ສຳເລັດການຍົກລະດັບຄວາມຮຸ້ທິດສະດີການເມືອງຂັ້ນຕົ້ນຊຸດທີ II

29/02/2024 13:22
Email Print 488
ຂປລ ຂປລ. ພິທີປິດຊຸດຮຽນທິດສະດີການເມືອງຂັ້ນຕົ້ນ ຊຸດທີ II ຂອງຫ້ອງວ່າການສູນກາງພັກ ຈັດຂຶ້ນໃນວັນທີ 29 ທັນວາ 2023 ພາຍໃຕ້ການເປັນປະທານຮ່ວມຂອງ ທ່ານ ຄຳຜາ ພິມມະສອນ ຮອງເລຂາຄະນະພັກ, ຮອງຫົວໜ້າຫ້ອງວ່າການສູນກາງພັກ, ຫົວໜ້າຄະນະຮັບຜິດຊອບການຮຽນທິດສະດີການເມືອງຂັ້ນຕົ້ນ ຊຸດທີ II



ຂປລ. ພິທີປິດຊຸດຮຽນທິດສະດີການເມືອງຂັ້ນຕົ້ນ ຊຸດທີ
II ຂອງຫ້ອງວ່າການສູນກາງພັກ ຈັດຂຶ້ນໃນວັນທີ 29 ທັນວາ 2023 ພາຍໃຕ້ການເປັນປະທານຮ່ວມຂອງ ທ່ານ ຄຳຜາ ພິມມະສອນ ຮອງເລຂາຄະນະພັກ, ຮອງຫົວໜ້າຫ້ອງວ່າການສູນກາງພັກ, ຫົວໜ້າຄະນະຮັບຜິດຊອບການຮຽນທິດສະດີການເມືອງຂັ້ນຕົ້ນ ຊຸດທີ II ແລະ ທ່ານ ນາງ ຄໍາຫລ້າ ແກ້ວອຸ່ນເຮືອນ ກໍາມະການຄະນະພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.



ໂອກາດນີ້
, ທ່ານ ຄຳພອນ ສຸວັນນະແສງ ກຳມະການຄະນະພັກ, ຫົວໜ້າກົມຈັດຈັດຕັ້ງ-ພະນັກງານ  ໄດ້ ຜ່ານບົດສະຫລຸບຊຸດຮຽນທິດສະດີການເມືອງ ໂດຍໄດ້ຍົກໃຫ້ເຫັນຜົນສຳເລັດດ້ານດີ, ດ້ານອ່ອນ-ຂໍ້ຄົງຄ້າງ ແລະ ບົດຮຽນສາມາດຖອດຖອນໄດ້.  ການຍົກລະດັບຄວາມຮຸ້ທິດສະດີການເມືອງຂັ້ນຕົ້ນ ຄັ້ງນີ້, ແນໃສ່ເພື່ອສ້າງຄວາມຮັບຮູ້ເຂົ້າໃຈຕໍ່ທິດສະດີມາກ-ເລນິນ, ແນວຄິດ ໄກສອນ ພົມວິຫານ ແລະ ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ສ້າງທັດສະນະຫລັກໝັ້ນທາງດ້ານ ການເມືອງໃຫ້ສະມາຊິກພັກ, ມະຫາຊົນ ກໍຄື ພະນັກ ງານ-ລັດຖະກອນ ໃຫ້ມີຄວາມຮູ້ພື້ນຖານທາງດ້ານການເມືອງ.

ໂອກາດດຽວກັນ,  ທ່ານ ຄຳຜາ ພິມມະສອນ ໄດ້ຍ້ອງຍໍຊົມເຊີຍນັກຝຶກອົບຮົມ ທີ່ໄດ້ເຫັນຄວາມສໍາຄັນ ໄດ້ເອົາໃຈໃສ່ບຸກບືນສູ້ຊົນ ໃນການຝຶກຝົນຫລໍ່ຫລອມຕົນເອງ, ມີຄວາມຕັ້ງໃຈຮໍ່າຮຽນ ພ້ອມທັງເນັ້ນໃຫ້ນັກຮຽນທິດສະດີການເມືອງຄັ້ງນີ້, ໃຫ້ນໍາເອົາຄວາມຮູ້ ແລະ ບົດຮຽນທີ່ບັນດາຄູ-ອາຈານສົ່ງໃຫ້ໄປໝູນໃຊ້ໃນວຽກງານຕົວຈິງຂອງຕົນເອງໃຫ້ເກີດຜົນປະໂຫຍດຫລາຍທີ່ສຸດ. ນອກຈາກນັ້ນ, ຍັງເນັ້ນໃຫ້ສຳມະນາກອນ ເອົາໃຈໃສ່ສືບຕໍ່ຜັນຂະ ຫຍາຍຄວາມຮູ້, ຄວາມສາມາດ ທີ່ຕົນເອງໄດ້ຮຽນມາຈາກຄູ-ອາຈານ ໃຫ້ນໍາໃຊ້ໃນແນວທາງທີ່ຖືກຕ້ອງ, ສອດຄ່ອງຢ່າງປະດິດສ້າງ ແລະ ສາມາດມານຳໃຊ້ ໃນການປະຕິບັດວຽກງານໃຫ້ປະກົດຜົນເປັນຈິງ.

KPL

ຂ່າວອື່ນໆ

ads
ads

Top