ ຈະໄປໃສດີ? ມື້ນີ້ຜູ້ຂຽນຈະແນະນໍາທ່ານໃຫ້ຮູ້ອີກສະຖານທີ່ໜຶ່ງທ່ີໜ້າສົນບໍ່ໜ້ອຍເພາະເປັນແຫລ່ງທ່ອງທ່ຽວທີ່ມີສາຍນໍ້າທໍາມະຊາດ ແລະ ປ່າໄມ້ທີ່ສາມາດໃຫ້ຄວາມສະຫງົບ, ຮົ່ມເຢັນ ແລະ ສະດວກສະບາຍຕໍ່ການເດີນທາງໂດຍສະເພາະແກ້ງຄັນຕ່າຍ ແລະ ບຶງຫລົ່ມໂລກ ກາຍເປັນແຫລ່ງທ່ອງທ່ຽວແຫ່ງໃໝ່ໃນເມືອງຄົງເຊໂດນທີ່ຂຶ້ນກັບແຂວງສາລະວັນນີ້ເອງ.

   ເລ້ືອຍໆເມ່ືອຮອດຍາມບຸນປີໃໝ່ລາວເຮັດໃຫ້ຫລາຍທ່ານຕ້ອງໄດ້ວາງແຜນເດີນທາງໄປຢ້ຽມຢາມບ້ານເກີດ, ພໍ່ແມ່, ລູກຫລານ ແລະ ຍາດຕິພີ່ນ້ອງບໍ່ວ່າຈະຂຶ້ນເມືອທາງພາກເໜືອ, ພາກກາງ ແລະ ພາກໃຕ້ຂອງລາວ ເຊິ່ງຈະປະກົດເຫັນລົດລາງພາຫະນະຄັບຄາແໜ້ນຕາມທ້ອງຖະໜົນ ແຕ່ເຖິງແນວໃດກໍດີ ຜູ້ຂຽນຂໍຝາກເຕື່ອນວ່າຈະເດີນທາງໄປຫລິ້ນໄປທ່ຽວໃສ່ລ້ວນແຕ່ເປັນຂອງຂວັນທີ່ສໍາຄັນເພື່ອມອບໃຫ້ຕົນເອງໃນວັນປີໃໝ່ລາວເພາະປີໜຶ່ງມີພຽງຄັ້ງດຽວ ດ້ວຍເຫດດັ່ງກ່າວກ່ອນເດີນທາງກໍຄວນໃຫ້ມີສະຕິ ແລະ ກວດກາຄວາມພ້ອມໄປຄວບຄູ່ກັນເຊັ່ນ: ສຸຂະພາບ, ຫ້າມດື່ມສິ່ງມືນເມົາແລ້ວຂັບລົດ, ກວດກາລົດລາງພາຫະນະໃຫ້ລະອຽດ, ກຽມໜັງສືລົດ-ໃບຂັບຂີ່, ຄວນຮູ້ເສັ້ນທາງເປັນຢ່າງດີ, ຂັບລົດໃຫ້ກຽດກັນ ແລະ ເຄົາລົບກົດລະບຽບຕ່າງໆຢ່າງເຄັ່ງຄັດ.ໃນກໍລະນີບາງທ່ານມີແຜນຈະ ເດີນທາງໄປທ່ຽວພາກໃຕ້ລາວນັ້ນໄລຍະນີ້ເສັ້ນທາງ 13 ໃຕ້ມີບາງ ບ່ອນຍັງຢູ່ໃນໄລຍະກໍ່ສ້າງ ແລະ ສ້ອມແປງແຕ່ສ່ວນໃຫຍ່ເກືອບສໍາເລັດໝົດແລ້ວກໍຂໍໃຫ້ເອົາໃຈໃສ ແລະ ເພີ່ມສະຕິໃນການຂັບຂີ່. ນ້ຳ, ພັກຜ່ອນ, ກິນເຂົ້າປ່າ ແລະ ອື່ນໆ ເນື່ອງໃນໂອກາດສຳຄັນຕ່າງໆ ເປັນຕົ້ນເທສະການບຸນປີໃໝ່ລາວ, ວັນສໍາຄັນຕ່າງໆຂອງພັກຂອງຊາດເຊິ່ງກາຍເປັນຈຸດໝາຍປາຍທາງທ່ີຫລາຍຄົນມີຄວາມນິຍົມຊົມຊອບມັກໄປທ່ຽວໄປຊົມ.

