*ຮ້ານອຳມະຕະ Ammataແມ່ນຮ້ານ ຂາຍປຶ້ມທາງອອນລາຍ ທີ່ ໄດ້ລວບລວມເອົາປຶ້ມມືສອງທີ່ມີຄຸນນະພາບດີໃນຫລາຍແບບເຊັ່ນ: ທຸລະກິດ, ການເງິນ, ນິຍາຍ  ແລະ ອື່ນໆ ມາໄວ້ໃນບ່ອນດຽວເພື່ອສົ່ງຕໍ່ຄວາມຮູ້ໃຫ້ຜູ້ທ່ີມີຄວາມສົນໃຈໃນການອ່ານ ເພື່ອ ເກັບກ່ຽວປະສົບການທາງພູມປັນຍາ  ແລະ  ເປັນການຝຶກສະມາທິໃຫ້ຜູ້ອ່ານອີກດ້ວຍ.

     ທ່ານ ອໍາມະຕະ  ທົດສະລາດ  ເຈົ້າຂອງຮ້ານຂາຍປຶ້ມ Ammata  ເວົ້າວ່າປຶ້ມມືສສອງຢູ່ນີ້ແມ່ນລາຄາຖືກເຊິ່ງໃນໂອກາດເຂົ້າຮ່ວມງານມະຫະກໍາປຶ້ມ 2024 ທີ່ຈັດຂຶ້ນຢູ່ ມະຫາວິທະຍາໄລແຫ່ງຊາດໃນອາທິດຜ່ານມາ ເຫັນວ່າປີນີ້ກໍ່ເປັນອີກປີໜຶ່ງທ່ີໄດ້ນໍາເອົາປຶ້ມມາວາງສະແດງ ແລະ  ຂາຍເພື່ອໃຫ້ນັກຮຽນ, ນັກສຶກສາ  ແລະ ຜູ້ເຂົ້າຊົມງານໄດ້ເລືອກຊື້ປື້ມມືສອງ ຄຸນນະພາບດີແຕ່ລາຄາບ່ໍແພງ ເຊິ່ງປື້ມທ່ີນໍາມາວາງສະແດງໃນຄັ້ງນີ້ ມີຫລາຍແບບໃຫ້ເລືອກເປັນຕົ້ນປຶ້ມຈິດຕະວິທະນາພັດທະນາໂຕເອງ, ທຸລະກິດ, ການເງິນ, ນິຍາຍ ແລະ ອື່ນໆ  ເຊິ່ງໄດ້ກະແສຕອບຮັບດີຫລາຍ ໃນແຕ່ລະມື້ຈະມີນັກຮຽນ, ນັກສຶກສາມາຢ້ຽມຢາມ ແລະ ຊື້ບໍ່ຂາດສາຍ ເຊິ່ງຈຸດນີ້ຮູ້ສຶກດີໃຈຫລາຍ ທີ່ໄວໜຸ່ມໃຫ້ຄວາມສົນໃຈ ການອ່ານຫລາຍຂຶ້ນ   ເຊິ່ງມັນເປັນສິ່ງທີ່ດີໄດ້ເຫັນຄົນຮຸ້ນໃໝ່ຮັກໃນການສຶກສາຮໍ່າຮຽນ  ເພາະເປັນການເພີ່ມຄວາມຮູ້ , ຄວາມສາມາດໄດ້ດ້ວຍໂຕເອງ. ສະນັ້ນ, ຈຶ່ງຢາກໃຫ້ມີງານທ່ີສົ່ງເສີມການອ່ານແບບນີ້ຫລາຍໆ  ແລະ ມີກິດຈະກໍາຕ່າງໆ ເພື່ອດຶງດູດໃຫ້ນັກຮຽນ, ນັກສຶກສາເຂົ້າຮ່ວມຫລາຍຂຶ້ນໃນປີຕໍ່ໄປ. 

    ແນວໃດກ່ໍດີສໍາລັບຈຸດເລ່ີມຕົ້ນຂອງ ອາຊີບນີ້  ແມ່ນຕົນເອງເປັນຄົນຮັກໃນການອ່ານຢູ່ແລ້ວ ຈຶ່ງໄດ້ຊື້ປຶ້ມຈາກປະເທດເພື່ອນບ້ານມາອ່ານເທື່ອລະເລັກລະໜ້ອບຈົນກາຍເປັນປຶ້ມສະສົມຫລາຍຂຶ້ນເລື້ອຍໆ ສະນັ້ນ, ຈຶ່ງຢາກແບ່ງປັນຄວາມຮູ້ໃຫ້ຜູ້ທີ່ມັກອ່ານຈຶ່ງໄດ້ໂພດຂາຍທາງອອນລາຍ  ເຫັນວ່າຄົນໃຫ້ ຄວາມສົນໃຈຫລາຍຈຶ່ງສັ່ງມາຂາຍ  ໂດຍແຕ່ລະມື້ກໍ່ມີການລູກຄ້າສັ່ງຊື້ມື້ລະ 9-10 ຫົວສົ່ງທັງພາຍໃນ  ແລະ ຕ່າງແຂວງ  ໂດຍຄາລາ ເລ່ີມຕົ້ນກໍ່ຢູ່ທ່ີສະພາບຂອງປຶ້ມ ເພາະຮ້ານເຮົາແມ່ນປຶ້ມມືສອງ ທັງໝົດເລີຍ. ທ່ານ ອໍາມະຕະ  ເວົ້າຕື່ມວ່າ: ພາຍຫຍັງທ່ີເຮັດ ອາຊີບນີ້ແລ້ວໃນແຕ່ລະເດືອນ ສາມາດສ້າງລາຍຮັບໄດ້ 10 ລ້ານກວ່າກີບ ລາຍຮັບນີ້ກໍບ່ໍໄດ້ຄົງທ່ີ ຂຶ້ນກັບແຕ່ລະເດືອນທ່ີລູກຄ້າສັ່ງໜ້ອຍສັ່ງຫລາຍ   ເນື່ອງຈາກວ່າຮ້ານເຮົາຂາຍສະເພາະອອນລາຍ  ແລະ  ຂາຍຕາມເທສະການປຶ້ມ ຕ່າງໆໆບໍ່ມີໜ້າຮ້ານ. ສະນັ້ນ,  ໃນ ນາມທີ່ເຮັດອາຊີບຂາຍປຶ້ມກໍຢາກໃຫ້ພາກສ່ວນກ່ຽວຂ້ອງຈັດງານເພື່ອສົ່ງເສີມການອ່ານ ໃຫ້ຫລາຍຂຶ້ນ ເພື່ອເຮັດໃຫ້ນັກຮຽນ, ນັກສຶກສາໄດ້ໃຊ້ເວລາວ່າງໃຫ້ເກີດປະໂຫຍດ.  ເອົາເປັນວ່າຖ້າທ່ານໃດທີ່ມີຄວາມສົນໃຈໃນການອ່ານ  ແລະ ກໍາລັງຊອກຫາປຶ້ມດີໆທີ່ລາ ຄາບໍ່ແພງສາມາດເຂົ້າຢ້ຽມຊົມຮ້ານຂາຍປຶ້ມ Ammata ປຶ້ມມືສອງລາຄາຖືກໄດ້ ທາງເພສເຟສບຸກ ຫລື ຕິດຕໍ່ສອບຖາມຜ່ານເບີ 020 5566 4159.

ໂດຍ: ມາລີດາ

KPL