ຂປລ
ຂປລ. ພິທີປິດຊຸດອົບຮົມໄລຍະສັ້ນ ໃຫ້ພະນັກງານທີ່ບໍ່ໄດ້ຜ່ານໂຮງຮຽນການທະຫານ ຢູ່ກອງກິລາກອງທັບ ແລະ ກອງຍິງປືນ 199 ຈັດຂຶ້ນໃນວັນທີ 2 ເມສາ 2024 ນີ້ ຢູ່ກອງຍິງປືນ 199 ໂດຍການເປັນປະທານຂອງ ສະຫາຍ ພົນຕີ ພັນແສງ ບຸນພັນ ຮອງຫົວຫນ້າກົມໃຫຍ່ເສນາທິການກອງທັບ, ມີສະຫາຍ ພັນເອກ ສີປະເສີດ ບຸນປະກອບ ຫົວໜ້າກົມອົບຮົມ, ມີຄະນະພັກ-ຄະນະບັນຊາ, ຄູ-ອາຈານຕະຫລອດຮອດນັກຝຶກອົບຮົມ ເຂົ້າຮ່ວມ.
ຂປລ. ພິທີປິດຊຸດອົບຮົມໄລຍະສັ້ນ ໃຫ້ພະນັກງານທີ່ບໍ່ໄດ້ຜ່ານໂຮງຮຽນການທະຫານ ຢູ່ກອງກິລາກອງທັບ ແລະ ກອງຍິງປືນ 199 ຈັດຂຶ້ນໃນວັນທີ 2 ເມສາ 2024 ນີ້ ຢູ່ກອງຍິງປືນ 199 ໂດຍການເປັນປະທານຂອງ ສະຫາຍ ພົນຕີ ພັນແສງ ບຸນພັນ ຮອງຫົວຫນ້າກົມໃຫຍ່ ເສນາທິການກອງທັບ, ມີສະຫາຍ ພັນເອກ ສີປະເສີດ ບຸນປະກອບ ຫົວໜ້າກົມອົບຮົມ, ມີຄະນະພັກ-ຄະນະບັນຊາ, ຄູ-ອາຈານຕະຫລອດຮອດນັກຝຶກອົບຮົມ ເຂົ້າຮ່ວມ.
ສະຫາຍ ພັນເອກ ແສງອຳພອນ ພູມີເງິນ ຮອງຫົວຫນ້າກົມອົບຮົມ, ກົມໃຫຍ່ເສນາທິການກອງ ທັບ ໄດ້ຜ່ານບົດສະຫລຸບການອົບຮົມ ໃນໄລຍະຜ່ານມາ ເຊິ່ງໄດ້ຍົກໃຫ້ເຫັນຂໍ້ສະດວກ, ຂໍ້ຫຍຸ້ງຍາກ ແລະ ບາງບົດຮຽນທີ່ຖອດຖອນໄດ້ ໃນການອົບຮົມ-ຫັດແອບ ຕົວຈິງໃນໄລຍະ 13 ວັນ ມີພະນັກງານເຂົ້າຮ່ວມອົບຮົມທັງໝົດ 64 ສະຫາຍ ເຊິ່ງສັງເກດເຫັນວ່າແຕ່ສະຫາຍ ໄດ້ເອົາໃຈໃສ່ຄົ້ນຄວ້າກໍາແໜ້ນທາງດ້ານເນື້ອໃນ ບົດຮຽນພາກທິດສະດີ ແລະ ພາກປະຕິບັດຕົວຈິງ, ຜ່ານການອົບຮົມ-ຫັດແອບສາ ມາດສະເລ່ຍຜົນໄດ້ຮັບ ຄື: ພາກວິຊາລະບຽບ ບັນລຸໄດ້ 75%, ພາກວິຊາກິລາການທະຫານ ບັນລຸໄດ້ 85%, ພາກສິລະປະຍຸດ-ການທະຫານ ບັນລຸໄດ້ 85%, ພາກວິຊາຍຸດທະວິທີ ການທະຫານບັນລຸໄດ້85% ແລະ ສາມາດຮັບປະກັນຄວາມປອດໄພໄດ້ 100%.
ໃນພິທີ, ສະຫາຍ ພົນຕີ ພັນແສງ ບຸນພັນ ກໍໄດ້ໂອ້ລົມ ແລະ ເນັ້ນໃຫ້ຜູ້ທີ່ສຳເລັດການຝືກອົບ ຮົມ-ຫັດແອບໄລຍະສັ້ນໃນຄັ້ງນີ້ ຈົ່ງສືບຕໍ່ຕັ້ງໜ້າຝືກຝົນຫລໍ່ຫລອມຕົນເອງ ໃຫ້ມີຄວາມຮູ້ຄວາມສາມາດສູງຂຶ້ນ, ເສີມຂະຫຍາຍທາດແທ້ມູນເຊື້ອປະຕິວັດ, ເອົາໃຈໃສ່ປະຕິບັດລະບຽບວິໄນ ຂອງກອງທັບຢ່າງເຂັ້ມງວດ ແລະ ພ້ອມກັນນຳເອົາບົດຮຽນທີ່ໄດ້ຮຽນມາ ໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈິງ ຢູ່ກົມກອງຂອງຕົນໃຫ້ມີປະສິດທິຜົນສູງສຸດ.
ຂ່າວ: ຈິດ ເພັດພູທອງ
KPL