      ບຶງຫລົ່ມໂລກ ເປັນບຶງຂະໜາດ ໃຫຍ່ ມີເນື້ອທີ່ຫລາຍກວ່າ 40 ເຮັກຕາ, ເປັນບຶງທຳມະຊາດມີຕົ້ນໄມ້, ປ່າໄມ້, ທົ່ງນາອ້ອມຮອບ ແລະ ມີຊີວະນາໆພັນໂດຍສະເພາະມີນົກເປັດນ້ຳ ຈຳນວນຫລາຍອາໄສຢູ່, ແຫລ່ງທ່ອງທ່ຽວ 2 ແຫ່ງນີ້ ຢູ່ໃກ້ກັນໃນເຂດບ້ານຕານປ່ຽວ, ບ້ານດອນໄຜ່ບ້ານ ແລະ ບ້ານຈານລານເຊ. ຫວ່າງບໍ່ດົນມານີ້, ທ່ານ ສົມໃຈ ອຸ່ນຈິດ ໄດ້ເນັ້ນໃຫ້ອົງການປົກຄອງເມືອງ, ຂະແໜງການຕ່າງໆ ແລະ ອໍານາດການປົກຄອງບ້ານເອົາໃຈໃສ່ຊຸກຍູ້, ສົ່ງເສີມເພື່ອເຮັດໃຫ້ການທ່ອງທ່ຽວນັບມ້ືເຕີບໃຫຍ່ຂະຫຍາຍຕົວ, ມີບັນຍາກາດຟົດຟື້ນ, ກາຍເປັນການລິເລີ່ມພັດທະນາແຫລ່ງທ່ອງທ່ຽວ 2 ແຫ່ງ ໄປເທື່ອລະກ້າວ ແລະ ສາມາດເຊື່ອມໂຍງກັນ, ປຸກລະດົມຜູ້ປະກອບການເອົາໃຈໃສ່ດ້ານການບໍລິການຕໍ່ນັກທ່ອງທ່ຽວໃຫ້ດີ, ມີຄຸນນະພາບ, ຍຸຕິທຳ ແລະ ຮັກສາພາບພົດອັນດີງາມ ເພື່ອສົ່ງເສີມເຮັດໃຫ້ການທ່ອງທ່ຽວໃນເຂດດັ່ງກ່າວ ໄດ້ຮັບຄວາມນິຍົມຊົມຊອບ, ດຶງດູດນັກທ່ອງທ່ຽວພາຍໃນ, ຕ່າງ ເມືອງຕ່າງແຂວງ ກໍຄືຕ່າງປະເທດ ຄຽງຄູ່ກັບການປັບປຸງເຂດພື້ນທີ່ ແຫລ່ງທ່ອງທ່ຽວ ໃຫ້ມີຄວາມສະ ດວກສະບາຍ ເຊັ່ນ: ທາງເຂົ້າ, ຈຸດ ຝາກລົດ, ຈຸດຫລິ້ນນ້ຳ, ຈຸດບໍລິ ການ-ອາຫານເຄື່ອງດື່ມ ແລະ ອື່ນໆ ໃຫ້ມີຄວາມເປັນລະບຽບ, ສະອາດ, ສວຍງາມ, ທັງສາມາດຊົມທິວທັດທຳມະຊາດທີ່ສວຍງາມ, ທັງເປັນການຊຸກຍູ້ສົ່ງເສີມການທ່ອງ ທ່ຽວຕິດພັນກັບການຊື້-ຂາຍ ຜະລິດຕະພັນສິນຄ້າຂອງປະຊາຊົນເຮັດໃຫ້ມີສ່ວນຮ່ວມຕໍ່ກັບວຽກງານທ່ອງທ່ຽວຫລາຍຂຶ້ນ.

ໂດຍ : ເກີດຂວັນໃຈ ມາລີຈັນສີ

KPL