ຂປລ
ຂປລ. ບໍລິສັດຫຸ້ນສ່ວນການບິນ ຫວຽດເຈັດ (Vietjet HOSE: VJC) ໄດ້ເປີດເຜີຍບົດລາຍງານການເງິນ ໃນປີ 2023 ທີ່ສະແດງໃຫ້ເຫັນເຖິງການເຕີບໂຕຢ່າງເຂັ້ມແຂງຕະຫລອດປີ. ໃນນັ້ນ, ລາຍຮັບການຂົນສົ່ງທາງອາກາດ ລວມແມ່ນ 53,7 ຕື້ດົງ (ປະມານ 2,16 ຕື້ ໂດລາ), ເພີ່ມຂຶ້ນ 62%. ຜົນກຳໄລດ້ານການຂົນສົ່ງທາງອາກາດກ່ອນເສຍພາສີປະມານ 471 ຕື້ດົງ (ປະມານ 18,98 ລ້ານໂດລາ).
ຂປລ. ບໍລິສັດຫຸ້ນສ່ວນການບິນ ຫວຽດເຈັດ (Vietjet HOSE: VJC) ໄດ້ເປີດເຜີຍບົດລາຍງານການເງິນ ໃນປີ 2023 ທີ່ສະແດງໃຫ້ເຫັນເຖິງການເຕີບໂຕຢ່າງເຂັ້ມແຂງຕະຫລອດປີ. ໃນນັ້ນ, ລາຍຮັບການຂົນສົ່ງທາງອາກາດ ລວມແມ່ນ 53,7 ຕື້ດົງ (ປະມານ 2,16 ຕື້ ໂດລາ), ເພີ່ມຂຶ້ນ 62%. ຜົນກຳໄລດ້ານການຂົນສົ່ງທາງອາກາດກ່ອນເສຍພາສີປະມານ 471 ຕື້ດົງ (ປະມານ 18,98 ລ້ານໂດລາ). ສຳລັບລາຍຮັບສະສົມ ແລະ ສິນຄ້າ ມີມູນຄ່າເກືອບ 21 ພັນຕື້ດົງ (ປະມານ 846,6 ລ້ານໂດລາ) ເພີ່ມຂຶ້ນຫລາຍກວ່າ 60% ທຽບໃສ່ປີທີ່ຜ່ານມາ, ກວມເອົາ 39% ຂອງລາຍຮັບການຂົນສົ່ງທາງອາກາດທັງໝົດ. ນອກຈາກນີ້, Vietjet ຍັງຖືເປັນໜຶ່ງໃນກຸ່ມບໍລິສັດທີ່ໄດ້ຮັບຄວາມເຊື່ອໝັ້ນສູງໃນບັນດາວິສາຫະກິດຂອງປະເທດຫວຽດນາມ.
ໃນປີ 2023 ໄດ້ດຳເນີນຖ້ຽວບິນ 133.000 ຖ້ຽວຢ່າງປອດໄພ ດ້ວຍຈຳນວນຜູ້ໂດຍສານ 25,3 ລ້ານຄົນ ເພີ່ມຂຶ້ນ 183% ທຽບໃສ່ປີທີ່ຜ່ານມາ, ໃນນັ້ນມີ 7,6 ລ້ານຖ້ຽວບິນສາກົນ. ພ້ອມນີ້, ຍັງໄດ້ເປີດຕົວ 33 ເສັ້ນທາງບິນໃໝ່ທັງພາຍໃນ ແລະ ຕ່າງປະເທດ, ເຮັດໃຫ້ຈໍານວນເສັ້ນທາງບິນທັງໝົດມີ 125 ເສັ້ນທາງ, ໃນນັ້ນມີ 80 ເສັ້ນທາງຕ່າງປະເທດ ແລະ 45 ເສັ້ນທາງພາຍໃນປະເທດ. ພິເສດ ໃນຕົ້ນປີ 2024 ນີ້ ສາຍການບິນຫວຽດເຈັດ ໄດ້ເປີດສາຍການບິນສາກົນເຊື່ອມຕໍ່ຫາບັນດາຕົວເມືອງໃຫຍ່ຂອງບັນດາປະເທດຕ່າງໆໃນພາກພື້ນ ແລະ ສາກົນ.
ພ້ອມດຽວກັນ ໃນປີ2023 ສາຍການບິນ Vietjet ໄດ້ປະກອບສ່ວນເຂົ້າໃນການຮັກສາສິ່ງແວດລ້ອມ, ການພັດທະນາແບບຍືນຍົງ, ການຄົ້ນຄວ້າເຕັກໂນໂລຊີສີຂຽວ ໂດຍການນຳໃຊ້ເຮືອບິນທີ່ປະຢັດນໍ້າມັນ ໄດ້ເຖິງ 15-20% . ໃນຂະນະທທີ່ ສູນບໍລິການຂົນສົ່ງທາງບົກຂອງ Vietjet ໄດ້ຍົກສູງຄຸນນະພາບວຽກງານບໍາລຸງຮັກສາເຮືອບິນ ໂດຍເປີດສູນບຳລຸງຮັກສາເຮືອບິນມາດຕະຖານສາກົນ ຮ່ວມກັບສາຍການບິນລາວ ທີ່ນະຄອນຫລວງວຽງຈັນ ແລະ ໄດ້ຮ່ວມມືກັບສະມາຄົມຂົນສົ່ງທາງອາກາດສາກົນ (IATA) ເພື່ອກໍ່ສ້າງບຸກຄະລາກອນດ້ານການບິນທີ່ມີມາດຕະຖານສາກົນ.ຜົນສຳເລັດໃນປີ 2023, ສະແດງໃຫ້ເຫັນເຖິງຄຸນນະພາບດ້ານການບິນ ຂອງ Vietjet ໃນການຕອບສະໜອງຄວາມຕ້ອງການດ້ານການເດີນທາງທີ່ມີຄຸນນະພາບ.
KPL
