ຂປລ
ຂປລ. ແຫລ່ງຂ່າວຈາກ ແຂວງຄຳມ່ວນ ໃຫ້ຮູ້ວ່າ: ໃນໂອກາດທີ່ມາເຄື່ອນໄຫວຢ້ຽມຢາມ ແລະ ພົບປະຜູ້ມີສິດເລືອກຕັ້ງ ຕິດພັນກັບການຈັດຕັ້ງຜັນຂະຫຍາຍ ແລະເຜີຍແຜ່ເນື້ອໃນ ຜົນສຳເລັດ ຂອງກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ແລະ ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນ ແຂວງ ຄໍາມ່ວນ
ຂປລ. ແຫລ່ງຂ່າວຈາກ ແຂວງຄຳມ່ວນ ໃຫ້ຮູ້ວ່າ: ໃນໂອກາດທີ່ມາເຄື່ອນໄຫວຢ້ຽມຢາມ ແລະ ພົບປະຜູ້ມີສິດເລືອກຕັ້ງ ຕິດພັນກັບການຈັດຕັ້ງຜັນຂະຫຍາຍ ແລະເຜີຍແຜ່ເນື້ອໃນ ຜົນສຳເລັດ ຂອງກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ແລະ ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນ ແຂວງ ຄໍາມ່ວນ ຊຸດທີ II ຢູ່ເມືອງຄູນຄໍາ ເມື່ອບໍ່ດົນຜ່ານມາ, ທ່ານ ຄໍາໃບ ດຳລັດ ຮອງປະທານສະພາແຫ່ງຊາດ ພ້ອມດ້ວຍ ທ່ານ ບຸນມີ ພິມມະສອນ ປະທານຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 12 ແຂວງຄໍາມ່ວນ ແລະ ຄະນະ ໄດ້ເຄື່ອນໄຫວຢ້ຽມຢາມ, ຕິດຕາມຄວາມຄືບໜ້າ ຂອງໂຄງການກໍ່ສ້າງເຂື່ອນໄຟຟ້ານໍ້າຫີນບູນ ເພື່ອຮັບຟັງການລາຍງານ ຄວາມຄືບໜ້າວຽກງານ ໂຄງການເຂື່ອນໄຟຟ້ານໍ້າຫີນບູນ.
ໂອກາດນີ້, ທ່ານ ຮອງປະທານສະພາແຫ່ງຊາດ ໄດ້ມີຄໍາເຫັນໂດຍໄດ້ຊີ້ນໍາໂຄງການດັ່ງກ່າວ ໃຫ້ສືບຕໍ່ດຳເນີນການກໍ່ສ້າງໃຫ້ສຳເລັດ, ເອົາໃຈໃສ່ບັນຫາຜົນກະທົບຕໍ່ສິ່ງແວດລ້ອມ, ການຈັດສັນທີ່ຢູ່ອາໄສໃຫ້ປະຊາຊົນ ມີບ່ອນທຳການຜະລິດກະສິກຳ, ຊົນລະປະທານ, ການສ້າງວຽກເຮັດງານທຳ, ການທ່ອງ ທ່ຽວ, ການສ້າງບຸກຄະລາກອນສືບທອດ.
ຈາກນັ້ນ, ທ່ານຮອງປະທານສະພາແຫ່ງຊາດ ພ້ອມຄະນະກໍໄດ້ພົບປະກັບປະຊາຊົນ ບ້ານໜອງຮາງ ແລະ ເຂດບ້ານຈັດສັນ ຂອງປະຊາຊົນ ທີ່ບ້ານຄູນມະນີ ເມືອງຄູນຄໍາ ຕື່ມອີກ.
ຂ່າວ: ວິທະຍາ
KPL
