ພັກການເມືອງຕ່າງໆຢູ່ກຳປູເຈຍ ເລີ່ມຕົ້ນບັ້ນຂົນຂວາຍຫາສຽງເລືອກຕັ້ງ

12/02/2024 15:23
Email Print 934
ຂປລ ໃນວັນທຳອິດ ຂອງບັ້ນຂົນຂວາຍ ຫາສຽງ ເລືອກຕັ້ງ, ບັນດາ ການເຄື່ອນໄຫວ ເຕົ້າໂຮມ, ເຊີດຊູ ກຳລັງ, ແຫ່ຂະບວນ ໂຄສະນາ ຂົນຂວາຍ ຫາສຽງ ເລືອກຕັ້ງ ໄດ້ດຳເນີນ ຢູ່ນະຄອນຫລວງ ພະນົມເປັນ ແລະ ຫລາຍທ້ອງຖິ່ນ,ສ່ວນຫລາຍ ແມ່ນພັກປະຊາຊົນ ກຳປູເຈຍ(CPP) ກຳອຳນາດ .

ຂປລ.ວິທະຍຸ ກະຈາຍສຽງ ແຫ່ງຊາດ ຫວຽດນາມ,ວັນທີ11 ກຸມພານີ້,ໃນວັນທຳອິດ ຂອງບັ້ນຂົນຂວາຍ ຫາສຽງ ເລືອກຕັ້ງ, ບັນດາ ການເຄື່ອນໄຫວ ເຕົ້າໂຮມ, ເຊີດຊູ ກຳລັງ, ແຫ່ຂະບວນ ໂຄສະນາ ຂົນຂວາຍ ຫາສຽງ ເລືອກຕັ້ງ ໄດ້ດຳເນີນ ຢູ່ນະຄອນຫລວງ ພະນົມເປັນ ແລະ ຫລາຍທ້ອງຖິ່ນ,ສ່ວນຫລາຍ ແມ່ນພັກປະຊາຊົນ ກຳປູເຈຍ(CPP) ກຳອຳນາດ .ບົດລາຍງານ ການອັບເດັດ ຂອງຄະນະ ກຳມະການ ເລືອກຕັ້ງ ແຫ່ງຊາດ ກຳປູເຈຍ (NEC) ໄດ້ຢັ້ງຢືນວ່າ: ໃນວັນທຳອິດ ຂອງບັ້ນຂົນຂວາຍ ການຫາສຽງ ເລືອກຕັ້ງ, ມີພຽງແຕ່ ພັກ CPP ໄດ້ຈັດຕັ້ງ ການເຄື່ອນໄຫວ ເດີນຂະບວນ ທີ່ມີການເຂົ້າຮ່ວມ ຂອງປະຊາຊົນ ເປັນຈຳນວນຫລາຍ ຢູ່ 7 ຫົວໜ່ວຍ ອຳນາດ ການປົກຄອງ ຂັ້ນແຂວງ ຢູ່ 5/8 ເຂດເລືອກຕັ້ງ.ໃນຂະນະນັ້ນ, ພັກເຈດຈຳນົງ ຂະແມ ໄດ້ຈັດການເຄື່ອນໄຫວ ເຕົ້າໂຮມ ກຳລັງ, ໃຊ້ໂທລະໂຄ່ງ ໂຄສະນາ ຢູ່ສຳນັກງານພັກ,ສະຖານທີ່ຕ່າງໆ ແລະ ຄອບຄົວ ຂອງສະມາຊິກພັກ.ສອງພັກກ່ອນ ຍັງເຫລືອແມ່ນ ພັກ FUNCINPEC ແລະ ພັກ ກຳລັງຊົນຊາດ ຍັງບໍ່ທັນ ດຳເນີນ ການເຄື່ອນໄຫວ ຂົນຂວາຍ ຫາສຽງ ເລືອກຕັ້ງໃດ./.

ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

KPL

ຂ່າວອື່ນໆ

ads
ads

Top