ຂປລ
ກະຊວງ ຄົມມະນາຄົມ ສ.ອາເມລິກາ ໄດ້ອອກຖະແຫລງການ ເລື່ອງການຈັດສັນ ງົບປະມານສຸກເສີນ ເບື້ອງຕົ້ນ 60 ລ້ານໂດລາ ສະຫະລັດ ໃຫ້ແກ່ ລັດແມຣິແລນ ເພື່ອ ຟື້ນຟູ ຂົວຟຣານຊີສ ສະກອດ ຄີ ຢູ່ເມືອງ ບັລຕີມໍຣ ຊຶ່ງພັງຖະຫລົ່ມ ລົງມາ ທັງໝົດ ພາຍຫລັງ ຖືກກຳປັ່ນ ບັນທຸກ ສິນຄ້າ ຕ້າຫລີ່ ຂອງ ສິງກະໂປ ຕໍາໃສ່ ເມື່ອບໍ່ດົນມານີ້.
ຂປລ. ສຳນັກຂ່າວ ຕ່າງປະເທດ ລາຍງານ ຈາກ ນະຄອນຫລວງ ວໍຊິງຕັນ ປະເທດ ສ.ອາເມລິກາ ເມື່ອວັນທີ 28 ມີນາວ່າ: ກະຊວງ ຄົມມະນາຄົມ ສ.ອາເມລິກາ ໄດ້ອອກຖະແຫລງການ ເລື່ອງການຈັດສັນ ງົບປະມານສຸກເສີນ ເບື້ອງຕົ້ນ 60 ລ້ານໂດລາ ສະຫະລັດ ໃຫ້ແກ່ ລັດແມຣິແລນ ເພື່ອ ຟື້ນຟູ ຂົວຟຣານຊີສ ສະກອດ ຄີ ຢູ່ເມືອງ ບັລຕີມໍຣ ຊຶ່ງພັງຖະຫລົ່ມ ລົງມາ ທັງໝົດ ພາຍຫລັງ ຖືກກຳປັ່ນ ບັນທຸກ ສິນຄ້າ ຕ້າຫລີ່ ຂອງ ສິງກະໂປ ຕໍາໃສ່ ເມື່ອບໍ່ດົນມານີ້.
ໃນຂະນະທີ່ ມີການວິເຄາະວ່າ ຄ່າໃຊ້ຈ່າຍ ທັງໝົດ ຂອງ ໂຄງການ ດັ່ງກ່າວ ຊຶ່ງ ລັດຖະບານກາງ ຈະເປັນຜູ້ຮັບຜິດຊອບ ເກືອບ 600 ລ້ານໂດລາ ສະຫະລັດ ແລະ ອາດຈະເພີ່ມສູງຂຶ້ນ ເຖິງ 2.000 ຕື້ໂດລາ ສະະລັດ. ສ່ວນໄລຍະເວລາ ຂອງ ການດຳເນີນງານ ທັງໝົດ ຍັງບໍ່ສາມາດ ກຳນົດໄດ້ຢ່າງຊັດເຈນ. ທັງນີ້ ກຳປັ່ນ ຕ້າຫລີ່ ຊຶ່ງບັນທຸກ ຕູ້ສິນຄ້າ ຈຳນວນ 4.700 ຕູ້ ໄດ້ຕຳເຂົ້າກັບ ຂົວ ຟຣານຊີສ ສະກອດຄີ ພາຍໃນ ເວລາພຽງ 2 ນາທີ ຫລັງຈາກ ພະນັກງານ ກຳປັ່ນ ໄດ້ສົ່ງສັນຍານ ຂໍຄວາມຊ່ວຍເຫລືອ , ເນື່ອງຈາກ ເຄື່ອງຈັກດັບ ແລະ ພະຍາຍາມ ທອດສະມໍ ເພື່ອບໍ່ໃຫ້ກຳປັ່ນ ເຄື່ອນເຂົ້າໄປ ປະທະກັບຂົວ ແຕ່ບໍ່ທັນການ. ປັດຈຸບັນ, ສຳນັກງານ ຕຳຫລວດ ລັດແມຣິແລນ ໄດ້ຢືນຢັນວ່າ ກວດພົບຮ່າງ ຜູ້ເສຍຊີວິດ ຂື້ນມາໄດ້ 2 ຄົນ ຈາກ ທັງໝົດ 6 ຄົນ ທີ່ເສຍຊີວິດ ແລະ ສູນຫາຍ./
KPL
