ຂປລ
ອົງການ ເພື່ອການຍົກຍ້າຍຖິ່ນຖານ ສາກົນ (IOM) ໃຫ້ຮູ່ວ່າ: ມີຜູ້ເສຍຊີວິດ ຢ່າງໜ້ອຍ 63.285 ຄົນ ຫລື ສູນຫາຍ ໃນລະຫວ່າງ ເສັ້ນທາງ ການອົບພະຍົບ ທົ່ວໂລກ ໃນໄລຍະປີ 2014-2023.
ຂປລ. ອ້າງຕາມ ຂ່າວສານ ຫວຽດນາມ, ວັນທີ 26 ມີນາ, ອົງການ ເພື່ອການຍົກຍ້າຍຖິ່ນຖານ ສາກົນ (IOM) ໃຫ້ຮູ່ວ່າ: ມີຜູ້ເສຍຊີວິດ ຢ່າງໜ້ອຍ 63.285 ຄົນ ຫລື ສູນຫາຍ ໃນລະຫວ່າງ ເສັ້ນທາງ ການອົບພະຍົບ ທົ່ວໂລກ ໃນໄລຍະປີ 2014-2023. ອົງການ IOM ປະກາດ ບົດລາຍງານ ທີ່ກ່ຽວຂ້ອງ ກັບ ໂຄງການ ຜູ້ອົບພະຍົບ ທີ່ສູນຫາຍ ໄດ້ສະແດງ ໃຫ້ເຫັນວ່າ ສ່ວນຫລາຍ ພວກເຂົາເຈົ້າ ໄດ້ເສຍຊີວິດ ຫລື ສູນຫາຍ (28.854 ຄົນ) ໃນລະຫວ່າງ ເສັ້ນທາງ ທະເລເມດີເຕເຣນຽນ, ຖັດມາແມ່ນ ທະວີບອາຟຣິກາ ແລະ ອາຊີ. ໃນນັ້ນ ເກືອບ 60% ແມ່ນກ່ຽວຂ້ອງເຖິງ ການຈົມນ້ຳ ແລະ ຈຳນວນ ຜູ້ອົບພະຍົບ ຫລາຍກວ່າ 33,3% ມາຈາກ ປະເທດ ທີ່ມີຄວາມຂັດແຍ້ງ , ໃນນັ້ນ ລວມມີ ອາຟະການິດສະຖານ, ຊີຣີ, ເອທີໂອປີ ແລະ ອື່ນໆ. /
KPL